مبروك على جميع لعريسات بنسبة ليا باقي محددناش الوقت كنقولو مابين10و12 انشاء الله وكلت نفتح هاد الصفحة نتطرق ظپظٹظ‡ط§ لكل ما يخص استعدادتنا للعرس من توجاد فالحوايج وعلاش لا النكفات وكوافورات وقاعات الافراح و ظ…ظ…ظƒظ† نتبادل الخبرات و التجارب بيناتنا والبنات لسبقونا
j[lu hguvdshj hg]hv hgfdqhx hggd uk]il hguvs taiv 10 -11-12 1112 ll;k gdh gd;l hggi ]dhg ]dhgd vhkd ugn ugdih uhgl tdih ,hp] k]dv
السلام عليكم اختي شكرا بزاف على الفكرة قبلو بي معاكم في هاد التجمع عرسي يمكن يكون في شهر 12 ان شاء الله .. و لكن التوقيت ماشي اكيد بغيتكم تقولو لي شنو الافضل بالنسبة لحفل الزفاف واش من الاحسن يكون مشترك بين العروسين و لا كل واحد يعمل الحفل دياله بوحده.. خصوصا ادا كانو من مدينتين مختلفتين؟
مرحبا بيك اختي غير سكتي علا نهار العرس باقة مهدرتش فيه مع عريس الغفلة ههههه معرفتش اش ناوي يدير ومقدرتش نجبد معاه هاد الموضوع عارفاه مشطون معا الداروروينتها ولفراش بنسبة ليا الا كان ناوي يدير لعرس احسن نتشاركو ونديرو عرس واحد اما الا مكنتوش فمدينة وحدة ديري بحال صحبتي دارت حفلة ملي جاها الدفوع ودارت العقد فنفس النهار ومن بعد 7 شهور دار هو لعرس ديالو ودينا ليها الفطور فالقاعة بلطيافر جا هدكشي غزال ومتول لعكوبا ليك وليا وجميع عريسات المنتدى وبنات المسلمين
انا غير دخلت نباركلكم مبروووووووووووووك عليكم أوو الله يكمل عليكم بالخير ان شاء الله
الله لا يخطيك آزين و الله يكمل ليكم بالخير بالنسبة لي راني درت فحال صاحبتك، درت ضريب الصداق هادي 4 شهور و جاني فيه الدفوع و دازت حفلة معتبرة الحمد لله ، بالاول قلت واخا ندير ضريب الصداق غادي نعمل مع العريس حفل مشترك ديال العرس من بعد ، و لكن مني شفت ضريب الصداق طلع مزيان و خسروا فيه الدار بزاف (الله يسمح لينا من الوالدين)، غيرت الرأي ديالي ، قلت نكتفي في العرس بحفل خفيف في الدار و هو الى بغى يدير تبارك الله مبغاش ماشي مشكل. و جاء الرد دياله باش يضغط علي : انه ميقدرش يدير العرس بوحده لارتفاع التكاليف و لانه مزال متبوع بمصاريف اخرى. و لكن معجبوش الحال انني غيرت رأيي . و بيني و بينك انا منقدرش نعمل الحفل بالشكل لي باغي هو حفل مختلط في قاعة فخمة و تريتور غالي الخ … لانني ضد الاعراس المبالغ فيها. عاد زيد هو غادي يبغي يديرو في مدينته و انا في مدينتي .. مغاديش نتفاهمو على بزاف النقط .. قلت من الافضل كل واحد يعمل بوحده. اختي ممكن نعرف شنو جا في الفطور دصاحبتك ؟ هاد القضية ديال الفطور في القاعة عاد ولات يمكن ؟ لي كنعرف الفطور كيجي في صباح دالعروسة و هي عادة بزاف تخلاو عليها..
