خاص عن مدونة العامة للضرائب بخصوص العقار

خاص عن ظ…ط¯ظˆظ†ط© ط§ظ„ط¹ط§ظ…ط© ظ„ظ„ط¶ط±ط§ط¦ط¨ ط¨ط®طµظˆطµ العقار

السلام عليكم كنوجه نداء لكل اخت كتشتغل عند محامي او موثق او كتفهم في القانون تجوبني الله يجزيكم ب***** و يكثر من امثالكم و يجعلها في الميزان المقبول عند الله سبحانه
الموضوع هو عندنا واحد السيدة من المقربين كان مات رجلها و خلا ليها منزل بعتو من مورة موت رجلها اوا وراثة كل واحد خدا حقو هدشي على يد موثق خلصات لوازم ديالها ثلاث في المائة ديال الضرائب خدات الابراء ديالها من مصلحة الضرائب او مور مدة اربع سنين صفطو ليها رسالة كيقولو ما خلصتناش هي عندها وراق انها خلصت كلشي لهو الابراء قالو تخلصي عشرين في المائة حسب عليها بزااااااااااااااف الفلوس ما يجمعهم غيفم اوا صفطات لهم شكاية بالموضوع المدير الضرائب مرفوق الاوراق الابراء عقد البيع و المستخلصات كلشي الملف دفعات هد الشكاية خدات اكيزي عليها بانهم ستلموها اوا دابة داز عامين ما كينش شي جواب بغيت نعرف واش صافي سدو الموضوع ولا يفجئوها بشي سيزي الله يحفض

Read more: https://www.anaqamaghribia.com/vb/sho…#ixzz2Ovj33rBm

---

ohw uk l],km hguhlm ggqvhzf fow,w hgurhv hgyhgf

السلام عليكم ورحمة الله تعالى وبركاته
هادو في الغالب دارو redressement
لكن اللي كنعرف وعلى حسب علمي رجع الموثق مايعطيك الفلوس تا كتفضي مع الضرائب
ومادام خدات داك العقد من عند الضرائب وسلماتو للموثق فهي مابقاتش مسؤولة قانونيا
لكن العقد اللي خدات ديالاش بالظبط
اختي ملي رجعات وعملت شكاية للمدير الجهوي المنطقة اللي هي فيها وجابها فهدي نقطة حسنة
لكن اختي من بعد 4 سنين جاتها 20% وحطت ليهم الوثائق وخدات اكيزي فهدا ماكافيش للاسف
خاصها تابع الملف فين وصل
وخير من يساعدها تشوف ليها محاسب
وحذاري دازت سنتين وضروري من الخلاص واظن المبلغ غادين يحيدو منو شي حاجة
اختي قولي لقريبتك ضروري ما تشاور مع شي محاااسب وماتبقاااش جالسة لان مايغرهاش هاد الصمت فهما يقدرو يردو عليها تا من هنا 10 سنين
والكونتور كيحسب
لهدا لابد لها من تتبع الملف وتعرف فين وصل وتاخد من عندهم واحد الوثيقة المطلوبة وكل هذا بالطبع بمساعدة محاااسب
عارفة راسي مانورتكش لكن لو اطلعت اكثر على داك عقد الابرااام نعرف اش عطاوزبها بالظبط
وربي يعمل ليها ***** يااارب

اختي نصحيها بعدم التماااطل وزتقول صافي
فهما دوما كيشكو في النوار والمبلغ اللي صرحت به عندهم جاهم صغير وفيه إن
لهذا عاودو عملو ما عملو
اما في حالة كان خطأ في الموظف اللي دخل المعلومات للسيستااام فهدا شغلهم وهما يتحملو غلط الموضف
لهذا كنصحك تنصحي هاد السيدة بخاصها ضروري تشوف محاااسب
ضروري وضروري وضروري وحذاري من التماااطل

السلام عليكم ورحمة الله وبركاته، اذا تمت الاجابة على مراسلات ادارة الضرائب داخل اجل شهر.
فان عدم جواب الادارة الضرائب يعتبر بمثابة تراجع عن مطالبها، وبالتالي وضعيتها سليمة.

الله يفك وحلاتها ويقضى غرضها
عليها بمحامي يعرف في القانون الضريبي

عزيزتي بصفتي مستشارة قانونية للمنتدى فانني لا انطق عن الهوى بل انطلاقا من اسس معرفية راسخة وخبرة في المجال.

تحياتي اختي

شكرا لكم اخواتي الله يجعل لكم في الميزان المقبول راه هد السيدة الموثق ما كيل ليها فلوسها حتئ جابت ليه الابراء من الضرائب راه المشككل هو من بعد اربع سنين صفطو ليها يقولو خلصي لي عليك كيما قلب هي راه خلصات واجبات الدولة ثلاث في المائة هما دابا بغين عشرين في المائة واش كيتخلصوا اثنان بيهم كون كان هدشي لابد لاش عطوها الابراء ان الدولة ما كتسالها والو والله مع هد القانون المغرب ما بقتي تفهي والو اما بخصوص الرسالة راه كتبات المدير الخهوي ولكن بدون رد دابة هي خيفا من شي نهار تفاجئ بشي خبار منهم لي تسكت ليها القلب عونهها الله يعطيكم لتمناو ويحعل لكم في الميزان المقبول و يحقق لكم ما تمناو يا رب

اختي عدم الرد من طرف ادارة الضرائب يعتبر بمثابة تراجع عن مطالبها، وبالتالي وضعيتها القانونية سليمة، ولا داعي للخوف.

[شكرا اختي اسيل الله يجزيك بالخير دابة الابراء كيعني انا داك رسم عقاري الدولة ما كتسالها حتئ حاجة
حاجى اخرئ اختي هد السيدة خايفة حيت صحاب ضرائب كيغبرو سنين يعودو يصيفط ثاني رسالة او يدير سيزي الله يستر quote=اسيل مسلمة;7165877]اختي عدم الرد من طرف ادارة الضرائب يعتبر بمثابة تراجع عن مطالبها، وبالتالي وضعيتها القانونية سليمة، ولا داعي للخوف.

[/quote]

للرفع كنتمنئ نلقئ ردود حول هد الموضوع خصوصا اخت اسيل وشكرا