2019-12-05
السلام عليكم و رحمة الله
ها واحد الغديوة سبق درتها نتمنى تنال اعجابكم
أول شيء نوجدو شرمولة ديال الدجاجة و احسن شيء تبات في الشرمولة تتشرب مزيان و تسهال في الطياب
للشرمولة نحتاجو:
ربيع و قزبور مفرومين. 2 فصوص تومة.عصير نص حامضة.زعفران حر. تحميرة.ملح ابزار كمون قرفة و مروزية خاصة ديال الدجاج. عصير نص حامضة. ملعقة زيت زيتون. و ماء
نحركو العناصر حتى التخلط و نحطو فيها الدجاجة و نزشملوها مزياااان من الداخل و الخارج
ب النسبة العمارة ديال الدجاجة
بصلة مشلة درتها في النار مع زيت الزيتون حتى دبلات زدت عليها التوابل ورقة سيدنا موسى و مطيشة محكوكة من بعد زدت الشومبنيو و الزيتون ملي نتسناوها ترب الماء نجهزو الشعرية الصينية تنغليو فقط الماؤ و نصبوه على الشعرية دغيا تتطلق تم نزيدوها على الباقي عناصر الحشوة
يتبع
][h[m lulvm , lplvm td hgtvk lk l’fod
نعمرو الدجاجة من الداخل بالحشوة و نسدوها نفضل باعواد الاسنان حسن من الخيط
و نكتفو لها اديها و رجليها
هههههه
بالنسبة للزبده باش اندهنو
نحتاجو 2 معالق كبار زبده عادية .نص دامة ديال الزعفران. نص معلقة موتارد. و شوية ضامة ديال السمن
ندهنو الدجاجة مزياااان من كل الجوانب
هادو اكياس خاصين ديال الطياب . تنفضل نحمر فيهوم الدجاح
كيما لاحضتو ما تتفرق لا والو و تاتحمر بشكل متساوي و تاطيب مزيان
تنديرو فيها دجاجة و نسدوه و نتقبوه باش القا الهواؤ منين اخرج مده 45 دقيقة من بعد ديك 45 دقيقة نقطعو الكيس من الفوق باش تحمر الدجاجة
يتبع
حتى المايونيز منزلي
تاناخد بطاطا مسلوقة تاندير معاها 2 فرماجات. كاس حليب شوية الخل و الخامض وزيت العود ابزار و ملح و تطرب الكل و ها التقديم في الصور بالصحة و الراحة
هانا سليت
اوا كيجاكم هاد الخير؟
و ممكن ديريها في الكسكاس كدلك
و من بعد تحمريها حتى هي تاتجي غزااالة
tbarkellah 3liiik
