حلوى سواغي بالفريز .راقية و بنينة

مثبت بتاريخه … ريفية حرة هاد الحلوى طلبوها مني الاخوات فالموضوع اللي سبق وحطيت هانا نزلتها ليكم هنا واستسمح على التاخير المقادير و الطريقة * الجنواز مقادير الجنواز و الطريقة هنا .-~*’¨¯¨’*•~-.¸-( حلوى سواغي بالبراليني و الشكلاط )-,.-~*’¨¯¨’*•~-.¸ * موس الفريز -استعملت نصف المقادير- 400 غ فريز 250 غ قشدة طرية 50 غ سكر كلاصي 3 اوراق جيلاتين جانبا نبلل اوراق الجيلاتين فالماء بارد نطحن الفريز مع السكر كلاصي ونزلهم فكاسرونة على نار هادئة تقريبا 10 دقائق نطفي النار ونزيد الجلاتين معصور مزيان من الماء ونخلط حتى يذوب. وفي اناء نطلع القشدة ونضيف عليها خليط الفريز *حتى يبرد* شوية بشوية مع الاستمرار فالتطراب *موس الماسكربون -استعملت نصف المقادير- 250غ قشدة طرية 250غ ماسكربون العسل الكمية حسب الحلاوة اللي بغينا 3 فاني 3اوراق جيلاتين القليل من الفريز مقطع صغير نبلل الجلاتين فالماء بارد جانبا نسخن 3 معالق من القشدة ونذوب فيها الجلاتين اللي عصرناه مزيان من الماء نطلع الباقي ديال القشدة ونزيد العسل والفاني ونطرب ونذيف الماسكربون ونستمر فالتطراب ونضيف الجيلاتين اللي ذوبنا ونزيد قطع الفريز وهنا نخلط غير بالملعقة باش يبقاو طريفات الفريز باينين * كلاصاج -استعملت نصف المقادير- 2 ونصف اوراق جيلاتين 35غ ماء معدني او عادي 75غ سنيدة 75غ كليكوز 75غ نستلي 75غ شكلاط ابيض ملون غذائي احمر غبرة في اناء ندير الشكلاط مع نستلي ونخليهم جانبا في كاسرونة ندير الماء و السكر و الكليكوز ونخليهم حتى يغلاو ونطفي العافية ونخويهم فوق الشكلاط و نستلي ونخلط حتى يذوبو نزيد الجلاتين معصور مزيان من الماء و نضيف القليل من الملون الاحمر ونطحن الكل فالخلاط الكهربائي. نزلو فاناء ونغطيه ببلاستيك غذائي اللي يكون ملامس ليه باش ميديرش القشرة ونخليه فالثلاجة على الاقل 2 ساعات ومن الاحسن يتوجد بليلة قبل. هاحنا وجدنا كلشي ناخدو الجنواز نقطعوها بالاطار بالشكل اللي بغينا يكون غارق نخوي فوق الجنواز موس الفريز وندخلها للثلاجة حتى تتماسك نخرجها ونضيف طبقة من موس الماسكربون ونرجعوها للثلاجة حتى تتماسك نحيد عليهم الاطار و نزلهم فوق شبكة . ناخد الكلاصاج اللي وجدنا و نديرو فالميكرواند يذوب نخليه يبرد شوية ونخويه عليهم من الفوق . نخليهم فوق الشبكة حتى ييبس عاد نهزهم ونزينهم وتابعو معي بالصور التزيين حسب الذوق وبالصحة و الراحة -كتجي بنيييييييييييييييينة – *خديت بلاطو اللي كيتباع ديال الحلوى وقطعتو بالاشكال اللي بغيت وهما اللي نزلت عليهم الحليوات*