بسم الله الرحمن الرحيم
سلام عليكم البنات ليوم بغيت نحط موضوع جديد لي هو طط´ظˆط§طھ لمختلف ط§ظ„ط¹ط¬ط§ط¦ظ† كنحضرو لعجينة فدار أكنبقاو حصلين باااش غنعمرو لعجينة لهادا بغيت جميع الأخوات إكتبو لحشوات لي كعتمدو عليها راكم عارفين رمضان مبقا ليه والو الله إدخلو علينا بالصحة و الهنا أ مبروك عواشركم أ متنساوش لي دخلات تكتب شي حشوة 
pa,hj glojt hgu[hzk gHpgn Hkdrhj pskhj
نبدا أنا الاولى على بركة الله
الحشوة 1: -الفلفلة ألوان الى كانت موجودة إيلا مكانت غير الخضرة مقطعة مربعات.
-بصلة كبيرة مشلظة.
-حبة مطيشة مقطعة مربعات.
-شوية كفتة اللحم او الدجاج او بيبي إيلا مكانت حتى وحدة بلاش.
-علبة فطر نقطعوع شوية باش ميبقاش كبير وسط العناصر الاخرى.
-ملح-ابزار -طحميرة -كمون -خرقوم -سكنجبير -قزبور حبوب مطحون -ضامة البنة البقري -شوية ضامة الزعفران الحر إيلا بغيتي -الزعتر.
-الزيت البلدية.
-فرماج مدزريلا او احمر الي كان.
-زيتون اخضر مقطع وكتزيدي ضربيه شوية بالموس باش مايبانش يكون غير الطعم ديالو.
نشحرو البصلة فزيت حتى تبدى طيح ونزيدو الفلفلة حتى يدبلو شوية ونضيفو الكفتة نشحروهم شوية ثم نضيفو المطيشة و الزيتون مقطع نخلوهم غير شوية ثم نتبلوهم ملي يطيبو نطفيو النار ونخلوهم يبردو عاد نضيفو الفرماج وها الحشوة جاهزة كتجي كتحمق وممكن ديري فيها الطون الا ما عندك الكفتة ولكن ماديريه حتى تبغي تبلي حيت ما كيحتاجش الطياب.
الحشوة 2: -1خيزو محكوكة فالحكاكة الرقيقة.
-1بصلة متوسطة مقطعة مربعات صغار.
-1الفلفلة خضرة محكوكة فالحكاكة الغليضة.
-1كورجيت محكوكة فالحكاكة الرقيقة.
-1مطيشة محكوكة.
-كفتة اللحم او صدر دجاج مقطع قطع صغيرة جداً او بيبي.
-ملح -ابزار -سكنجبير-طحمير -كمون -خرقوم -قزبور يابس -ضامة البنة البقري -شوية قرفة -شوية ضامة الثوم -الزعتر.
-فرماج مدزريلا محكوك.
نشحرو البصلة في الزيت البلدية ملي طيح ضيفي جميع الخضر ما عدا المطيشة خليهم يتشحرو مع التحراك مرة مرة تم ضيفي الكفتة شوية و ضيفي مطيشة و شوية و تبلي ما عدا الزعتر حتى الاخير الا بانت ليك الخضر نشفات ومزال ما طابت زيدي شوية الماء ماشي بزاف ملي يطيب كلشي ضيفي الزعتر وخليها تبرد ثم ضيفي مودزرلا و ها الحشوة واجدة.
الحشوة 3: -صدر دجاج او بيبي مقطع قطع صغيرة جداً.
-بصلة مشلضة.
-ابزار -ملح -سكنجبير -قرفة.
-حفنة اللوز مسلوق ومفسخ ومقلي و مهرمش تزيدي ليه شوية السكر كلاصي وشوية قرفة و شوية كوزة محكوكة.
تشحري الدجاج او بيبي مع البصلة ملي يتغير لون الدجاج او بيبي ضيفي العطرية وحركي مرة مرة حتى يطيب كلشي ثم طفي عليه و ضيفي خليط اللوز كتجي هائلة.*
بعض انواع الحشوات التي استعمل
* البيض مسلوق و محكوك مع فرماج مثلتات كورنيشون مقطع صغير ملح ابزار
* التون و ذرة بصلة بعض حبات الكبار خص هاد الحشوة بالنسبة للسندوتيشات
* جبنة بارميزان و فرماج احمر ايدم موزاريلا الخص مفور او للسبانخ
* بطاطس مسلوقة فرماج كيري او جبن ربيع التوابل
* الروز مسلوق كنعملوله قرفة و سنيدة و اللوز مقلي و مهرمش كنعمر به الرغايف في الفران او بريوات
* دانون مسوس موطارد جزر مربعات تون كرعة مربعات حبق يوضع في مقلة اتناء طبخ الخضر المكور و الفرماج الاحمر للتزيين
* البصلة معرقة الربيع بزايد روفيت سوتي في الزبدة وشوية ديال الزعتر و كيري
و باقي الحشوات التقليدية اللي دكرت الاخت السابقة اللي كتدخل فيهم الكفتة بجميع انواعها الخ ……
لو تدكرت شئ ما سارجع مرة اخرى و رمضان كريم مرة اخرى
غانكتب غي حشوة وحدا باش كلشي يشارك
الكفتة او التونة
خزو مقطع قطع جد صغيرة او محكوكبطاطا بصلة مشلضة
زيت العود شوي الملح بزار وشوية الكمون و جبنة الموزاريلا و الدرة و التومة محكوكة
كانشحرو بصيلة حتى تحمار و نضيفو لها خزو و بطاطا و باقي المقادير الا الجبنة حتى كانعمرو بيها عاد كانضيفوها هيا الاخيرة
و بصحة و الراحة