حلوة السبولة بالصور

السلام عليكم اخواتي هاد الحلوة لي غنحط ليكم شوفتها بجوج طرق مختلفة وهاد الطريقة كتختلف عليهم وساهلة وكيجي النقش ديالها باين وهي اهداء مني ليكم بمناسبة تغيير اسمي وكنهديها لمشرفتنا نوارة ديزي لي استجبات لطلبي وغيراتو ليا

المقادير و الطريقة ديال العجينة
كيلو ديال الفورص النوع الممتاز انا كنستعمل تريا –كاس اتاي مشرط من لتحت ديال زبدة مدوبة ومصفية كنستعمل زبدة صفراء ديال العبار –نفس الكاس ديال زيت –كاس ديال ماء زهر –شوية مسكة حرة –شوية ملح – 4 معالق سنيدة وكنجمعوها بالما دافي وندلكوها مزيان تقريبا شي نصف ساعة او اكثر وكنخليوها ترتاح عاد نستعملولها
المقاديرو الطريقة ديال عجينة اللوز..

كيلو ديا ل اللوز البلدي لي كنخويو عليه ماء غليان ونخليواه واد 5دقائق ونصفيواه ونقشروه ونخليواه ينشف من الماء ونديواه نطحنوه انا كنديه عند واحد مختص في طحن اللوزكيوزنوا وكيشوف شحال خاصو ديال سنيدة لي معندوش هاد الامكانية يطحنو فالدار 2مرات نزيدو عليه كاس ديال زبدة مدوبة ومصفية –مسكة حرة – قطرات روح ديال زهر ولا 2معالق كبار ماء زهروحتى هو خصو يتدلك مزيان شي 15 دقيقة
بالنسبة لهاد الشكل العجينة خصها تكون رقيقة اللوز يكون كيبان باش يجي النقش مزيان كيف جميع حلويات اللوز خصها تبات وندهنوها بالزبدة مدوبة ومصفية عاد نطيبوها وملي طيب كندهنوها بالنباج ونديروها فالكويغطات ويلا ما فهمتوش شي حاجة انا موجودة اخواتي

pg,m hgsf,gm fhgw,v