حلوة جديدة لعيد الاضحى من مطبخي

بسم الله الرحمن الرحيم

كيف حالكم حبيباتي
عواشركم مباركة ان شاء الله
مدة هادي بغيت نكتب حليوات للانيقات ديالنا
وكان عندي مشكل في الجهاز
حتى دبا لقيت الحل ديالو ومباشرة بديت فكتابة هاد الموضوع 😀

المهم نخليكم مع الحلوة

غنحتاجو العجينة بحال كعب غزال
والعقدة ديال لوز كعب غزال
انا كنستعمل هاد العجينة والعقدة بحا مقادير ديال استادتنا الغالية امينة سامي الله يحفظها للي عزاز عليها
العجينة فهاد الرابط
https://echorouk.dzbatna.com/#93721

ملون حسب الرغبة
ولوز مسلوق مقشر
بياض بيضة

الطريقة

نطلقو العجينة
ونطلقو عجينة اللوز
و نعبرو بعبار دائري او بكاس
ونديرو دائرة اولى ندهنوها ببياض البيض نردو عليها دائرة ديال اللوز وندهنوها ببياض البيض كذلك ونديرو عليها دائرة اخرى ديال العجينة
ونشكلو اصبع بالعجينة ديال اللوز ونديروها فوق ديك الدائة وناخدو 2 جناب نلصقوها في الوسط بحبة لوزة
الطريقة باينا
وبالصحة والراحة

تحياتي

---

pg,m []d]m gud] hghqpn lk l’fod

ما شاء الله
الله يحفضك شكلها زوينة وباينة بنينة

ماشاء الله حلوة غزالة ,تبارك الله عليك اختي

السلام عليكم ورحمة الله وبركاته
حلوة رائعة و مميزة شكلا
الله يعطيك الصحة

تبارك الله عليك والله يعطيك الصحة طريقة غزااااالة جا الشكل رائع
جزاكِ الله خيرا
وعيد مبارك سعيد

شكرا لكي غاليتي على مرورك العطر
الله يحفظك من كل مكروه

تبارك الله عليك جاتك غزالة

تبارك الله عليك الله يحفظك

الله يبارك فيك غاليتي
شكرا لمرورك العطر

شكرا اختي الفاضلة على مرورك وعلى تثبيتك لموضوعي
الف شكر غاليتي