السلام عليكم حبيباتي …أنا دابا عندي أسبوع34 و5 أيام و الجنين جالس قالتلي طبيبة أجي في 23الشهر إيلا كان وضع متغيرش ندير قيصري و داك شي ألي بغيتو أنا ما بغاش نتكرفس و دابا عندي الربو الله يحفضكم منو…بغيت نعرف إلا بيبي غيتقلب أو صافي نرتاح و نوجد راسي لقيصري
phlg td hgHsf,u 34
شحال من مرة البيبي كايتقبل فاخر اسبوع دخلي اختي لكوكل وغاتلقاي صور لبعض الوضعيات كاتساعد على تقبيل الجنين ومنها مين تفيقي الصباح ديري بحال لي راكي تحبو والله يجيب لي فيه الخير ويفكك على خير
ﺷﻜﺮﺍ ﺍﺧﺘﻲ ﻋﻠﻰ ﺍﻟﺠﻮﺍﺏ ﺍﻟﺼﺮﺍﺣﻪ ﺍﻧﺎ ﺑﻐﻴﺖ ﺍﻟﺒﻴﺒﻲ ﻳﺒﻘﻰ ﺟﺎﻟﺲ ﺣﻴﺖ ﺑﻐﻴﺖ ﻧﻮﻟﺪ ﻗﻴﺼﺮﻱ و ﻣﺎﺑﻐﻴﺘﺶ ﻧﺪﻳﺮ ﺭﺍﺩﻳﻮ ﺩﻳﺎﻝ ﻟﺤﻜﺎﻙ ﻣﺎ ﺑﻐﺎﺵ ﻧﻮﻟﺪ ﻋﺎﺩﻱ ﺗﻌﺪﺑﺖ ﺑﺰﺯﺍﻑ ﻓﻮﻟﺎﺩﺗﻲ ﺍﻟﺎﻭﻟﻰ
اختي الله يسر لك ويفكك على خير حبيبتي حتى الولادة قيصري فيها تكرفيس وبزاااف ربي يسمح لينا من حق الوالدين طلبي الله يدير لك لي فيها الخير
Amenn ya rab allah ykhalik a la 7biba
الله يعطيك ولادة ساهلة اختي وراه الولدة التانية طبيعية ماتتكونش واعرة اما القيصرية اشحال خاسكي متهزي التقل والراحة التامة
حتى انا كان عندي البيبي في و ضعية الجلوس من بداية الشهر5 و بقا هيداك حتى الاسبوع 36 عاد خدا الوضعية الطبيعية. ان بيدي عندي الولدة 2 و فرحت حيث تقاد البيبي حيث انا شفت ختي ولدات قيصري و تعدبات بزاف حيت كان خاصها الراحة التامة و كان عندها بنت عندها عامين و نصف علما ان الولادة الاولى ديالها كانت عادية. راه الولادة نهار و يدوز.اما القيصري خاصك مدة طويلة باش تبراي. ضعي معايا بولادة ساهلة و يحفظلي ربي الوليد انا دابا دخلت ف الاسبوع 40
اختي حتى انا ولدت بنياتي بزوج مقلوبين وعاديين الحمد لله الاولى فالمغرب وتكرفاست مانقولاكشي مي بنتي الصغيرة ولدتها فكندا الحمدلله اياه مقلوبة مي ماشي صعيبة بحال الاولى ودرت الشوكة ديال الظهر وفيوماين نودت اما اختي القيصري صعيبة ماساهلة لمهيم طلبي من الله يجيبليك لي فيها الخير