تجمع صحابات سمسمة المنتظرات للحمل والمتتبعات لطريقتها على شرف الاخت حياة ;الجزء 9

وصلنا بفضل الله للجزء التاسع من التجمع

اللهم زد وبارك تفضلو مرحبا بيكم فالعتبة جديدة

ودبا ندوزو نشوفو طريقة ط³ظ…ط³ظ…ط© اللي تعبعتها وجاب لها عليها ربي التسير من اول شهر متكونو حتى انتوما ان شاء الله

الطريقة اللي درت هي : تحديد الإباضة + تنشيط المبيض طبيعيا + احتياطات بخصوص العلاقة الزوجية

– تحديد الإباضة : عن طريق قياس الحرارة الصباحية كل نهار . شريت محرار رقمي و رسمت جدول باش نسجل الحرارة كل نهار من أول نهار ديال الدورة. درت البورطابل يفيقني كل صباح نفس الساعة مع 6.45 و ضروري ناخد الحرارة بلا ما نتحرك بزاف فالفراش يعني البورطابل و المحرار و الورقة فاش نقيد كلشي نبيتو قريب ليا
ايوة الحرارة بقات هي نفسها تقريبا شي 20 يوم من بداية الحيض (انا الدورة ديالي أطول من المعهود) من بعد هبطات الحرارة واحد الصباح و لاغد ليه صبحات طالعة بزاف على اللي كانت من الأول : ايوة هادي هي اليوماين الذهبيين د الإباضة ! يعني انا إباضة ديالي كانت على 20 يوم و البنات كاين اللي على 14 يوم كل وحدة و كيفاش

– تنشيط المبيض و الهرمونات : بديت نشرب الحلبة كل نهار من بداية الحيض ، كا نبيتها مفزكة فكاس د الماء و الصباح نزيد ملعقة عسل و نشربها على الريق. كاين بزاف د العشوب اللي منشطة و لكن انا اختاريت الحلبة لأنها غنية بالبروجسترون اللي انا عندي هابط و فنفس الوقت مزيانة للمعدة و تصفي البشرة. آه نسيت الفطور ديما فيه البيض على ود الطاقة

– صافي هدا هو البرنامج و وحبست الحلبة ابتداء من نهار اللي عرفت انه كانت فيه الإباضة : لأن في حال حدوث الحمل ما بغييتش نغامر معروف أن الحلبة كا تطيّح الحمل

– و حاجة أخيرة العلاقة الزوجية خاصها تكون خلال الدورة كاملة : مرة كل يوماين أو ثلاثة ابتداء من نهار تصفاي من الحيض باش تكون الحظوظ مضاعفة خصوصا الى ما تأكدتيش من النهار ديال الإباضة. و كا نظن من الأحسن ما تكونش العلاقة يوميا باش تخلي وقت كافي لتجدد الحيوانات المنوية.
و من بعد العلاقة تبقاي فالفراش و تديري مخدة تحتك ماشي تنوضي تجري للحمام. وخا هاد الطريقة ماشي علمية 100% و لكن حنا ما خاسرين والو

ايوة هدا ما كان نجحات طريقة الحرارة الصباحية وخا راني كنت من أكبر المشككين فيها لأن تا يقول ليك عوامل كثيرة تقدر تغيّر الحرارة من غير الإباضة ، و لكن غير انت تأكدي انك تاخدي الحرارة ديما بنفس المحرار، و بنفس الطريقة (يا إما الفم، الإبط أو التحت) ، و فنفس الساعة.

