23.10.2019
هاد التشيز كيك خديتو مؤخرا من مدونة واحد الاخت الله يجازيها بالخير، جربتو وجا غزال و بغيت نشارككم حتا نتوما الوصفة
المقادير
علبة كريم شانتيي
1 فلان كريم كراميل ‘ انا استعملت الكراميل ‘
1 جبلي
1 دانون طبيعي
2 جيلاتين
4 كيري
250 مل حليب
200 غ بسكوي
فاني
4 ال 5 م.ك زبدة مدابة
هاد المقادير غتعطيكم حلوى كبيرة، انا درت النصف فقط و عطاتني 3 حلوات فردية
الطريقة
نطحن البسكوي ونخلطو مع الفاني و الزبدة و نسرحو مزيان داخل الاطار و ندخلو للفران باش يشد راسو شوية
نطرب بودرة الشانتيي مزيان مع الحليب تتعقاد و يضاعف الحجم ديالها، نزيد دانون و الفلان، الجبن بنوعيه تم الجيلاتين لي تنكون رطبت فالما و دبتها فمعلقة ديال الما، نسكب الخليط فوق البسكوي ، نسرحو و ندخلو للتلاجة ليلة كاملة
بالنسبة للتزيين استعملت اللوز ايفيلي، كرات الشكلاط و صلصة الكراميل الجاهزة و بالصحة و الراحة
jad. ;d; fhg;vhldg sig , g]dddddddd]
تم الثتبيت مع احلى تقييم