عندي البيسي غيحماق بالوصفات المصورة
لكن للاسف معنديش الوقت لتنزيلها
ونتمنى تنال اعجابكم
لان الحرشة ممكن تعمروها بللي بغيتو
المهم هو العجين اما الحشو فنتوما تفنو فيه
هيا نفس عجينة الحرشة
لكن كنضيفو ليها شوية ديال الدقيق الحرش (سبيسيال)
باش كتجي سهلة فالتعمار بلى متقطع لينا
و صدقوني كتجي لذييييذة و ممكن ترفقيها بسلطة او غيرها
كيف عملت انا قدمتها فالعشاء
مع سلطة مشكلة خفيفة
و نتمنا تعجبكم
تابعوني مع المقادير و الطريقة المفصلة
(يعني سميدة الرقيقة )
100 g غرام دقيق حرش سبيسيال
ملعقة صغيرة ملح، ملعقة كبيرة سكر
رأس ملعقة خميرة الخبز، فاني
خميرة حلوى ،فنجان حليب بودرة
فنجان زيت
لتر ماء 1/4 (ممكن إضافة الماء اكثر حسب جودة الدقيق المستعمل)
علبة ديال الطون
قبصة ملح، إبزار ، كامون
شوية ديال كنور (قريصة)
ضرس ثوم محكوك
بصلة مشلضة
(انا استعملت اوراق البصلة الخضارية حيت كانتعندي جديدة)
ربيع مفروم
شوية ديال سكنجبير طري محكوك ( راس ملعقة)
500 غرام سميدة الحرشة
+ 100 غرام دقيق حرش سبيسيال
+ ملعقة صغيرة ملح
+ ملعقة كبيرة سكر
+ رأس ملعقة خميرة الخبز
+خميرة حلوى بودرة
+ فاني
+فنجان حليب
نخلطو كلشي النواشف مزايان
و نفتلوها كيف تانفتلو الكسكس
او البات بريزي حتا تشرب الزيت
ثم نضيفو4/1 لتر ماء
حتا نحصلو على خليط رخو
و متماسك فنفس الوقت
(ممكن إضافة الماء اكثر حسب جودة الدقيق المستعمل)
و تخليوه يرتاح كيف كنعملو مع المسمن
باش تسهال فالتڭراص من بعد
طريقة الحشوة :
شحرت البصلة و الثوم
فالزيت ديال الطون
و ضفت ليها العطرية :
قبصة ملح، إبزار ، كامون
شوية ديال كنور (قريصة)
بعد مطابت البصلة ضفت ليها الطون
و شوية ( راس ملعقة) ديال سكنجبير طري محكوك
و حطيتها على جنب تبرد
بعد موجدنا الحشوة و بردات
نبداو على بركة الله التعمار
بعدما قسمنا العجين لخبيزات
كنقسمو كذلك الحشوة بعدد الكراتالسطح للي غنخدمو عليه كنرشوه بالسميد الحرش ديال الحرشة و نبداو نعمرو
كناخذو الكرة نبسطوها او نكرصوها
و نبداو نجمعو الجنبات و نطبقوها
و نكرصوها غير شوية باش تلصق
و نمرمدوها على 2 جهات
فالسميد الحرش ديال الحرشة
و نستمرو فهاد العملية حتى نكملو كل الكرات
و بعد منكملو التعمار نسخنو المقلة
و نبداو نطيبو الحريشات ديالنا
و يطيبو على خاطرهم
مرفقة بسلطة مشكلة خفيفة
و كتكال باردة او سخونة
ممكن لو شاط ليكم العجين تحفظوه فالثلاجة للغد ليه
و تعاودو تعمروه ببقايا ديال الاكل للي شاطت ليكم
كتكون اكلة شهية و مغدية فنفس الوقت
و طبعا كتكسبو الاجر بعدم رمي البقايا
الجودة ديال الحرشة (و العجائن عامة)متعلقة بجودة السميد او الحرش المستعمل
يعني لو كان قديم او ماشي شي نوع زوين
ممكن متصدقش
او تجي ناشفة
او تهرس ملي تبغيو تعمروها
و ايضا كمية الماء باش كتجمع العجينة
كتاثر فيها جودة الدقيق و نوعو
عامة في كل المعجنات
كاين الدقيق للي كيشرب الماء بزاف و كاين للي لا
خوذي بعين الاعتبار ان الطحين انواع
pvam lulvm fhg’,k ]hzlh fhgw,v , hgjthwdg lk ;,.dkjd
تبارك الله ما شاء الله
طريقة تقديم رائعة و حرشات اروع
الله يعطيك الصحة و الخير و اسهل امرك
خمس نجمااااااااات
الله يجعل طعامكم و شرابكم حلال مبارك
و لا يحرمكم من خيرات الدارين
الله يجزاكم عني خيرات الدارين
نورتو الصفحات
حريشات ممممم م عندي ما نقول هههه
الله يرزقك الجنة وينولك لي في بالك يا رب
لا تحرمينا من وصفاتك المميزة
الله يجعل طعامكم و شرابكم حلال مبارك
و لا يحرمكم من خيرات الدارين
الله يجزاكم عني خيرات الدارين
نورتو الصفحات