والحمد لله كانت النتيجة

يا الله ط§ظ„ظ…ظ†طھط¸ط±ط§طھ تشجعو و توكلو و استافدو من تجربتي راني وخا صراحة ما تعطلتش بزااااف كاع و لكن كانو عندي عراقيل ها الهرمونات ها الفيبروم و الطبيبة صافي ولات كا تشوف ليا التخصيب الاصطناعي و اطفال الانابيب ….. و مع ذلك الواحد يدير غير السبب و ربي قادر يرزقو في رمشة عين. ان شاء الله تستفادو كاملين و ترجعو تبشرونا بشي كريشات عاجلا غير آجل

تحدير للأخوات

من الضروري للأخوات الراغبات في تطبيق الوصفة التأكد من وضعية الهرمونات لديهم لأن الحلبة مثلا ترفع من نسبة هرمون البرولكتين و بالتالي ف هي لن تناسب السيدات اللواتي يعانين من ارتفاع هاد الهرمون
فأنا شخصيا اعتمدت الحلبة بعد اجرائي تحليل أظهر انخفاض حاد في البروجسترون و هو الموجود بكثرة في الحلبة + نسبة البرولكتين عندي طبيعية
لهدا يجب اجراء تحليل هرموني او على الاقل توفر فكرة عامة عن وضعية الهرمونات قبل الشروع في أي وصفة

هادا هو السيت اللي تسجلو فيه الحرارة اديالكم

https://www.mamanandco.fr/ovulation/c…-detection.php

وباش تكون عندكم فكرة على المنحنيات فحالة الحمل غادي نزل لكم مبيان سمسة صاحبة الموضوع وتيتام كانت معانا فالتجمع فالاول وزاها زاها وفاطمة الزهراء وزوجة عزيز
باش تاخدو فكرة عليهم والشكر كل الشكر للاخت المحبة لوطنها هي اللي ساعدتني باش قلبنا عليهم فالصفحات القدام

هذا منحنى زاها زاها الشهر اللي حملت فيه الله يكمل عليها بالخير

وهذا منحنى تيتام الله يفكها على خير

وهذا منحنى سمسة الله يذكرها بخير

وهذا منحنى زوجة عزيز الله يكمل عليها بالخير

وهذا منحنى فاطمة الزهراء الله يكمل عليها بالخير ويرزقها ولادة ساهلة ماهلة

وهذا المنحنى نص كم ديال ط§ظ„ط§ط®طھ نداء الجنة الله يسر حملها وولادتها

وهذا المنحنى ديال اخت loubnaa 18

ونتمنى فالتجمع اللي بعدو يزيدو يكثرو عندنا المنحنيات

وما فيها باس نذكركم ببعض الوصفات اللي كيستعملوهم البنات فهاد التجمع وان شاء الله يكونو سبب فالحمل اديالهم يااااااارب
وها الوصفات عصارة للاخت نعيمة الله يجازيها بخير جمعتهم هنا الله يفرحها ياااااارب ويسهل عليها بالحمل الثابت
ها هما الوصفات

للرجال لزيادة عدد الحيوانات المنوية+حركتها+تقليل التشوهات

–كتحكي البصلة الحمرة وتخلطها مع العسل الحر وتعطيه معلقة الصباح ومعلقة بالليل

2–تاخدي حفنة ديال الحمص مع ربع معلقة من القرفة وربع معلقة سكينجبير وربع معلقة زريعة الكرافس وخوي عليه ما عادي وخليه حتى لغدا ليه وعطيه اشرب الماء وياكل الحمص من بعد ما يحيد ليه القشرة والى راجلك جاه المداق خايب طحنيه مزيااااااااان صفيه وزيدي عليه عصير ديال الليمون وعطيه اشربو لكن ردي لبال للماكلة ديالو لأنو الحمص كيغلض ومن بعد 10 أيام بالأكثر تاتبان النتيجة
للنساء وميكونش عيب خلقي يعني مشكل البرد، التكيس او مشكل التاخر بدون سبب

100 غ سالمية +100 غ زريعة المعدنوس +100 غ الصوجا +100 غ زريعة الكتان+25غ نافع+25 غ سانوج او كامون .هاد الشي كلو مطحون يمكن تخلطيه بالعسل يمكن تشربيه غير بالماء نصف معلقة 3 مرت في اليوم مدة اسبوع يعني وقت الدورة وربع في السبوع التاني
وللمتاخرات في الحمل بسبب الهرمونات هادي ميزان للهرمونات

