تورتة بالحامض ولا أروع

[IMG][/IMG]

كيف جاتكم التورتة ديال الحامض مورانكي اللي صاوبت ؟ نتمنى الصورة تبان لأنه أول محاولة لي في إدراج الصور اللي وراتها ليا اختي titim 123 الله جازيها بخير ,إلى عجباتكم
إن شاء الله غير نرجع من الخدمة ونزل المقادير و الطريقة بالتفصيل الممل .

تارت ط¨ط§ظ„ط­ط§ظ…ط¶ :
الطبقة1 :
جنواز اللي كتصدق ليك . أنا كندير هاد المقادير والى جربتوهم غادي تهنناو من تطلاع البيض مع السمر حتى يتضاعف .
3 بياض نطربوهم مع قبسة ملح و كاس الا ربع سنيدة حتى يطلع بحال الثلج. ثم تضيف 3 صفار البيض و نطرب ثم زست الحامض. وبملعقة خشب اضيف كاس الا ربع دقيق و نصف خميرة حمراء ثم مضع في قالب زجاجي او اي مول كيتفتح ونطهي في الفرن .

الطبقة 2 : نعمل كريم باتسيير بنصف لتر حليب و قياسك سنيدة حسب الذوق و 3 معالق كبار كريم باتسيير اي كتباع جاهزة ، ثم قشور حامضة محكوكة رقيييييقة ضعي جميع المقادير على النار حتى تعقاد مزيان عاد زيدي عليها تقريبا شي 3 حامضات معصورات ( يمكن تضيفي اكثر او اقل حسب درجة الحموضية لي كتحملي ويمكن ليك تكسري مذاق الحامض بالبرتقال) . وهي مازال سخونة اضيفي 3 صفار البيض بسرعة
باش ما يتكورش ويطيب .
اسكبي الكريمة فوق الجنواز .
الطبقة 3 و الاخيرة : هادو 3 بياض لي شاطو ليك طربيهم مع كاس عنبة سنيدة مزيان حتى تقال المورانك و دخليها الفرن يكون سخوون غير من الفوق شي 5 دقاءق حتى تحمر المورانك ولكن تبقى من الداخل بحال الثلج
وبالصحة و الراحة .
ثقو بيا البنات واخا الانسان ما كيزعمش على الوصفات بلا صور راه هاد التارت غادي تجربوها و داعاو معايا .
ان شاء الله نزل الصور ديال المراحل كاملة حالما نحضرها .
ا

---

j,vjm fhgphlq ,gh Hv,u

الله اعطيك الصحة ازين باين عليها لذيذة فالحقيقة اي حاجة بالحامض كتعجبني غير نزل لنا المقادير الله اجزيك كل خير وحقق ليك كل مكتمناي

لحبيبة ديالي غحطي لينا المقادير باين انها لذيذة وتبارك الله عليك

باينة لذيذة تبارك الله عليك

باينة لذيذة تبارك الله عليك

تبارك الله عليك

تبارك الله عليك اختي، في انتظار المقادير كي لا يغلق الموضوع

فينكم الاخوات زعما شي وحدة تشجعني

تبارك الله عليك تانا تتعجبني نسمة د الحامض

تبارك الله عليك اختي طورطة فنة وباينة لديدة
الله يعطيك الصحة
تم دمج المقادير وتم التقييم
اعانك الله