السلام عليكم ورحمة الله تعالى وبركاته
كيفكم اخواتي الاداريات المشرفات العضوات الانيقات
عارفة كلكم اخواتي بارعات في تقديم الحرشة لكن بغيتكم تشاركوني حرشتي المتواضعة نبداو بسم الله
عملت رابعة سميدةغليظة ورابعة سميدة رقيقة مع نصف باكية الخميراة الحمراء وشوية ملح و2معالق كبار سنيدة
ومعلقة كبيرة زبدة وكاس صغير مخلط مابين زيت العود وزيت العادية
بسبست الخليط كلو حتى نساجم خديت منو شوية باش نملس وجه الحرشة
ضفت ليها الماء الدافيء
تم عملت المقلة على النار ورشيتها بشوية سميدة تم وضعت فيها الخليط مباشرة تم بديت نكرصها في المقلة حتى قاديتها كاملة وملست ليها الوجه بالخليط لي احتافظت بيه وعملت ليها فتحة صغيرة بالسكين في الوسط وخليتها تطيب على خاطرها مرة مرة كندورالمقلة ومنين طابت قلبتها
وفي هاد المرة كندور الحرشة ماشي المقلة حيت راه طابت من الوجه الاول ودابا نبقاو ندورو الحرشة حتى تطيب وتحمر من وجهها كامل
هاهي واجدة بالصحة والراحة
اللهم ادمها علينا نعمة واحفظها من الزوال يارب
تفضلوا هاهوطريف لاول وحدة تدخل بالصحة والراحة
pvam g]d]m julg,h fdih hg;,jd jugl,h
انا من عشاق الحرشة درتها البارح فطرت بها
الله يشافي البنوتة
يميميميم
نفس طريقتي
تبارك الله عليك أختي .