بتاريخ 2024.01.09
أخواتي الغاليات
نتمنى من الله تكونوا بخير و بأحسن حال
اليوم جايبة ليكم هاد الحريشات كيجيو لداد بزاااف و ساهلين فالتحضير نتمنى يعجبوكم و تجربوهم .
لا تنسوني من صالح دعائكم و ربي يجازيكم بالمثل و زيادة
بسم الله و توكلنا على الله
حريشات ط¨ط§ظ„ظ„ظˆط² و ط§ظ„ظ„ط¨ظ† و نكهة الحامض
المقادير:
150غ سميدة رقيقة
150غ سميدة غليظة
100غ لوز مقلي و مطحون
60غ زبدة لينة
1 كاس سنيدة
قشرة حامضة محكوكة
قبصة ملح
2 خمارات
نصف لتر لبن
للسقي:
كاس سنيدة
نصف كاس عصير الحامض
نصف كاس ماء
الطريقة:
نحكو الحامضة فزلافة
نزيد عليها السميدة الرقيقة و الغليضة و السنيدة و قبصة الملح
نزيد الزبدة لينة أو مدوبة
نفركها مزيان مع السميدة حتى تلبس كل حبة السميدة بالزبدة و تولي بهاد الشكل
نزيد اللوز و نخلط مزيان
ناخد المولات ندهنهم بالزبدة و نرشهم بالسميدة رقيقة
نعمر المولات الصغار أو مول كبير حسب الرغبة
ندخلهم لفران مسخن من قبل و نخليهم حتى يطيبو و يتحمرو
في هاد الوقت نوجد السيرو بالسكر و الماء و عصير الحامض
ملي يطيبو الحريشات نخرجهم نسقيهم بالسيرو
و نرجعهم 2 دقايق و نخرجهم
و ها الشكل ديالهم
ممكن تزينيهم ط¨ط§ظ„ظ„ظˆط² مهرمش أو اللوز إفيلي محمر
أو إلا بغيتي تقدميهم للضياف زينيهم بهاد الطريقة بالفواكه المعسلة و اللوز إفيلي
اللهم أدمها نعمة و بارك لنا فيها و احفظها من الزوال
pvdahj fhgg,. , hggfk fk;im hgphlq v,,,,um lk l’fod fhglvhpg lw,vm
المشاركة الأصلية كتبت بواسطة دعاء الجنة 
و عليكم السلام و رحمة الله تعالى و بركاته
بارك الله فيك و لهلا يخطيك…نورتيني بمرورك الكريم الله يحفظك و ينورك
حريشات غزالين وراقيين
تم التببيث مع 5 نجمات في انتظار التقييم
تبارك الله عليك شكلهم كيشهي وأكيد لذاااااااااااااااااااذ
تتشهى
المشاركة الأصلية كتبت بواسطة فاطمة التهامي حريشات غزالين وراقيين
تم التببيث مع 5 نجمات في انتظار التقييم
الله يبارك فصحيحتك الحبيبة و يجازيك خير الجزاء على التثبيت
نورتيني بمرورك الطيب الله يحفظك و ينورك اختي
المشاركة الأصلية كتبت بواسطة أم جنا تبارك الله عليك شكلهم كيشهي وأكيد لذاااااااااااااااااااذ
بارك الله فيك الحبيبة…الله يجازيك خير الجزاء على مرورك و كلامك الطيب
المشاركة الأصلية كتبت بواسطة bouchbaat تتشهى
العفو الحبيبة…بارك الله فيك و لهلا يخطيك…
اللهم ادمها نعمة واحفظها من الزوال