خيوط التطريز اليدوي

السلام عليكم ورحمة الله وبركاته أخواتي بغيت نسولكوم على الخيوط اللي ممكن نطرز بيهوم بحال هادوك اللي كينفعوا فالطرز الرباطي او بوان كروا عييت منقلب عليه هنايا-الامارات -مالقيتوش دابا خاصني نعرف اشمن نوع يقدر يجيني مزيان بغيت نصوب واحد الغطاء ونصوروا ليكوم ان شاء الله جاوبوني دغيا الى سمحتوا

---

od,’ hgj’vd. hgd],d hgo],]

معنديش حتى فكرة ..نتمنى من الاخوات يجاوبوك..جاوبتك باش نرفع الموضوع

جزاك ربي على ردك ايوا الاخوات جاوبوني غير واحدة فيكوم راه مابغيتش ردود كثيرة بقدر مابغيت جواب باش نبدا الخدمة

أم حارتة أنا تبعتك حتى لهنا نفس مشكل لعندي ف هاد لبلاد معندهش الخيط الحرير عندهم فحال داك الخيط لكيدر ف طرز الرباطي ديال الماكينة أنا عندي لوازم ديال طرز الرباطي ب يد ولكن مالقيتش الخيط ديال الحرير كين غير لخور حتى أنا بغيت بش نلهي يدي نتمنى من البنات ل عندهم خبرة افيدونا

مرحبا احبيبة الله يجازيك بخير على ردك أنا سولت الاخوات حيث ماخليت سوق ماقلبت فيه ومنين تسولي مول الحانوت كيقولك قوليلي الاسم ديال الخيط وانا مكنعرف حتى اسم هههه كنت باغا نخيط واحد الازار نديرو لولدي ان شاء الله منين يتزاد ولكن معليش الى ماجاوبوناش الاخوات خاصة اللي فالامارات او السعودية او دول الخليج الوقت سبحان الله ماكايبغيش يدوز النهار طويل خاصة فهاد الصيف ههه

اختي ام حارتة حتى انا ماعنديش فكرة ولكن يمكن تطرحي تساؤلك فتجمع الامارات او فشي تجمع ديال الخياطات ايلا كان بطبيعة الحال.الله يوفقك ويرزقك فكاكة ساهلة.الغربة كلللللللللللها الساعة فيها بحال عام الله يفرج على الجميع.

أخواتي السلام عليكم
ماعليكن سوى أن يبعث لكن احد بهذه الخيوط من المغرب عبر البريد او من التجار المغاربة الذين يسافرون للمغرب
ممكن تستعينوا بخيوط البتة أكيد موجودة او خيوط التطريز التي تطرز بها العبايات