خلطة للشعر الجاف و المجعد

كنخلط الكل و تشقي بيهم شعرك و تخاليهم على الأقل 2ساعات ، أنا كنخاليه حتى 6ساعات، ماعندو حتى أضرار بالعكس، الشعر كيستافد من المكونات أكتر، غير ملاحظة بسيطة ممكن تستعملي أسبوع هاد المكونات كاملة، الاسبوع لي من بعدو تنقصي الأفوكا أو البنان، المهم في الوصفة دانون والزيوت، وعاد دابا الأفوكا موجودا و رخيصة، يعني بحال الأسبوع لي فات شريت أفوكا وحدة ب 3دراهم استعملت نصها و النص الثاني عملتو في الفريكو، وملي نبغيه نجبدو حتى يترخف و نستعملو.
من بعد ماتعملي الخليط في شعرك، لوي عليه film alimentaire وخليه حتى تبغي تغسليه و استعملي شمبوان لي ترتاحي ليه.

ملاحظة هاد المكونات كتعطي بزاف، أنا شعري واصل لي نص ظهري ملي كنخلط هاد القياسات لي عطيتكو كايشيط ليا منو، يعني لي شعرها طويل ممكن تكتفي غير بهاد القياس.