11/02/2019
السلام عليكم و رحمة الله أخواتي الأنيقات
اليوم جيت و جبت ليكم آخر ما خرج في حلويات اللوز
"حلوى الماندرين"
و الله إيلا فحال نصف ماندرينة غير هي ما حامضاش ههههههههههه
شفتها فواحد الكتاب و طبقتها
ايوا بلا ما نطول عليكم نخليكم مع الصور
و هادا شكلها عن قرب
نبدا مع:
المقادير
عقدة اللوز
نصف كيلو لوز مفسخ و مطحون ناعم
نصف كيلو سكر صقيل او سكر كلاصي
شوية زبدة ذائبة
ماء الزهر لجمع العقدة
ملون برتقالي و ط§ظ„ظ„ظٹ مالقاتوش دير بحالي خلطت الملون الأصفر و الأحمر و حصلت على اللون البرتقالي
دقيق الذرة أو مايزينة لدلك العجينة
الطريقة
ناخد اللوز و نعاود نطحنو مع سكر كلاصي من بعد نزيد عليه الزبدة و نحاول نجمع العقدة بماء الزهر حتى الحصول على عجينة لوز لينة
نقسموها على 2
نصف نخليوه ابيض و النصف الثاني نضيفو ليه الملون حتى الحصول على عجينة برتقالية
نصاوبو 2 كويرات واحده بيضاء و الثانية برتقالية
نرشو مكان العمل بمايزينة باش يسهل علينا الخدمة و نبسطو بيدينا الكرة البرتقالية غير شوية و نحطو فوق منها الكرة البيضاء ونبسطوها كذلك بيدينا
من بعد نجيبو الدلاك نرشوه كذلك بمايزينة و نطلقو العجينة بسمك 3 إلى 4 ملم
نجيبو قطاعة مشرشفة و نقطعو بيها دوائر
ناخدو كل دائرة و نحاولو نعملوها على شكل زليفة صغيورة و نحاولو نقطعو من الجوانب ديالها غير بيدينا باش يبان المنظر ديالها بحال القشرة ديال الماندرينة
من بعد نشكلو كويرة من العجينة البرتقالية
نقسموها بالسكين إلى نصفين
ناخدو القطعة و براس السكين نفلحوها في الوسط و نحاولو نديرو خطيطات باش نحصل على شكل سنانف الماندرينة هههههههههه
نحطو القطعة ط§ظ„ظ„ظٹ صاوبنا وسط الزليفة ط§ظ„ظ„ظٹ هي قشرة الماندرينة نثبتوها مزيان باش ما تقلعش من بعد
نديروها فكويغط
و بالصحة و الراحة 🙂
ايوا شي دعوة زوينة الله يرحم الوالدين راه تعبت باش نحط لكم الصور باش نشرح لكم بالتفاصيل ههههههههههه و لكن تستاهلو كل خير أخواتي 🙂
ايوا كيف جاتكم؟نتمنى تعجبكم
كانتسنى التقييم ديالكم و شي دعوة ليا و لجميع بنات المسلمين بالزوج الصالح الله يجزيكم بخير أخواتي 🙂
]og,h ja,t, hgpg,n hg[]d]m hggd wh,fj fhgg,.
المشاركة الأصلية كتبت بواسطة hindoos 
الله يبارك فيك أختي ربي يخليك
ايوا المقادير ساهلين أختي غييير العقدة ديال اللوز و الملون الغدائي البرتقالي. أنا ما لقيتوش يتباع و حاولت نحصل على اللون باللونين الأصفر و الأحمر ههههههههه حيت الحاجة أم الاختراع
و بالنسبة للطريقة دابا ندرجها إن شاء الله
و لكن شفت الأخوات غير كايطلو و يهربو واقيلا معجباتهمش الحلوى 🙁
المشاركة الأصلية كتبت بواسطة ayachahrazad أنا وياك أختي بارك الله فيك 🙂