دجاج peri peri من يدين la rose tropica مرحباا

السلام عليكم حبيباتي وعواشركم مباركة
​
اليوم جبت لكم وصفة برتغالية مشهووووووورة ديال الدجاج peri peri إلى جربتوها غتوليو مدمنييين عليها لأنها رااااائعة خصوصا الناس لي كيعجبهم الحار ومرافقة ب spicy hot rice أو الأرز المتبل على طريقة مطاعم nando’s العالمية والكل من مطبخي المتواضع مع سر الصلصة الحارة حصريااا على أناقة مغربية
على بركة الله
كنشدو الدجاج من لأفظل نخليو الجلدة كتعطي البنة لكن أنا زولتها مكنحملهاش وكنغسلوه مزيااان بجميع المنظفات لي عندك فلكوزينة ملح أو حامض أوخل غير جافيل نووووو هههههههههههههههه
من بعد كنسقطروه مزيااان وكندوزو نوجدو ترقيدة
ثومة شوينية كارمة ملح بزار thyme ونص كاس خل ونص كاس زيت زيتون ونطحنو كلشي ونرقدوه ليلة فثلاجة وملي نجبدوه نحطوه فلاطة مدهونة وندخلوه للفران ودك sauce لي شاطت نزيدو عليها ملعقة صلصة حارة أنا غنحط لكم مقاديرها فالأخر غير ماتدفعوش ( هي لي داير عليها لفيلم كااامل) وشوية زيت ونخلطو ه وكل 10 min ندهنو بها الدجاج حتى يطيب
ندوزو للروز
كنشدو روز شي كاس أنا عندي غير basmati نتي ممكن ديري روز كلاصي ,غسلييه ورقديه فلما باش دغيا يطيب خليه شي 30 min
ديري كاسرونة كبيرة فوق لعافية فيها لماء لخرقوم بزايد وملح وزعتر و4 شوينيات فرتيهم وخليه يغلي ويطلقو مزياااان ثم ضيفي روز وقابليه حتى يطيب 90/100 وصفيه وخليه يبرد
شدي مقلة فيها 3 معالق زيت و3فصوص ثومة مقطعة وبصلة خضارية مقطعة وشحريهم 1 min وضيفي روز وزعيترة شي معلقة ومعلقة من الصلصة العجيبة وقلبي بسباتولا 2 min وذوقي ملح
وطفي عليه وقدميهم بالصحة والراحة أنا رافقتهم بسلطة خضراء

بالنسبة للصلصة الحارة ممكن تصاوبيها وتحتفظي بها شهرفثلاجة تستعمليها لترقاد الدجاج ولحوت وتحطيها بلاصة لهريسة خطييييييييرة جدا
لمقادير كاس خل كاس زيت زيتون فلفلة حلوة حممممرة مقطعة كركوبة ثومة منقية شوينية كارمة شي معلقة كبيرة ملح حسب ذوق وأعشاب منسمة بالزايد( معلقة زعيترة معلقة يازير )
حطي لخل وزيت فوق لبوطة يسخنو وزيدي شي لاخر وخليه 3min وحيديهم وطحني في molinex

][h[ peri lk d]dk la rose tropica lvpfhh dpdk