السلام عليكم ورحمة الله وبركاته
بسم الله وعلى بركة الله اليوم نفتتح الجزء 3 من هذا التجمع الرااااائع بكل معنى الكلمة طھط¬ظ…ط¹ يملأه الحب في الله والاخوة الصادقة وتقاسم تجارب بعضنا البعض :love_heart:
فهاد التجمع بكينا وضحكنا وفرحنا وتقاسمنا كلشي الحلوة والمرة ، فيه حسينا بالدفئ الاسري وتعرفنا على اخوات يمكن يكونو افضل الف مرة من اخوات لينا بالدم والقرابة "ورب اخ لم تلده امك"
وكما هو معلوم هاد التجمع ماشي انا اللي فتحتو اول مرة وانما كما هو واضح من العنوان فتحاتو الاخت ط³ظ…ط³ظ…ط© اللي حن عليها الله وجابت وليد سماتو عمران الله يحفظو ليها ويجعلو من الصالحين يااارب ولكن احنا واصلنا المشوار موقفناش لانو عندنا رغبة كبيرة فاننا نتواصلو ونزيدو لقدام باش نحققو الهدف اللي اي سيدة فالدنيا كتطمح ليه الا وهو انها تسمع كلمة مــــامــــا (ولهلا يحرم شي وحدة من هاد النعمة) 
واكيد احنا ممعترضينش على حكمة سيدي ربي ومقانطينش من رحمتو ومزال صابرين وصابرين وصابرين حتى يفرجها من عندو ويعمر علينا برحمتو ويقر اعيننا بالذرية الصالحة المعافاة اللهم لا اعتراض والحمد لله على كل حال
وما خاب من قال يااااااااااااااااااااااااااارب
وللتذكير فقط وكما هو معلوم انو التجمع الاول كان ولله الحمد فاتحة خير على تاميماشت،كارول والاخت متشوقة لبيتي وخا باقيين مقلقين من جيهتها حين انقطعت اخبارها ومعرفناها فين وصلت ولكن نتمناو تكون بخير وعلى خير
اما التجمع الثاني ولله الحمد حتى هو مخرجناش منو بيدينا خاويين
وحملو فيه 2 اديال الاخوات واللي هما دائمة التفاؤل وزوجة عزيز الله يثبت حملهم على خير ويرزقهم ولادة ساهلة ماهلة
وباقي الاخوات وانا وحدة منكم الله يفتح علينا عما قريب ويفرحنا بالحمل السليم يااااااااااااااا قادر يا رحيم
وكونوا على يقين انو ربي مزال يفرحنا ويقر اعيننا بالذرية الصالحة ان شاء الله وحاشا واش يرد دعائنا مدامنا مواصلين دعائنا ورافعين اكف الضراعة للمولى عز وجل
وما فيها باس مرة اخرى نذكرو بالطريقة اللي اعتمدتها ط³ظ…ط³ظ…ط© وجابلها ربي عليها التسير لعل وعسى تكون فحمل شي اخت من الاخوات بالخصوص الجدادات
الطريقة اللي درت هي : تحديد الإباضة + تنشيط المبيض طبيعيا + احتياطات بخصوص العلاقة الزوجية
– تحديد الإباضة : عن طريق قياس الحرارة الصباحية كل نهار . شريت محرار رقمي و رسمت جدول باش نسجل الحرارة كل نهار من أول نهار ديال الدورة. درت البورطابل يفيقني كل صباح نفس الساعة مع 6.45 و ضروري ناخد الحرارة بلا ما نتحرك بزاف فالفراش يعني البورطابل و المحرار و الورقة فاش نقيد كلشي نبيتو قريب ليا
ايوة الحرارة بقات هي نفسها تقريبا شي 20 يوم من بداية الحيض (انا الدورة ديالي أطول من المعهود) من بعد هبطات الحرارة واحد الصباح و لاغد ليه صبحات طالعة بزاف على اللي كانت من الأول : ايوة هادي هي اليوماين الذهبيين د الإباضة ! يعني انا إباضة ديالي كانت على 20 يوم و البنات كاين اللي على 14 يوم كل وحدة و كيفاش
– تنشيط المبيض و الهرمونات : بديت نشرب الحلبة كل نهار من بداية الحيض ، كا نبيتها مفزكة فكاس د الماء و الصباح نزيد ملعقة عسل و نشربها على الريق. كاين بزاف د العشوب اللي منشطة و لكن انا اختاريت الحلبة لأنها غنية بالبروجسترون اللي انا عندي هابط و فنفس الوقت مزيانة للمعدة و تصفي البشرة. آه نسيت الفطور ديما فيه البيض على ود الطاقة
– صافي هدا هو البرنامج و وحبست الحلبة ابتداء من نهار اللي عرفت انه كانت فيه الإباضة : لأن في حال حدوث الحمل ما بغييتش نغامر معروف أن الحلبة كا تطيّح الحمل
– و حاجة أخيرة العلاقة الزوجية خاصها تكون خلال الدورة كاملة : مرة كل يوماين أو ثلاثة ابتداء من نهار تصفاي من الحيض باش تكون الحظوظ مضاعفة خصوصا الى ما تأكدتيش من النهار ديال الإباضة. و كا نظن من الأحسن ما تكونش العلاقة يوميا باش تخلي وقت كافي لتجدد الحيوانات المنوية.