مرددوش زريعة المعدنوس وحبة حلاوة بالتساوي مطحونين 3مرات في اليوم
الوصفة السحرية للحمل(مجربة)

كيلو عسل صافي وطبيعي 100% +100و 10 غرام حبوب اللقاح+10 غرام غداء الملكات + 10 غرام طلع النخيل +20 غرام جنسنج مع عاشق صغيرة من حبة البركة كتخلطي المقادير كلها وكتاخديها انتي والزوج ديالك من اليوم الأول للدورة الشهرية حتي توصل عندك فترة الإباضة وتحبسي انت اما زوجك بلا مايحبس يبقى ياكلها حتى تكمل الوصفة كاتاخدو بجوج عاشق صغير فالصباح وعاشق صغير فالمساء حتى تكمل الوصفة

وصفات أخرى للحمل

1–وصفة سكنجبير: في آخر يوم من الدورة يعني نهار لكتعرفي راسك بديتي كتصفاي كتفيقي الصباح كتحكي سكينجبير في كاس، قياس ربع كاس ،كتزيدي عليه الماء عادي كتشربيه راه حاااااااااااااااااااااار مكيبغيش يتسرط ولكن حاولي ملي تشربيه بقاي 1/2 ساعة عاد فطري وتحركي مزيان هداك النهار مهم غتنزل كاع الشوائب لي في الرحم ويلا منزل منها والو متقوليش الوصفة مدارت والو راه الرحم كيكون نقي منضف راسو راسو.
2–وصفة الشيح و البصلة: غادي تشدي بصلة حمرا تقطعيها دواور وديريها فمقلة متلصقش وديريها فوق البوطة ونقصيلها خلي ديك البصلة تشحر مزيأن ماتزيديلها لا ما لا زيت فقط البصلة بوحدها.ملي تحسي بيها ترخات جيبي شي خرقة وديري فيها ديك البصلة ودردري عليها الشيح وديريها فالسليب بحال اولويز ولبسي شي زوج سليبات وزوج سراول ودخلي للفراش الى كان فيك البرد راه غاذي ينزل منك ماء كثير يخرج لك حتى لبرا. لوي حتى شي فوطة على ظهرك غادي تعرقي مزيأن ويخرج منك الماء سبحان الله تقول مانعرف فين كايكون مخبي.و خاصك تباتي بيها حتى للصباح.
3–وصفة الزعفران الحر و الحليب : كتخدي نصف لتر حليب وتفيضيه مع شوية زعفران حر وتشربيه ونتي وراجلك و دخلو لفراشكوم وتغطاو مزيان.هادي كاتديريها مللي تنقاي من الدورة و تحبسيها أيام الإباضة.4– كتشدي 7 تمرات وتقطعيهوم وديريهوم فكاصرونا مع نصف كاس د الماء وتخليهوم يطيبو حتى يولي التمر يتمعق وتزيدي 2 معالق زيت زيتون ومعلقة حب رشاد وتبقاي تمعكي مزيان بفورشيط حتى ينشف من الما.من بعد حيديه وقسميه على 3 وفكل صباح تاخدي طرف هادي فالنهار التاني والتالت والرابع من الدورة.5– وصفة الخزامى و كوكا: نهار كتسالي منك الدورة تمشي الحمام بالليل ملي تجي تغلي لتر ديال كوكا ديال الزاج وزيدي عليها 5 دراهم خزامة زرقة. خليهم تايبقى فيهم غير كاس ديال العنبة ،صفيه وخليه يبرد.الخزامى ليبقات ديريها ف كوكوت وزيدي عليها لماء ملي تغلى ديريها فسطل ودخليها لبيت النعاس حيدي الملابس الداخلية وخلي البخار يطلع معك مزيان وعنداك تحرقي فين ما تحسي براسك الحرارة قربت لك بزاف بعدي وكتكوني دايرة المانطة فوق منك ملي تعرقي لبسي حوايجك ونتي تحت المانطة ودخلي مباشرة للفراش وشربي الكاس ديال الخزامى وما يكونش جماع فهداك اليوم.

