السلام عليكم اخواتي
اليوم جبت لكوم واحد الحليوة ساهلة بالڭلية، هاد الوصفة شفتها فواحد البرنامج غربي، وجربتها وجات زوينة، هي واقيلة للاطفال ولكن راها عجبات حتى لكبار ^^
بالنسبة للمقادير تقريبا كيفما شفتهوم فالبرنامج:
10 كيسان ڭلية(واجدة ماشي ذرة)، حفنة بيسكوي مهرس باليد، 6 كيسان مارشميلو صغير(لون ابيض)، ربع كاس زبدة، زيت نباتية
بالنسبة ليا درت تقريبان نصف المقادير:(ليعطاوني 15 حلوة)
خدمت ب5 كيسان عنبة ڭلية (طايبة)، 3 كيسان عنبة مارشملو(بالنسبة للمقدار بالعدد تقريبا 20 مارشميلوة "كبيرة"، تقريبا نصف الباكية ليكادير 9 دراهم)، 4 قطع بسكويت "هنر*س" دالكوك، معلقة زبدة، زيت نباتية
بالنسبة للطريقة:
كاتاخذي مول وكاذهنيه بزيت نباتية، وكاتكبي فيه بيسكوي،والڭلية ونصف كاس مارشملو صغير قد حبات الڭلية (انا مالقيتش مارشملو صغير غير قطعتهوم حتى ولاو صغار) وكاتخلطيهوم تخليطة خفيفة
كاتاخذي مقلاة من الحسن ماتكونش كاتلصق، وعلى نار مهيلة كاذوبي فيها زبدة، كاتزيدي 2 كيسان ونصف دالمارشملو الصغير (يكون صغير باش يسهال إذوب) وكاتبقاي تخلطي حتى يذوب (كايذوب دغية) كاتحيدي المقلة من العافية وكاتزيدي ڤاني (انا مازدتهاش حيث مذاق دداك المارشملو اصلا فيه نكهة زوينة ماكاين لاش نزيد ليه الڤاني)
(انا ماخليتوش يذوب كثر من هاكا حيث الكاسرول بدا كايشد لي الخليط حيث ماشي من النوع ليماكايلصقش)
إيوا وكاتكبيه على الخليط ليفلمول وكاذهني سپاتول بالزيت وكاتخلطي الكل مزيان، وكاذهني يديك بالزيت وكاديري من الخليط كويرات، (وكاديري عليهم خطوط بالشكلاط ذايب، انا مادرتش هاد المرحلة، كيصيبتهوم حطيتهوم نذوقوهوم ^^ والصراحة جاو لذاذ وأكيد ايعجبو الدراري الصغار، وغير 2 كايشبعو)
نتمنى تعجبكوم وشكرا على المتابعة
************************************************** ************************************************** ************
( سورة الأحزاب )
pg,m fhgڭgdm gd ]vj ih] hguadm llll aaaa fhgڭgdm
ان شاء الله نجربها لوليدات
المشاركة الأصلية كتبت بواسطة *زهرة الايمان* 
ان شاء الله نجربها لوليدات
آمين ياربي، بارك الله فيك، ان شاء الله تعجبهوم، وماتنسايش تردي علي الخبار ^^
ايوا من حيت انا لولا غناخد قد ما عجبني.هههه
المشاركة الأصلية كتبت بواسطة SOFI99 ايوا من حيت انا لولا قد ما عجبني.هههه
بصحتك احبيبة ^^ بارك الله فيك، شكرا