تجمع الامهات الصلعات أو الي في طريق الصلع بعد الولادة

السلام عليكم أ لحبيب
نسينا ريوسنا و شعرنا تيطيح من بعد ط§ظ„ظˆظ„ط§ط¯ط© رغم انني ما تنرضعش بزاف شعري الا ما نقدتوش غادي نصلاع او نولي قرعة
المهم كل وحدة تقول لنا عن تجربة اش نديرو انا ان شاء القدير نبدا لكم
واحد السمانة بديت هاد الوصفة
تاخدي بصل احمر 2 بصلات صغار و تديريهم يتبخو في الماء ربع ساعة+صفيهم و هما سخان و زيدي على الماء ديال البصل 2 حفنات كبار ديال الخزامى+خليها منقوعة 2 ساعات+ضيفي لها في الاخير ربع لتر خل تفاح +و تترك تختمر 24 ساعة ثم يصفى و يشلل به الشعر بعد شمبوان ريحتو تتولى كلها خزامى لكن ممكن تديرى بلسم او شى حاجة تتعطر الشعر
بالشفاء

---

j[lu hghlihj hgwguhj H, hgd td ‘vdr hgwgu fu] hg,gh]m hld hgalu

انا نيت اختي خفاف ليا شعري على كيف كان دابا عندي جوج بنيات او باقي تنرضع الصغيورة او شعري تيطيح ليا شوية ولكن كل مرة واش ندير ليه مرة الحناء مرة الغاسول بالعشاب مرة حمام زيت مرة البيض او الزيوت مرة العسل او الزيوت ههههه التجارب عنداكوم تضحكو عليا ههه ولا راجلي تيكوليا غير الله استر فهداك الشعر ديالك شي نهار تخرجي فيه شي عجب

أخواتي أنا راه كان عندي نفس المشكل من بعد الولادة والرضاعة ، والطبيبة ملي دارتلي التحاليل لقات ، مافياش الحديد ، هادا هو السبب الرئيسييييي ، حيت المرأة ملي تولد كيضيع منها بزاف الدم ، ومايبقاش فيها الحديد ، المهم غير بديت نشرب الحبوب ديال الحديد والفيتامينات ، صافي مابقاش عندي المشكل

هي سكتي يختي انا مبقالي والو ونولي صلعة و الله انا اصلان قبل منولد كان طاحلي شعري و جاني بحال صلع نوب لوله سحابني تونية و مخليت مدرت و والو شعر هي مكيتيح حتى تعقدت و مشيت عند طبيب ختيصاصي و عطاني دواء و مدة عامبدا كيكبرلي شعر الحمد لله واخة راه باقي قصير ليا و لكن مبقاتش عندي حتى شي بلاصة فشعري خاوية و مني حملت قطعت دواء و الحمد لله شعري مطاحش ليا ولكن هي انا ولدت اوا و اجي تشوفي كولو كيطيح و بدات كتبالي واحد بلاصة كتخوه ليا و راسي كنحس بيه طايب و راني عاد هادي يومين كتبت موضوع على شعر و مع معنديش وقت باش ندير الوصفات الي فيهوم بزاف ديال الاعشاب مع انا فالخارج راكوم عارفين خاصني نوصي عليهوم من مغرب المهيم واحد الاخت نصحاتني نشرب كينه ديال لحديد انا مني ولدت كان عندي حديد ناقص و طبيب قالي نشرب كينه ديال حمض فوليك شهرين و لكن انا طديرلي قبض و قطعتها و لكن دابة رجعت ناكلها و نشوف عالله ويلا حبسلي شعري مبقاش يطيح انقولها ليكوم

السلام عليكم أخواتاتي أنا كنبيع زيت ممتازة ضد التساقط كنجيبها من الامارات اللي ولقات نجاح كبير حيت كتنعم الشعر وتثير مراكزنمو الشعر وتمنع تساقطه واللي داتها من عندي ضروري كتجيب بنات عائلتها لتاخدها او ختي خداتها لراجلها حيت بدا كيصلاع او كتصلاح للنساء والرجال والاطفال حيت مفيهاش مواد حافظة

السلام عليكم ورحمة الله وبركاته

انا كان شعري كيطيح بزاف قبل ما نحمل وفين حملت نقص حتى تقريبا توقف عن التساقط ومن بعد الولادة ما بدا يطيح حتى كان عند ولدي تقريبا 3 اشهر وحيت كنسمع انو كيطيح من بعد الولادة كنت كنضن انو مباشرة من بعد الولادة وفكرت مزيان شنو اللي ممكن يكون السبب اللي وقف التساقط فالحمل لقيت اني كنت كنشرب الحليب بزاف فالحمل خصوصا اني قطعت اتاي على حساب انو كيمنع امتصاص الحديد
ومن بعد الولادة كنت ايضا كنشرب الحليب بزاف فالشهور اللولة الثلاث واخا كنت كنشرب حتى اتاي الا انو ما بدا التساقط الا فين مبقيتش نشرب الحليب .
ورجعات حالتي حالة لدرجة 2 مرات كنلقى شعرة ديالي في فم ولدي وفينما دورت عيني فالدار نلقى شعري قدامي
ودابا رجعت نشرب الحليب يوميا واخا بدرجة اقل من فترة الحمل وفعلا لاحظت التساقط نقص بزاف بزاف… الفرق بان تقريبا بعد 3 اسابيع ومبقاش شعري مشتت فالدار

سلام عليكن أنيقاتي؛أنا ملي يالله ولدت كنت كنضل كنبكي على شعري وليت بحال شي راجل جناب خواو او من لقدام خوى ولات حالتي حالة حتى مشيت لفرمسيان او خدت زيت سالمية كنت كنديرها كل نهار كنشق بها شعري او فليل كنغسلو،والله العظيم مادز شهر حتى لي شافني كيسولني اش درتي او دبى الحمدلله مازال كنرضع او شعري لاصق فبلاصتو

كنتمنى تجربوه او تردو علي لخبار