تجمع خاص بالموحمات

---

j[lu ohw fhgl,plhj

حشوووومة عليكم غنبكي حتى واحدة ما فكرت ترد عليا واخا غي تجاملني
ولا حتى واحدة مكتوحم غي انا بوحدي

السلام عليكم أختي
اولا الله يفك وحايلك على خير ويثبت حملك والأخوات
اكيد اختي فيه موحمات ضروري غير باقي مشافوش الموضوع ديالك وان شاء الله تتفاعلن معك
تقبلي مروري اختي

هههه يالاه الموحمات قولولينا علاش كتوحموا لو تدخلي يا أخت فرح سؤال على كل وحدة باش كتوحم و شنو التغيرات اللي كتحس بيها فالوحم باش تلقاو لبعضكم أوجه التشابه …ربي يكمل عليكم على خير و علينا ياااارب….

اش خباركم يا الموحمات كيف دايرين يحسن عوانكم الله يجعلها مغفرة الدنوب سكتو وما تفكرونيييييييييش ما كاينش للي كرهني فالولادة من غير الوحم الله يسمح لينا من الوالدين

الله اكمل عليك اختي ويجعلو مغفرة للدنوب نتمنى اتفاعلو معاك الاخوات لموحمات

شكرا لمروركن حبوباتي الانيقات
انا بعد لوحم ديالي ضاربني غي على الروايح الخايبة غي كنشمها قلبي كيجي طالع فلبلاصة ايوا الله يسمح لينا ن الوالدين

موضوع زوين انا بعدة داز علي لوحم كحل تخيلو 9 شهر ا انا نرجع لي كليتو 4 شهر الاولى مكنكل والو غي الخس صافي بوحدو حتى الماء كنشرب غي بزز من بعد نرجعو من بعد بقيت نزعم ناكل لكن نرجع من بعد لكن الحمد لله ولادتي الاولى ا دازت بيخير لا غرازي لا عملية قيصرية الحمد لله ان بعد العسر يسر الله يفك وحايلكم على خير

الحمد لله اختي نورة ربي سهل عليك الولادة عقبال لينا ان شاء الله
انا واخا كنرجع حاشاك كنتكي على قلبي و ناكل حيت خيتك الصحة غي على قد الحال و خايفة مع هاد الحمل نتقادا