لتكيسات المبايض

1–القسط الهندي: يكون من النوع البني.لكن تحبسيه فأيام الإباضة.
2–الدغموس(يابس و مطحون)+العسل الحر: 2 ملاعق في اليوم من أول يوم للدورة.

وان شاء الله توليو كولكم بحال هذي

وتهزوه بين يديكم بحال هذي

بالنسبة للاخوات اللي كا يتسائلو على كيفاش يصاوبو المنحنى مفيها باس نعاودو نذكرو بها

j[lu wphfhj slslm hglkj/vhj ggplg ,hgljjfuhj g’vdrjih ugn avt hghoj pdhm ;hg[.x 9 hg[.x sgsgm

فتحي الموقع www.mamanandco.fr و كليكي على outils
الشروق

كليكي على العنوان التاني فالصفحة و اللي هوLa courbe de température – Détecter son ovulation
الشروق

غادي تخرج ليك صفحة خاصة بالمنحنيات ، هبطي التحت و كليكي على acceder a l’espace
الشروق

دبا غادي يطلبو ليك تدخلي الحساب ديالك : اللي عندها كونط تدخل اسم المستخدم ف login و كلمة السر ف password
اما اللي مازال ما عندها حساب تدخل تصاوبو ف s’inscrire
الشروق

دبا الحساب تحل و كا يخصك تكليكي على retourner a la page precedente باش يرجعك للمنحنى فين كنتي ملي طلب منك التسجيل بعدا

الشروق

الآن المنحنى تحل أخيرا و كا تشوفي أجدد نسخة ديالو
و باش تقدري تعدلي المنحنى :مثلا تضيفي حرارة اليوم ، تصححي خطأ قديم ، تضيفي علاقة او افرازات …. كليكي على modifier ma courbe
الشروق

أول حاجة تأكدي ان الصفحة اللي عطاك هي نيت ديالت النهار اللي انت باغة تدخلي الحرارة ديالو
يعني التاريخ اللي مكتوب هو نفس التاريخ اللي عندك الحرارة و باغة تسجليها

الشروق

في حالة كان ماشي نفس التاريخ يعني نقز ليك نهار – هادي كا توقع في حالة ما دخلتيش الحرارة لأكثر من يومين متتاليين – ديك الساعة أجي للمدكرة اللي عل اليمين و كليكي على التاريخ المناسب
خاص تردي البال لهاد القضية باش ماشي انت تدخلي الحرارة على اساس هي ديال نهار و تتسجل ليك فنهار آخر

دبا لإضافة حرارة اليوم الجديد : كا تجي تحت من التاريخ و تمشي بالضبط ل temperatureغادي تكليكي على a preciser باش كا تتحل ليك ليستة او لائحة ديال القياسات د الحرارة الممكنة و تختاري منها حرارتك د اليوم
انا مثلا نختار ليك 35.5 كقياس جديد لليوم يعني تاريخ 30 غشت
الشروق
الى كان هدا هو التعديل الوحيد اللي بغيتي تديري غادي تمشي دبا مباشرة للتحت و تكليكي على sauver اللي كاينة تحت من test grossesse و ها انت ساليتي

