تجمع معلمات الروض

أخوتتي الحبيبة أنا بغية في هد الموطوع كل أخت معلم في روض الاطفل تقول المشكل لي توجهها مع البرعم صغر ونعرض طريقة تدريس الأطفال الله يحفطكم متبخلوش علينا بالمسعدا وشكرا

---

;g luglm v,q hg’tg gulghj hgv,q j[lu

ختي انا يلا بديت في هد الضومين ممكن تعاوني و تعطين فكرة و حتا الاناشيد و الا بغيت ندوز سطاج فين تنصحيني الله يسهل عليك انا من الدار البيضاء

في الحقيق أنا من وجدة لبغيتي وكان مشيتي لشى روض وتعلمتي طريقة وأناشيد حنا ندرسو بالمثاق

ممكن تعطيني الاناشيد و كل ما يخص هد الضومين و جزاك الله كل خير

السلام وعليكم اختي تانا راني عاد ابديت افهاد المهنة اديال التدريس كندير اسطاج في مدرسة خاصة اوبغيت شي معلومات اعلى دروس التمهيدي الاول والتاني وجزاك الله خيرا

في الحقيق حنا في حصة الصباحية من9 حتى9ونصف قران كريم من 10 حتى 10ونصف التعبير الشفوي اعداد للقرأة الحرف استرحة ثم اعداد للكتابة في الالوح ثم حصة العبادات وفي 12 الخروج كل مادا فيها نصف ساعة

السلام عليكم الانيقات ممكن نسولكم
انا عندي بكالوريا علوم الحياة و الارض و قريت سنة في التكوين (تسيير المقاولات) يعني معنديش دبلوم و بغيت ندفع لمدرسة حرة نخدم إنشاء الله واش يقبلوني و كيفاش تدوز المقابلة الله يرزقكم الجنة

حتى انا يلاه بديت وبغيت معلومات اكثر علما ان هاد الروض غير على قد الحال غير فبادية والامكانيات بسيطة جدا.فالصباح كندير القران الكريم.من بعد كنقراو الحروق الهجائية كلها.عاد كنديرو الحرف اللي بغينا ندرسو وكنكتبوه فالالواح.ولاسبوع كلو يلاه كيعرفوا هداك الحرف وكاين اللي كاع ما يعرفوا.بغيتكم تعاونوني هادي اول مرة كنقري روض انا يلاه تحولت لهاد البلاصة بحكم العمل ديال الزوج ديالي.وهنا جاني الملل بزاف وقررت نبدا نقري منها نملا الفراغ ومنها ندي اجر فهاد الاطفال اللي ما كيعرفو حتى حرف بالعربية.وانا ما عندي تجربة فهاد المجال باش تنصحوني.بعض المرات كيطلعو لي الدم كنقول نكمل هاد الشهر ونتوقف….

مكرهناش الاخوات ينصحونا و يجاوبونا على اسئلتنا الله يجازيهم بالخير

معكم اختكم درست الابتدائي والان ادرس الروض لمدة ثلاث سنوات
مستعدة للمساعدة لكن الفرنسية
اول حاجة تتكون واحد ربع ساعة لاستقبال التلاميد كندير فيها ما يسمى ب
rituels
كل نهار كنديرو كيحتوي على
ملاحظة الجو كل يوم هل بارد ام سخن ام متوسط
ملاحظة لون السماء وهل يوجد غمام وملاحظة الاشجار هل الاوراق تسقط هل الزهور تنبت؟
وهدا تمهيد طبعا لدروس التعبير عندما نوصلو لفصول السنة
من بعد ملاحظة الجو كنقولو تاريخ اليوم والاطفال يقولو اسم يوم البارحة ويوم الغد
من بعد تنحسبو الاعداد من واحد تا لثلاثين
من بعد نقولو شهور السنة الميلادية
من بعد الاغاني
عاد كنبدا حصة التعبير نصف ساعة
تتبعها القراءة
ثم استراحة
ثم الرياضيات
ثم الرسم او الكتابة على حسب
ولكن عمر المعلمة ما خاصها تتقيد بالبروكرام
انا تنزيدهم اشياء مكيناش في البروكرام الى بانو ليا الدراري مستواهم عالي ما شاء الله
وايضا الوقت تنبدا بكري دك الوقت لي تيكونو التلامد يا الله تيجو تنستغلو لي ضعيف في الكتبة نجلسو في المكتب حدايا ونعطيه اللوحة نعلمو واللي ضعيف في الحروف نقريهم ليه اليوم غدا ليوم غدا تا كيتعلمو
ما كيجي دك شهر ربعة او خمسة تاكيلقاهم شادين وتنرتاح كيولو يكتبو وحدهم التاريخ وكلشي
الله يعاونا عليهم وينجحهم في حياتهم
ومرحبا بيكم في هاد المجال