|
|
|
هدا واحد السبيطار ديال الحماق ديما إيلا جا الطبيب ف الصباح كايلقى الحماق مضروبين كلهم ف الجبهة ديالهم إلا واحد. واحد المرة دارو ليهوم كاميرا باش يشوفو أشنو كيوقع. ملّي جاو الغد ليه خدمو الكاسيطا الي تسجلات لقاو هاداك لي مامضروبش كيرسم للحماق واحد الخط ف الأرض وكيقول ليهم: الي داز تحت هاد الخط نعطيه 200 درهم
|
|
الحليب ديال الدراري الصغار
|
|
هادا واحد مشى للفرماسيان وقال ليهم: بغيت الحليب ديال الدراري الصغار
قال ليه مول الفرماسيان: أشنو سميتو؟
قال ليه: مروان
|
|
مواصفات الخطيبة
|
|
هادا واحد سول صاحبو: أشنو هي المواصفات اللي بغيتيها تكون ف الخطيبة ديالك؟جاوبو لاخور: خاصها تكون لاباس عليها، وثرية، وخانزة فلوس
|
|
العياقة د العيالات
|
|
هادو تلاتة د المراوات كيعيقوا على بعضياتهم.
وحدة قالت ليهم: أنا راجلي غادي يشري المعاريف كله
وهي تقول التانية: أنا راجلي غيشري التور إيفيل
وهي تنقز التالتة قالت ليهم: وشكون قال ليكم راجلي باغي يبيع؟
|
|
ف السينيما
|
|
واحد دا مراتو لسنيما.
قال ليها : أشنو تاكلي ؟ الزريعة ولا شي حاجة باردة؟
قالت ليه : بزوج
وهو يجيب ليها الدلاح
|
|
واش نتا معروف؟
|
|
واحد طبيب بيطري مشى يخطب واحد البنت. سولو باها قال ليه: واش نتا معروف؟
قال ليه: وايلي تانتا، ماكاينش شي حمار ف المغرب ماتيعرفنيش
|
|
تفو على فال
|
|
قاليك هدا واحد كيسمع الخارج راه فيه الفلوس غير مشتين وكلشي لاباس عليه، وهو يبيع دارو والبهايم ومشى سافر. غير وصل نزل من الطيارة وهو يلقى 20 أورو طايحة و هو يدفعها برجليه و قال: تفو على فال كيف داير، شلا باش بديت
|
|
لصقوها فيا
|
|
هادا واحد ديما كيهز شي حاجة من دارهم. واحد النهار شفر بورطابل ديال خوه. ناضوا تاصلو بيه
من الدار قالو ليه رد البورطابل. وقال ليهم: نتوما أي حاجة تمشي لصقوها فيا!
|
|
الرقم الذي تطلبونه غير موجود
|
|
هادا واحد ضرب التلفون لصاحبه حيت مزير ف شي فلوس. هوما غاديين ف المكالمة عادي، حتى جات سيرة الفلوس، غير طلب اللول من صاحبو شي فليسات و هو يرد عليه: الرقم الذي تطلبونه غير موجود، المرجو عدم الاتصال لاحقا
|