السلام عليكم هنا تتمة موضوعنا لي تحذف عن طريق الخطأ بعدما وقع المشكل التقني في المنتدى كنتمنى نواصلو مشوارنا من خلال هذ التجمع الجديد نحو الرشاقة والأناقة ونصيرو أنيقات ورشيقات الصيف الجاي ان شاء الله علاش لا كلشي ممكن بالارادة
ايوة فينكم ياالبنات ليكانو مسجلين معانا فالتجمع السابق
لي دخلت تكتب وزنها الحالي وهدفها الأول ثم التاني
مثال
أنا وزني الحالي 78
هدفي الأول 71
هدفي الثاني نثبت وزني على 65 ان شاء الله
وانتم؟؟؟؟
في انتظاركن حبيباتي
j[lu hg]f],fhj gd fyh, d,gd, y.hghj vadrhj d,g],
اش ندير
انا وزني كان 84 كيلو و دابا وليت 80 و بغيت نولي 70 كيلو و وزني 1م71
و انا معاكم و كنت مشاركه من قبل ولكن تحدف الموضوع و شكرا للاخت القمراء على مجهوداتها
بالنسبة للأخوات لي عاد لتاحقو واللي باغيين ريجيم الأخت ملاك ودنيا بغيت نقولكم بلي حنا هنا غنحاولو نقصو الوزن ماشي باتباع ريجيم محدد لا أنا غنقولكم على طريقتي البسيطة ولي عندها مفعول زوين وكينقص الوزن بطريقة صحية ومكيعاودش يرجع بسهولة أما الريجيمات اللي منتشرين بزاف فالمنتديات والأنترنت فبصاح ممكن ينزلو الوزن بطريقة خيالية وسريعة ولكن كونو على يقين أنو ماشي صحيين وبمجرد مغاديتحبسو الريجيم غيرجع لكم الوزن السابق وأكثر حيث لايعقل كيلوات كسبناهم في سنين وشهور نلوحوهم في أسابيع أو أيام
المهم بلا منطول عليكم
الطريقة هيا أننا غادي نقصو الكميات يعني ناكلو كلشي بكميات قليلة ومضبوطة من غير الحلويات طبعا نبعدو عليهم تماما والخبز ناخدو طريف فقط ونحاولو نكثرو من تناول الخضراوات والفواكه بكثرة والوجبات اليومية تكون خمسة
الفطور هو أهم الوجبات في اليوم ناخدو فيه اللي بغينا كلشي كيتحول للطاقة اليومية يعني مثلا ممكن قطعة خبز مع فرماجة أو بيضة مسلوقة مع شوية خبز مدهون وكأس حليب أو أتاي أو قهوة نبعدو على الحريرة وعلى الزبدة والدهون وحتى السكر نقلو منو بزاف منحاولوش نكثرو منو والي قدرات تحيدو تماما فخير وبركة أنا فاش كنت متبعة هاد الطريقة كنت كناخد قبل الفطور كاس أتاي مسوس يوميا حيث مفعولو قوي وكيساعد على حرق الدهون فالجسم
والفطور نحاولو ناخدوه في الصباح ماشي مع العشرة ولا 11 يكون على الأكثر مع 8 او قبل
ومع ديك العشرة الى حسينا بالجوع ناخدو خيارة أو بنانة والبنان علاش فهاد الوقت حيث قلنا فالفترة الصباحية أي حاجة كلينها كتحول للطاقة لي غنحتاجو ليها عكس الفترة المسائية اغلب اللي كناكلو كيتحول لدهون مخزنة وهي لي كتسبب الوزن الزائد
والغدا ناخدو غدانا عادي غير الخبز يكون قليل بزاف وتشمل هاد الوجبة دائما على سلطة خضراء وخضراوات قبل الطبق الرئيسي"طاجين او حوت او اي حاجة كنا دايرينها للغدا ولكن نقصووووو من الكمية ماشي ناكلو حتى نشبعو ومنشربوش الماء مباشرة بعد الأكل هذا خطأ وحتى الديسير مناكلوهش مباشرة من بعد, هدشي ماشي انا ليقلتو المختصين ليقالوه
نخليو الديسير حتى يجينا جوع وناخدوه وحبدا يكون فديك الوقيتة ديال الكاسكروط ناخدو فاكهة او عصير بلا سكر أو "اتاي بالاعشاب" وحبدا هاد الأخير يكون داخل فعاداتنا اليومية
والعشا ميفوتش 8 دالليل
يكون خفيف شوربة أو سلطة مع واحد يوغورت مسوس
والماء يكون على طووول اليوم غير منشربوش مباشرة قبل الأكل
والبطاطا والمعجنات نقلو منهم قدر الامكان وفاليوم الواحد ناكلو يااما بطاطا او خبز او طبق صغير معجنات واحد منهم فقط
والسكريات والملح نقصو منهم بزاااف
فاليوم الواحد لاززززم ناخدو كاس اتاي مسوس ودانون مسوس وسلطة وفاكهة هادو مخصنااش نتجاوزوهم ابدا يوميا نديروهم فبرنامجنا الغدائي
الزيوت والدهون نبعدو عليهم قدر الامكان
نحاولو نكثرو من السوائل بزاف
اللي كتفيق الفجر ديما تسبق بحبات ديال التمر وكاس ماء على الريق
هادشي كولو مع الرياضة يعني اما المشي يوميا أو النط على الحبل او الحركات الرياضية
وكل وحدة تختار يوم واحد فالأسبوع تاكل فيه الحاجات ليعزيزة عليها ولكن بلاااا افراط اما طريف دالحلوى أو لاكلاص أو كريمة أو أي حاجة كتبغيها ولكن ماشي بكميات كبيرة
اللي عندها شي حاجة أخرى تضيفها ونحاولو يوميا ندخلو نكتبو يومياتنا هنا وصدقوني اللي تبعات هاذ الطريقة راها اكيدة ان شاء الله وانا بيها قدرت نخسر من وزني 7 كيلو لحد الآن وكون كملت كون فقدت اكثر
ملاحظة سمعت فبرنامج اذاعي هاد المعلومة
قالت مولاتها بلي لي كتعاني من الكرش وبغات تحيدها تاخد على الريق معلقة ديال زريعة الكتان مطحونة"قبل الفطور بنص ساعة على ما أظن"
ومع 11 تشرب كمية كبيرة ديال ماء دافي
ومع 5 كذلك لتر ماء دافي
نجربوها منخسرو والو
عربية حرة ضحكتيني الله يعطيك الخير اختي وكينين العيالات لي ماخلاو مادارو باش يغلاضو من الوسط ونتي باغيا تضعافي هههه
الحل اختي هو الرياضة حيث نتي مغليضاش بزاف وكنظن على حسب طول ديالك 60 راها بزاف عاود غتباني ضعييييفة المهم غنحاولو نتبعو هاد البرنامج ليحطيت وكل وحدة تدخل تكتب يومياتها