كملتت 9 سيمانات من الحمل ولاكن عندي مشكل حشلكم ديال السخ بني مابغاش يحبس واخا عطاني طبيب اوتغوجيستان دابا البكية الثالثة بديت فيها اليوم حتى الما كينزل مني ابيض مرة مرة ماعندي لا حريق لا والو الحمد لله مع العلم انني عند بنية الحمل ديالها كان صعيب غي كنتحرك كنتغير حتى كملت الشهر الرابع ممكن اللي دازت من نفس التجربة تفيدني ودعيو معايا ط§ظ„ظ„ظ‡ يتبت حملي ويدوز هاد الحمل على خير والله يجازيكم بالخير
[h,f,kd uhth;l hkh phlg thgaiv hgjhgj ,;dk.g lkd ad ,so fkd hu.;l hggi lkn hgehge ,ad
khti 7awli tbadli tbiba ha9ach 3 bakia o mazalkayhbat dakchi .man ahssan tchoufi tbib akhour o t3ti rassak raha
ختي من الأحسن تشوفي الطبيب وتعريف شنو سبب الوسخ راه داك الدم كيكون عندو سبب،اولى كيفما قالت ليك الأخت بدلي الطبيب والله يتبت ليك الحمل ويرزقك الطفل السليم المعافى وميكون غير الخير انشاء المولى
الله يجازيكم بالخير على الرد ديالكم ولاكن انا شفت الطبيب وقاليخاصني الراحة والدوا ولاكن الحركة لا بد نها خاصني نوجد لغدا ونغسل الماعن وراكم عارفينالشغل ديال الدار تعياي تجنبيه ويوحل فيك
الله يثبت حملك اختي حاولي على راسك قسمي الشقا ديال الدار بالطريقة اللي تلقاي فيها الراحة نقي الخضرة متلا و انت كالسة و ما توقفيش بزاف و ما تنوضيش بالزربة و بشوية عليك في الدروج تبعي ناصيحة د الطبيب و صحتك نتي و البيبي اهم من الشقا اللي ماتايكملش
[quote=نسيم الجنان;5329016]الله يثبت حملك اختي حاولي على راسك قسمي الشقا ديال الدار بالطريقة اللي تلقاي فيها الراحة نقي الخضرة متلا و انت كالسة و ما توقفيش بزاف و ما تنوضيش بالزربة و بشوية عليك في الدروج تبعي ناصيحة د الطبيب و صحتك نتي و البيبي اهم من الشقا الله يجازيك بالخير اختي على الدعاء
أختي ما عندي حتى شي فكرة غي دخلت ندعي معاك الله يثبت حملك أو يرزقك ولادة ساهلة مهلة ياربي يفرحك بشوفتو بين إيديك سليم معافى يارب
الله يجازيكم بالخير حبيباتي على الدعاء ديالكم معايا ولاكن الحمد لله ماكتابش يكمل حملي واجهضت بسبب توقف قلب الجنين الله يجعلو بمغفرة الدنوب وشكا ليكم ملرة اخرى
قل لن يصيبنا الا ما كتب الله لنا
الله يعوضك الحبيبة و يحفظ ليك البنية
الله يعوضك الحبيبة و يحفظ ليك البنية
اختي الله يعوضك بطفل سليم معافى عما قريب،قدر الله وما شاء فعل،الله يجعلوا ليك شفيع يوم القيامة،والله يشافيك ويعافيك،اختي النصيحة لنعطيك حيت انا مر علي نفس الحالة ديالك ،تعالجي مزيان من الاجهاض خودي ليزونتيبيوتيك،راه الله يحفظ داك الدم كيسبب التهاب في قنوات فالوب وكيسدهم،في أمان الله