حريشات راقيين معمرين بالتمر .مرحبا بكم

2) العجينة: 250 غرام السميدة رقيقة+ 100 غرام الزبدة مذوبة+1ڤاني+1خمارة (7غرام)+2معالق سنيدة+3ملاعق دقيق+ثمن لتر ديال الحليب (1/8 كاس صغير ديال اتاي)+قبصة ملح.

كنخلطو النواشف ونبسبسوها بالزبدة عاد نزيدو الحليب وكتجي جارية وكنخليوها ربع ساعة .فهاد الاثناء كنوجدو كويرات التمر ونبسطوهوم شوية.

فوق فيلم أليمونتير او بلاستيكة نقية كنبسطو العجينة بيدينا وبرفق(حنو عليها مسكينة) كتجي نصف سنتيمتر ونقطعوها بالقطاعة اي شكل بغيتوه او بالكاس ونحطو وسطها التمر لي بسطناه حتي هو وفوق منها قطعة اخرى ونحاولو نلحموهوم زعما نلاقيوهوم الفوقانية والتحتانية في الجوانب عاد كنحطو عليهوم القطاعة باش تثبت مزيان وتاخد شكل القطاعة. وكنهزوهوم بالفورشيط باش يسهال الهزان ديالهو ومايخسرش الديكور ونحطوهوم فطاوة مدهونة وحدة جنب الاخرى متخافوش مغيتلاصقوش وحتي كنساليو الكمية لي عندنا كنسرطوهوم بموس من الفوق اولا بلاش.

ملاحظة:
هاد الكمية دائما كتخرج ليا 20 حبة .
ويمكن نعوضو التمر بعقدة اللوز او الشكلاط او ليييييييي بغيتو……..

وكالعادة كنتمني من الله تعجبكوم الوصفة وتدعي معايا في ظهر الغيب بدعوة خير ولكن بالمثل يارب.