جاني اكتئاب الولادة شنو هو الحل ؟؟؟

السلام عليكم

انا من بعد ما ولدت بشهرين ط¬ط§ظ†ظٹ ط§ظƒطھط¦ط§ط¨ وليت كنخاف بزااااااااف و وقلبي مقبوض وحاسة بضيق ومخنوقة مكنتنفسش مزيان وتنفكر فلموت تنكون طول اليوم تقريبا شبه عادية وفلعشية كيتزاد عليا الحال وتنبكي وكنبدا نترعد من الخوف وتنفكر افكار خاااااااايبة ومشيت جلست عند واليديا حيت مقدرتش نبقا بوحدي فدار وخا معايا راجلي وتا حاجة مابقات عاجباني وتنحس ان الناس احسن مني مرتاحيين وانا لا وفقدت الشهية لماكلة

دابا هادوك الاعراض كانو فيا شي 2 سيمانات والسيمانة الثالثة دازت شوية بخير الحمد لله مرة مرة فاليوم كنحس هكاك ولكن متنبكيش

دابا دخلت فالرابعة ووقتما تنفكر نرجع لداري كنحس بخوف وبالقنط معرفتش علاش

شكون تصابت بهاد الحالة تقولي باش كانت كتحس وشحال بقا فيها وشنو دارت الله يجازيكم بالخير

---

[hkd h;jzhf hg,gh]m ak, i, hgpg ???

حبيبة نتمنى لاخوات اللي ولدو يساعدوك
وانا كنصحك بالرقية الشرعية الله يشافيك اختي

السلام عليكم الحبيبة انتمنى تدخلي لهاد الموقع كنظن غادي يفيدك وتهلاي في راسك ومبروك عليك المولود الجديد يكبر في عزكم ان شاء الله
https://www.6abib.com/a-336.htm

عليكم اختي وقعت لي نفس الحالة ديالك بالضبط وكنت حاسة بالضيق والموت ملازمني فكل وقت والى سمعت شي حد مات كتقبط لي روحي وحتى انا مشيت لدارنا وجلست عام ونصف وملي كنفكر بالي خاصني نرجع لداري كيجيني الخوف وعايشة ديما فقلق وحالتي دامت سنتين وللاسف مرة مرة كتجيني الحالة خصوصا من بعد الولادة ولا الا سمعت شي حد مات وهو صغير ولا مرضت كنخاف وختى انا ماكرهتش المساعدة وماكنقدرش نقاش هد الموضوع مع حتى واحد لان حتى واحد ما غايحس بي والله يعفو علينا مكرهتش نبقاو على اتصال

ana wkatli had lhalla wdaba chwiya al hamdo lilah maa lmoda katmchi hawli tamri waktak

بسم الله الرحمان الرحيم أخت الحبيبة انا مثلكم وقع لى نفس الحالة في ولادة الاؤلي وكانت اتاتنى افكار سيئة وهواجس مخيفة ولكن الحمد لله فلقد دهبت عني هده الحالة بفضل من الله ولكن يجب عليك أن تستعين بالله وتدعوه بالليل والنهار وان تكثيرة من قراءة القرأن وادكار لا تستسليمى للهواجس ولا تخافي من الموت فالموت لايخيف ادا كنا نحن صالحون والله رضي علينا فمرحبا بالموت المهم وهو رضا الله علينا ويجب أن تعلم بان الموت باجل ولن يأخر الله نفسا ادا جاء أجلها فدعكي من الخوف واختناق وافكار سيئة فهيا انهضى وتفئلي بالخير ودعى الهموم وكوني اما قوية بايمانها فوراك طفل أو طفلة محتاجة منك الصبر والقوة وأيضا ابنئنا هم مسؤلية في اعناقنا فسوف نحاسب علي كيفية تربيتهم فهم رواد اغد اشتري كتب التربية وقراء وتعلم كيف ترب طفلك وليكن هدا شغلك بعد طاعة الله ورسوله واكثيري من استغفار ولله توفيق ويجب ان تعلم ان مع العسر اليسر ولا تنسنى من دعاء اختك التى عاشت نفس تجربتكم وبعون وتضرع الا الله تحدتها ولى والحمدلله ان ثلاثة ابناء بارك الله لي فيهم اتمني أن يجعلهم الله من حفضة كتاب الله خالصا لوجهه قول امين بارك الله فيكم وفي جميع المسلمين
ع

حتى انا اختي جاني بعد ولادتي ب10 اشهر حتى تمنيت الموت وفي الاخير شفت طبيب نفسي خرج ليا الدوا وانا دابا كنستعملو الله يفرجها علينا

حتى أنا كنعاننننننني بزاف مدة 6أشهر ما عرفت إكتئاب ولة حاجة أخرى أصحاب الرقية الشرعية فسروه أنه مس أما المستشارة النفسية فسرتو قلق و إكتئاب المشكل أن المس أو الإكتئاب عندهوم نفس الأعراض أو ما تقديش تميزي بناتهوم المهم الله يشفي جميع مرضى المسلمين

حتى انا واقع لي هاد الشي والسبب اني طاح لي bebe في شهر الثالث هاد شهر و انا كنعاني من هاد المشكل الله يشفينا و يشفي جميع المسلمين المهم الواحد يصلي صلاتو و يقرا القرءان الكريم ومهم كذلك ميبقاش بوحدو لان الحالة كتزيد و كتدهور كنتمنى الشفاء للجميع

اكتئاب ما بعد الولادة هي حالة من القلق و الخوف والحزن والشعور بعدم الامان تدوم عادة من شهر ل ثلاث اشهر فيها الحالة البسيطة اللي سبق ذكرت اعراضها و فيها الحالة الحرجة الي كتفضل الام انها تبقى ف لظلام بوحدا ممكن حتى انها تحاول الانتحار او تفكر فيه ممكن انها تحاول تقتقل حتى لرضيع لشعورهاانه هو المسؤول على حالتها ف هاد الحالة الام كتكون محتاجة لشي انسان لي كتيق فيه باش يساعدها على الشعور بالامان و لاستقرار يرفعلها من معنوياتها و يشغلها ب شئ مفيد او مسلي و ميمكنش تبقى بوحدها تحت اي ظرف وحتى لادوية الي تتعطي الطبيبة النفسية تيساعدو لكن ماتعتامديش عليهم كلياحيت ن بعد تولفيهم و ملي تقطعيهم تقدر ترجعلك الحالة المشكلة هي ان هادالمرض خطير والمجتع ما تيعرفوهش و ملي تتصاب شي وحدة به متتلقاش المساعدات الكافية و تتمربهاد الفترة العصيبة بوحدها او بمساعدات غير كافية الله يشافيك يا انيقتي الغالية.