تكبير الصدر والارداف

السلام عليكم ورحمه الله وبركاته
ازيكم ياحلى بنات واحلى منتدى والله انتم غيرتو حياتى واحبكم فى الله
انا وزنى 60 كيلو وطولى 165 يعنى محتاجه 5كيلو زيادة وعلى فكرة انا كنت قبل الجواز 67
فكان نفسي ارجع لوزنى فوانا بعمل بحث على المنتدى قرأت موضوعات كتير
وفى موضوع قرات مشاركه للعضوة زهرتى الغاليه الله يكرمها عن التمر بالطحينه
بنتها كانت بتكلهم لما تجوع فالله اكبر بنتها تخنت جدا عليها فى مسافه شهر
من غير ماطول عليكو انا عملت ايه ؟
اولا جبت فاتح شهيه اسمه تريكتين لانى بصراحه هو ده احسن نوع (اصل انا جربت كل الانواع )وعلشان ماينيمنيش كنت بشرب بعده نسكافيه
ثانيا جبت بلح عجوة والطحينه بقى جبت طريقتها من المنتدى وعملتها فى البيت ليه ؟ لانها بتعملى كميه اضعاف 3مرات الجاهزة وكمان انا اللى بعملها بايدى يعنى ضامنه نسبه السمسم فيها لان هو ده اللى بيتخن
فاتح الشهيه بيخلنى اكل جدااااا واكمل بالتمر والطحينه بعد الاكل بس لازم التمر يبقى بعدد فردي
وكنت بعمل مشروب احليه بالحلاوة الطحنيه واحط عليه كاكاو ولبن نيدو بس دلوقت بعمل المشروب بليل بس
والله يابنات زدت ووشى دور وبقيس جيبه عندى كانت بتنزل منى بقيسها من يومين لقتها اضيقت عليها والله ماكنت عارفه اخد نفسي كنت فرحانه اوى
والله انا حبيت افيدكم لانى عارفه ان فى ناس كتيرة نفسها تتخن زى
بس انا جالى دور برد جامد نزلت سنه صغنونه وان شاء الله ارجع لنظامى تانى
اه على فكرة انا شغاله مدرسه وبمشى مسافه كبيرة بين بيتى وشغلى ورغم كده الحمد لله النتيجه مرضيه جدا يعنى البنات اللى قاعدين فى البيت هيتخنو اكتر ان شاء الله
ونصيحه اللى عايزة تتخن لازااااااااااااااااام اراده
والنتيجه بتظهر من اسبوع بالتمام والكمال

j;fdv hgw]v ,hghv]ht hgs]v