اما الى عندك تعديلات اخرى و اضافات زيدي تبعي الشرح

مثلا الى كنتي فقتي اليوم معطلة على المعهود و عاد عبرتي الحرارة
نديرو مثلا فقتي حتى 10 بلاصة 8 هههه غادي نخرج عليك فالخدمة ههه
كا تجي ل heure de prise و تختاري التوقيت اللي عبرتي فيه هنا كا تشوفو انا كا نختار 10 بلاصة 8 اللي كانت مسجلة فالبداية
الشروق
لنفرض بغيتي تسجلي اليوم 30 غشت كيوم حيض مثلا :
سيري ل menstruations و اختاري من الليستة كما العادة ، حسب كمية الحيض : spotting يعني نقيطات او وسخ ، legere يعني خفيفة normales عادية و هكدا …
الشروق
ضروري الى كانو شي افرازات انك تسجليهم باش يعاونوك تقلعي نهار الاباضة
سيري ل aspect glaire و حلي الليستة المعلومة كي ديما و اختاري حسب نوعية الافرازات : inconnue الى ما عرفتيش ، seche يعني ناشفة ، cremeuse يعني كريمية ، acqueuse يعني سائلة مائية، blanc d’oeuf يعني بحال زلال البيض traces rosees الى كانت فيها لون وردي
انا مثلا هنا كا نختار زلال البيض باش نفايل ههه لأنه علامة اكيدة للإباضة
الشروق
دبا باش نسجلو مثلا علاقة زوجية لليوم : تهبطي ل calins و تختاري oui الى كانت علاقة اما الى ما كانتش تخليها non كيف كانت فالاول

لحد الان انا ركزت فقط على النقط اللي كا نتعرضو ليهم يوميا حسب التجربة مع الاخوات

و لكن كاين امور اخرى نشرحها ايضا :

– بالنسبة للي كا تقدر تقلب عنق الرحم باش تعرف وضعيته : لأن هادي ايضا طريقة لتحديد نهار الاباضة علما انه كا يقولو كا يكون ففترة الاخصاب : وضعية طالعة يعني ابعد و اصعب فالوصول اليه + رخو يعني رطب بحال الجلد + مفتوح او شبه مفتوح. وخارج فترة الاباضة كا يكون وضعية هابطة يعني اقرب + قاصح ماشي رخو + مغلوق
انا ما جربتش هاد القضية لأن ماشي ساهلة بحال مراقبة الحرارة و الافرازات
المهم اللي كا تطبق هاد القضية تسجل النتيجة هنا ف position du col

– لنفرض مثلا الله يحفظ صبحتي مريضة سخانة او غيرها اللي تقدر تأثر على قراءة الحرارة : خاص تمشي ل ,malade, fievre و تكليكي oui

– الى كانو اعراض اخرى : نزلي ل symptomes و اختاري من الليستة كما العادة : douleurs ovaires يعني نغير المبيض …. و هكدا
الى كانو عدة اعراض فنفس الوقت : كليكي و اختاري الاعراض و في نفس الوقت بقاي باركة على ctrl يعني كونترول باش تسجلو ليك الاختيارات كاملين

– في حالة كنتي كا تتعاوني بالتيست ديال الاباضة اللي كنا تكلمنا عليهم واحد الوقت حتى هوما سجلي النتائج ديالهه في test ovulation و اختاري واش positif او negatif

– اخر حاجة هي الى كنتي خديتي اليوم شي دواء دخلي سجليه في traitement اختاري من اللائحة و الى ما كانش سميتو تما ديري autre

– و الى بقات عندك شي ملاحظة على الهامش مثلا شربتي شي عشوب مثلا القضية ديال حب الرشاد او مرددوش … يمكن تسجليها الى بغيتي ف entrez vos notes perso
الشروق
و طبعا ما تنسايش فنهاية التعديلات سواء عدة تعديلات او فقط الحرارة : ديما كليكي sauver اللي كاينة تحت من test grossesse باش يتسجلو التعديلات و يترسمو فالمنحنى و الا ما قضينا والو ههه

ومافيها باس نعاودو نذكو بالقائمة اديال الدورات الله يجعلها اخر الدورات يااااااارب والشكر الجزيل لاختي نعيمة اللي ديما مقابلة الائحة وقايمة بالواجب الله يفرحها فالقريب ياااااارب

