جيت و جبت تجاربي الجديدة مرحبا :)

السلام عليكم أنيقاتي الحادقات
كيف ديرين مع شي برد؟
تنتمنى تكونو بصحة و عافية
اليوم عاوتاني جبت ليكم الوصفات اللديييييييدة الله جربتها من منتدانا الجميل
على بركة الله
نبداو بالمالح 🙂

جربت شربة الخضر ديال الاخت امونة 1982
جات بنينة تبارك الله

بغيت زعما نزينها بوريقة ديال المعدنوس لكن غرقات هههههههههههههه

تنشجعكم تجربو الوصفة:
https://www.anaqamaghribia.com/vb/sho…#ixzz2n1anwMLL

الوصفة الثانية اللي جربت هي شرائح الدجاج على شكل بيتزا
مممممممم يا سلا ا ا ام
را ا ائعة
مع فيها الجبن و الزعتر و زيت الزيتون و الفرماج محكوك تخيلو الريحة اللي طالعة من الفران

جات بنييييييينة ماشاء الله
الله يعطي الصحة لمولاتها محبوبة
https://www.anaqamaghribia.com/vb/sho…#ixzz2mpZzvyJS

الوصفة الثالثة هي دجاجة بلا ماء بلا زيت 🙂
تتجي بنينة الصراحة
و عدة أخوات عملوا الوصفة
بحال الاخت التازية:

https://www.anaqamaghribia.com/vb/sho…#ixzz2mpb2sHV7

والاخت امونة:

https://www.anaqamaghribia.com/vb/sho…#ixzz2mphpAB2J

بالنسبة ليا عمرتها بالبصلة و الفلفلة مشحرة مع الشومبينيون و الكاشير و الفرمجاج
وداك المرق اللي بقاليا درت فيه المقرونية طابت و عملت بها كرطان 🙂

وجربت كذالك الكرتان بالخضر ديال الاخت دعاء القلوب
لدييييييييد الله يعطيها الصحة

هاهو رابط الوصفة
https://www.anaqamaghribia.com/vb/sho…3029&highlight=

أما بالنسبة للحلو

جربت 2 كيكات ديال الاخت ريفية حرة
الاولى ديال رايبي هذا هو الرابط ديالها:

https://www.anaqamaghribia.com/vb/sho…#ixzz2mplgY8TV

جات رطيطبة و فيها نسمة خفيفة ديال رايبي

و الكيكة الثانية بالكوك و الحامض
را ا ا ا ا ئعة
وحتى في المنضر ديالها عجباتني بزاف
وفيها ريحة الكوك و معلكة شوية

و هنا درتا لكن ضفت للمقادير كاس فيه 2 معالق صغار ديال الزنجلان و الكركاع و اللوز مطحونين
كانو شاطوليا من الحلوى
جات خطييييرة و اللي كلاها تتعجبو

الكيكة ديال الاخت ريفية حرة الله يعطيها الصحة 🙂
https://www.anaqamaghribia.com/vb/sho…#ixzz2mpnOvkCl

كما انني جربت البراونيز ديال الاخت المشرفة زوجة رمضان
جا لديييييد بزاف و معلللك
النصف الكبير كليته بوحدي ههههههههه

غير واحد الملاحظة بسيطة
اول مرة عملت الوصفة طبقت المقادير كيفماهوما لكن من بعد وليت تنعمل 100 غرام ديال الكركاع لانه جاتني 70 غرام قليلة
هاهو رابط الوصفة:
https://www.anaqamaghribia.com/vb/sho…d.php?t=373155

جربت الفرماج على طريقة الاخت Mouna
جا هائلللل