و من بعد العلاقة تبقاي فالفراش و تديري مخدة تحتك ماشي تنوضي تجري للحمام. وخا هاد الطريقة ماشي علمية 100% و لكن حنا ما خاسرين والو
ايوة هدا ما كان نجحات طريقة الحرارة الصباحية وخا راني كنت من أكبر المشككين فيها لأن تا يقول ليك عوامل كثيرة تقدر تغيّر الحرارة من غير الإباضة ، و لكن غير انت تأكدي انك تاخدي الحرارة ديما بنفس المحرار، و بنفس الطريقة (يا إما الفم، الإبط أو التحت) ، و فنفس الساعة.
*********************
يا الله ط§ظ„ظ…ظ†طھط¸ط±ط§طھ تشجعو و توكلو و استافدو من تجربتي راني وخا صراحة ما تعطلتش بزااااف كاع و لكن كانو عندي عراقيل ها الهرمونات ها الفيبروم و الطبيبة صافي ولات كا تشوف ليا التخصيب الاصطناعي و اطفال الانابيب ….. و مع ذلك الواحد يدير غير السبب و ربي قادر يرزقو في رمشة عين. ان شاء الله تستفادو كاملين و ترجعو تبشرونا بشي كريشات عاجلا غير آجل
تحدير للأخوات
من الضروري للأخوات الراغبات في تطبيق الوصفة التأكد من وضعية الهرمونات لديهم لأن الحلبة مثلا ترفع من نسبة هرمون البرولكتين و بالتالي ف هي لن تناسب السيدات اللواتي يعانين من ارتفاع هاد الهرمون
فأنا شخصيا اعتمدت الحلبة بعد اجرائي تحليل أظهر انخفاض حاد في البروجسترون و هو الموجود بكثرة في الحلبة + نسبة البرولكتين عندي طبيعية
لهدا يجب اجراء تحليل هرموني او على الاقل توفر فكرة عامة عن وضعية الهرمونات قبل الشروع في أي وصفة
هادا هو السيت اللي تسجلو فيه الحرارة اديالكم
https://www.mamanandco.fr/ovulation/c…-detection.php
يا الله البنات دخلو برجليكم اليمنى وان شاء الله يكون هاد الجزء فاتحة خير علي وعليكم ياااااااارب
البنات كاملات بدون استثناء وبدون ذكر اسامي احبكن في الله واشهد الله على حبي لكن جميعااااااااا ونطلب الله يفرحكم اليوم قبل غدا لهلا يحرمكم اخواتي من نعمة الامومة ويسعد ايامكم ويرزقكم الطمأنينة والسعادة فالدنيا والاخرة
اللي بغات تنظم لنا مرحبا والف مرحبا بالجميع دارنا محلولة للجميع
وقبل ما نختم ضروري ما نذكركم بالقائمة اديال الدورات للبنات اللي معانا الله يجعلها اخر دورة ياااااااااااااارب
naima85 —–بداية الدورة 01/14 —– اليوم 39 من الدورة
سوسو أم فيصل —–بداية الدورة 01/24—– اليوم 29 من الدورة
المحبة لوطنها—–بداية الدورة 01/26—– اليوم 27 من الدورة
hayat17—–بداية الدورة 01/29 —– اليوم 24 من الدورة
روزاليندا —–بداية الدورة 01/29 —– اليوم 24 من الدورة
يا منيتي —–بداية الدورة 01/30 —–اليوم 23 من الدورة
عروسة الريفي —–بداية الدورة 01/31—–اليوم 22 من الدورة
nahaa—–بداية الدورة 02/01—– اليوم 21 من الدورة
FIDATO—–بداية الدورة 02/09 —– اليوم 13 من الدورة
Om yasser—–بداية الدورة 02/14 —– اليوم 8 من الدورة
Najlaa25—–بداية الدورة 02/14—– اليوم 8 من الدورة
Ome Rajae—–بداية الدورة 02/15—– اليوم 7 من الدورة
طيور النورس —–بداية الدورة 02/18 —–اليوم 4 من الدورة
zawjat_aziz —–آخر دورة 01/14 —– حااااااامل و لله الحمد
اللي فحالة ترقب ياااااااااربي متمحنهمش ويفرحو فالقريب العاجل يا مسهل يامسهل يا مسهل ، واللي فايام الاباضة تجندي بالتطبيقات وان شاء الله يوم ما تنشن لازم تصيب هههههههههههههههههههه (عقلتو على هاد القطة ففيلم غبي منو فيه هههههه)
واللي جاتهم الدورة الله يعوضهم الشهر الجاي ويبداو بتطبيق الوصفات اللي موجودة فالمنتدى راه اعطا الله الخير
واللي حاملة اللي يكمل عليها بالخير ويفرحها بمولود سالم معافى من غير زيادة او نقصان
واخيرا وليس اخرا احبكن في الله اخواتي وصديقاتي 
وعنداكم تنساوني بدعوة في ظهر الغيب حيت انا منسياكمش
وسمحولي على هاد الجريدة اللي حطيت راه من قبيلة وانا نحنش هههههههههههه
j[lu wphfhj slslm hglkj/vhj ggplg ,hgljjfuhj g’vdrjih K hg[.x3 sgsgm .hgljjfuhj
يااااا ربي اجعل هادا التجمع فاتحة خير علينا كما جعلته فاتحة خير على الأخوات و رزقتهن بالحمل ياا رب ثبت حملهن و يسر ولادتهن و فرح قلوبنا مثلهن ياااا أرحم الراحمين
الله يجازيك بخير أختي حياة على هاد التجمع الرائع لهلا يخطيك علينا
المشاركة الأصلية كتبت بواسطة hayat17 
امين ازين عليا و عليك و على كل لمنتظرات فرج الله
hayat jawbni rani ktbt lik fi j2