nissrine1985—–بداية الدورة 02/01—– اليوم 68 من الدورة
OMOAYMENO—–بداية الدورة 02/12—– اليوم 57 من الدورة
عاشقة تمارة —–بداية الدورة 02/21—–اليوم 48 من الدورة
om waeila—–بداية الدورة02/28—–اليوم 41 من الدورة
nahaa—–بداية الدورة 03/02—– اليوم 39 من الدورة
سارة&—–بداية الدورة 03/05—– اليوم 36 من الدورة
Siimsiima—–بداية الدورة 03/06—– اليوم 35 من الدورة
omonada2—–بداية الدورة 03/06—– اليوم 35 من الدورة
diamantella—–بداية الدورة 03/07—– اليوم 34 من الدورة
sanae karami—–بداية الدورة 03/10—– اليوم 31 من الدورة
amina2019—–بداية الدورة 03/10 —– اليوم 31من الدورة
تالوين —–بداية الدورة 03/12 —– اليوم 28 من الدورة
Ome Rajae—–بداية الدورة 03/13 —– اليوم 27 من الدورة
Najlaa25—–بداية الدورة03/15—– اليوم 26 من الدورة
طيور النورس —–بداية الدورة 03/16—–اليوم 25 من الدورة
omoma24—–بداية الدورة03/17—– اليوم 24 من الدورة
أم لما —–بداية الدورة03/17—– اليوم 24 من الدورة
sisiii—–بداية الدورة03/20—– اليوم 21 من الدورة
omo yassere—–بداية الدورة 03/20—– اليوم 21 من الدورة
hayat17—–بداية الدورة 03/22—– اليوم 19 من الدورة
amal_6—–بداية الدورة 03/23—– اليوم 18 من الدورة
Khawla4—–بداية الدورة 03/24—– اليوم 17 من الدورة
يا منيتي —–بداية الدورة 03/24—–اليوم 17 من الدورة
oum duaa—-بداية الدورة 03/24—– اليوم 17 من الدورة
المحبة لوطنها—–بداية الدورة 03/24—– اليوم 17 من الدورة
أزهار الليمون —–بداية الدورة 03/25—–اليوم 16 من الدورة
siman ab—-بداية الدورة 03/26—– اليوم 15 من الدورة
ام نونة —–بداية الدورة 03/27—– اليوم 14 من الدورة
binto halima—–بداية الدورة 03/29—– اليوم 12 من الدورة
oum marouine—–بداية الدورة 03/31—– اليوم 10 من الدورة
سوسو أم فيصل —–بداية الدورة 04/01—– اليوم 9 من الدورة
hanan bareclona—–بداية الدورة 04/01—– اليوم 9 من الدورة
naima85—–بداية الدورة04 /02—– اليوم 8 من الدورة
gezy—–بداية الدورة 04/03—– اليوم 7 من الدورة
OM HIBA 1—–بداية الدورة 04/03—– اليوم 7 من الدورة
sohal—–بداية الدورة 04/03—– اليوم 7 من الدورة
chams_douha—–بداية الدورة 04/04—– اليوم 6 من الدورة
FIDATO—–بداية الدورة 04/04—– اليوم 6 من الدورة
laa.najwa—–بداية الدورة 04/05—– اليوم 5 من الدورة
amounabdou—–بداية الدورة 04/05—– اليوم 5 من الدورة
روزاليندا —–بداية الدورة 04/06—– اليوم 4 من الدورة
هدى1—–بداية الدورة 04/08—– اليوم 2 من الدورة

zawjat_aziz —–آخر دورة 01/14 —– حااااااامل و لله الحمد
zahazaha —– آخر دورة 02/06 —– حااااااامل و لله الحمد
hadil 14—–آخر دورة 02/06—– حااااااامل و لله الحمد
fatimazahraelha—– آخر دورة 02/11 —– حااااااامل و لله الحمد
fatimaezzahra24—– آخر دورة 02/20—– حااااااامل و لله الحمد
عروسة الريفي —–آخر دورة 02/28—– حااااااامل و لله الحمد
نداء الجنة—–آخر دورة 02/26—– حااااااامل و لله الحمد
loubnaa18—–آخر دورة 02/21—– حااااااامل و لله الحمد
صاحبة الظل—–آخر دورة 03/09—– حااااااامل و لله الحمد