المشاركة الأصلية كتبت بواسطة ♥ اعتز بالإسلام ♥ 
انا غير دخلت نباركلكم مبروووووووووووووك عليكم أوو الله يكمل عليكم بالخير ان شاء الله شكرا آزين الله يبارك فيك و يناولك ما ناوية في خاطرك
العريسات لي وجدو القاعة و النكافة و الكوافورة يفيدونا الله يجازيهم بالخير
المشاركة الأصلية كتبت بواسطة لالـــة مولاتي الله لا يخطيك آزين و الله يكمل ليكم بالخير بالنسبة لي راني درت فحال صاحبتك، درت ضريب الصداق هادي 4 شهور و جاني فيه الدفوع و دازت حفلة معتبرة الحمد لله ، بالاول قلت واخا ندير ضريب الصداق غادي نعمل مع العريس حفل مشترك ديال العرس من بعد ، و لكن مني شفت ضريب الصداق طلع مزيان و خسروا فيه الدار بزاف (الله يسمح لينا من الوالدين)، غيرت الرأي ديالي ، قلت نكتفي في العرس بحفل خفيف في الدار و هو الى بغى يدير تبارك الله مبغاش ماشي مشكل. و جاء الرد دياله باش يضغط علي : انه ميقدرش يدير العرس بوحده لارتفاع التكاليف و لانه مزال متبوع بمصاريف اخرى. و لكن معجبوش الحال انني غيرت رأيي . و بيني و بينك انا منقدرش نعمل الحفل بالشكل لي باغي هو حفل مختلط في قاعة فخمة و تريتور غالي الخ … لانني ضد الاعراس المبالغ فيها. عاد زيد هو غادي يبغي يديرو في مدينته و انا في مدينتي .. مغاديش نتفاهمو على بزاف النقط .. قلت من الافضل كل واحد يعمل بوحده. اختي ممكن نعرف شنو جا في الفطور دصاحبتك ؟ هاد القضية ديال الفطور في القاعة عاد ولات يمكن ؟ لي كنعرف الفطور كيجي في صباح دالعروسة و هي عادة بزاف تخلاو عليها.. انا فنضري الا كنتي درتي حفلة وجمعتي فيها العائلة وبقاو عندك تصيورات باركة عليك كولي راجلك راه امكانيات مكتسمحش ليا ودارنا خسرو فالعقيد الفلوس ودير عرسو فالمدينة لكيسكن فيها والا مبغاش سيري دارك وعائلتك يديو فطورك لدارك وغديوة ولا عشيوة كافية والفلوس زايدين فيك وفيه يعونكم ففراش الدار ولا سافرو بهم ودوزو شهر لعسل مطرطق حسن ليكم نرجعو لصحبتي هو راجلها دار عرس كبير فمدينتهم ولعائلة ديالها كراو واحد الدار وقادو فيها الطيافر وملي كنا غادين لقاعة دخلنا بهم معا عساوة منضر رائع وهادوك طيافر دارو فيهم لحلوة وسلو وشباكية واحد صندوق دارو فيه قالب السكار ولبسوه نقرة حيت هي شلحة+ البيض مسلوق +لفاكية واللوز وتمر اما متبقا داتو هيا فباليزا ديالها + بنوار الحمام +ليزار +لاناب اما لفطور نكوليك اش ناوية نشري انشاء الله و تقريبا بحال لدارت هي 2 قفيطنات الدار 1 فراشة 2 فاليز حلوة شباكية سليوشوميز دو نوي فيما تخرجي لقيتي شي واحد زوين شريه وديري 1 فاليز حطي فيها 2 بيجمات يكونو طوال الا جاب الله كنتي فدارهم + بيجمات قصار و سكسي لدارك+بينوار الحمام وليزار لاناب مطروز +ولكوفرلي داروري يجيك كادو +شي 2 ازارات الخيط هدشي لتفكرت دابة فكريني ونفكرك انا بغيت شي خياط يصوب ليا قفاطن لدار والمهم هي الفصالة
المشاركة الأصلية كتبت بواسطة ♥ اعتز بالإسلام ♥ انا غير دخلت نباركلكم مبروووووووووووووك عليكم أوو الله يكمل عليكم بالخير ان شاء الله شكرا حبيبة لعقبا ليك انشاء الله والا كنتي مزوجة الله يسعدك ويفرحك باشمنويتي
المشاركة الأصلية كتبت بواسطة الزيتونية العريسات لي وجدو القاعة و النكافة و الكوافورة يفيدونا الله يجازيهم بالخير غير سكتي انا باقة دايخة شكرو ليا الموناليزا وصالون حسني اما نكافة كاينة الصويرية وباقة كنقلب اما القاعة كينين مارشي كريو وحدا سميتها القدس كين فالبرنوصي وتيكوين حيت ختك جهدها 5000 درهم فالقاعة +4000 درهم نكافة +2019 درهم صالون هدا هو جهدي ومكرهتش قل من هاد الثمن ختكم مزيرة غير خليوها علا الله وصافي والله يصوب لينا حنا وجميع بنات المسلمين