السلام عليكم و رحمة الله و بركاته عزيزاتي الوفيات لهذا القسم،
بما اننا كاملين تنبغيو نوفروا الوقت شوية فالمطبخ قررت نشارككم بواحد الفكرة بسيطة جدا و لكن نافعة.
الدقيق تنستعملوه فبزاف ديال الحوايج فالطبخ الا بغينا نصايبوا: البيشاميل، ندوروا الحريرة، نزيدوه مع المعقودة،
نرشوا به الطاوة ديال الكيك، ننظفوا به الدجاج، نمرغوا فيه الحوت و زيد و زيد. لهذا فوقت ما بغيناه خاصنا نمشيو
حتى نهزوه من السطل او فاش حاطينوا و انا عدوووووووووووووووي هي هذه القضية..لهذا ها اشنو درت له و تهنيت
تتعرفوا دوك القريعات ديال التوابل تيكونوا بالغطاء ملي تقادات لي الفلفة حمراء غسلت القرعة مزيان و رقدتها
فالماء دافيء لان السخون غدي غير يعوجها لانها ديال البلاستيك و حيدت لها الورقة اللي تتكون لاصقة فيها
و ملي نشفات عمرتها بالدقيق و بما انها فيها فتحة كبيرة من جهة و تقيبات من جهة اخرى فهذا تيساعد اكثر
باش ننزل الكمية اللي بغيت!
صورت لكم الشكل و للاسف عكسات ما بغات تتحمل فحتى موقع المهم ها القراعي اللي قصدت
https://www.bargainbin.ca/digipics/spices.jpg
وخا انا اللي استعملت غطاهم ما تيدورش و انما تيتحل للفوق اتمنى تكونوا فهمتوا الفكرة و الا كتب الله
و التصويرة تحملات راه غنحطها هنا.
يا الله نتلاقاو من بعد مع افكار اخرى ان شاء الله..
jkjuwf ,rj lh fydj ksjulg,h , ihkd grdj hgpg! hgpg
يعطيك الصحة