Oum Hedayah
30-12-2019
غريبة اللوز باللوز ايفيلي
كيلو لوز ممسوح و مطحون+ 750غ سنيدة+ 9ابيض البيض + 2معالق كبار كونفتير المشمش+ 250غ لوز ايفيلي للتفناد كنخلطو جميع المقادير و تبات ليلة كاملة فالثلاجة…نفزكو يدينا بشوية د الماء لان الخليط كيتلصق و نعملو كويرات قياس كركاعة و نفندوهم فاللوز ايفيلي و نزلوهم فالطاوة مغلفة بورق السيلفيريزي باش ما يلصقوش…نبسطهوم غير شوية الى الفرن ….هاد الحلوى كتجي لذيذة بزاف…مقرمشة و معلكة من الداخل.
حلوى التمر
الكل كيعرفها كيختلف غير الشكل…انا هنا عملت 250غ زبدة+كاس كبير سكركلاصي+1/2كاس صغير ماء الزهر و 12كيلو تمر معجون نسموه باش بغيتو+م كبيرة زبدة و شوية ماء الزهر… عملت حربول طويل معمر بالتمر و نقشت واحد الجانب بالنقاش اللي مقوس و نقشت الجانب الاخر في الاتجاه المعاكس و قطعت …نعملوهم يطيبو …و نزين الجوانب باللو مهرمش محمر و شوة السكر جلاصي للوجه.
الصابلي
عجينة وحدة بالكاكاو و نكهة القهوة…كيجي لذيذ.مقرمش و هشيش.. انا عملت 250غ زبدة +1/2 كاس زيت 2م كبار كاكاو +م كبيرة قهوة+ 2م كبار نشا +بيضة و الطحين لجمع الخليط عملت 3 اشكال…واحد مزين بالشكلاط…واحد شكل الوردة بعجينة اللوز و اللوز مهرمش محمر و ندهنوه بشوية دالزيت و هو سخون مع شوية الكاكاو باش كيلصق فيه…الشكل التالت بعجينة اللوز و الكراميل
عجين اللوز..150غ لوزمقشر و منشف فالفران و مطحون مع 150غ سكر كلاصي و نجمعوه بالكليكوز و نعجنوه مزيان و نعملوه فميكة باش ما ينشفش.
هاد المول كنرشوه بشوية السكر الكلاصي او نشا باش ما يلصقش لنا الشكل
هاد المول د السيلكون بلا ما نرشوه…ما كيلصقش…خديتو ب 25درهم
كنوجدو جميع اشكال التزيين…و ممكن نوضعو عليهم شوية الملمع بودرة …كيتباع 30درهم للقرعة
هادا اللوز مهرمش كيتباع فحال هكدا…
اللوز مهرمش محمر و ندهنوه بشوية دالزيت و هو سخون مع شوية الكاكاو باش كيلصق فيه
كنلصقو اشكال التزيين بالكراميل نيستلي او خليط الكليكوز+نباج…غير هو الكراميل كيجي لديد و كنزينو الجوانب باللوز المهرمش بالكاكاو..
بالنسبة لهاد الشكل…كنحتاجو لهاد المول د البلاستيك …خديتو ب 13درهم…انا كنعطيكم فقط فكرة عن الاثمنة
ادعيولي بتيسيير اموري …الله يسر امورك
pg,dhjd gud] hghqpn 2024>>>hg’vdrm fhgjtwdg hgllg gho,hjd>>> 2024hg’vdrm gho,hjd
الله يعطيك الصحة
احلى تقييم وعيد مبارك سعيد
بما انه اختي مشاركة فالمسابقة فمخصك تنزلي موضوعك هدا الا بعد نهاية المسابقة .