تجربتي مع الكيراتين في فترة الحمل

السلام عليكم و رحمة الله و بركاته
بغيت نفيدكم بتجربتي باش أي أخت حامل كتفكر دير ط§ظ„ظƒظٹط±ط§طھظٹظ† دير بناقس أو تفكر فالجنين ديالها.
أنا قبل ما نديروا إستاشرت مع الطبيبة ديالي أو قالت لي ماشي مشكل را غير من الفوق بحال إلى درتي الصباغة للأظافر و لكن للأسف أغلب الأطباء باقيين ما عارفينش التأثير ديالو على الجنين مع أنه في الإنترنت قرأت أنه ممنوع كليا في ظپطھط±ط© ط§ظ„ط­ظ…ظ„ أو زادو حتى الرضاعة.
المهم قلت على أنا غنعرف أحسن من الطبيبة أو مشيت درتوا فالشهر التاسع = درتوا السبت عادي، الأحد فالصباح حسيت بشي ماء نزل مني وبالفعل لقيت بقعة كبيرة من ماء بلا لون ما فهمتش نصحاب غنولد مع أن شهري يله دخل.
ملي مشيت عند الطبيبة أو قلتها لها عطاتني تحاليل أو لقات عندي ثقب فالغشاء اللي كيحمي الجنين والحمد لله كان ثقب خفيف عطاتني أونتبيوتيك أو ملي تزاد ولدي سيمانة مسكين أو هما كيدقوا ليه الإبر فيهم أونتبيوتيك على
داكشي اللي داز ليه.
اللي بقى في الحال فاش سولاتني الطبيبة شنو اللي دار ليك هادشي ما قلت ليها والوا ، ما عرفت را من ط§ظ„ظƒظٹط±ط§طھظٹظ† حتى من بعد. و لكن دابا أنا متأكدة أنه هو.
و أنا دابة حاملة أو ما نقوليكمش واحد الشعر عندي كيف داير خصوصا إنشاء الله غنولد فالصيف و لكن ما غنفكرش فالكيراتين، راجلي غيشوفني على حقيقتي كنت من الصيف للصيف كندير ط§ظ„ظƒظٹط±ط§طھظٹظ† أو كنتهنى ولكن سلامة الجنين ديالي أولى.

---

j[vfjd lu hg;dvhjdk td tjvm hgplg hg[lg

chokrane okheti 3la ma3loma dyalik

لا شكر على واجب أختي.

الحمد لله على سلامتك انت و الجنين ديالك
و الله يفك وحايلك على خير
ممكن ديري وصفات طبيعية منها تريحي شعرك من الكيراتين و تقوي شعرك وداويه من اثار الكيراتين

wach lkiratin kadr f rda3a

أمين أختي دلع بارك الله فيك ، هادشي اللي ناوية ندير إنشاء الله غير الوصفات الطبيعية نريح شعري شوية.
بالنسبة لأختي أم أدم الكيراتين في فترة الرضاعة ما نظنش أنه ضار بالدرجة ديال الحمل، لكن في الإنترنت كاتبين حتى في الرضاعة.

على سلامة وليدك اختي وحاولي تبعدي من الكيماويات وصبري حتى تحطي داكشي للي فكرشك ههههه

الله يآآآآاختي اش دآآآآآاك لشي قرع تمشطي ليه رآآآآاسو ، نتي حامله ومشيتي درتي لكيرآآاتين راه فيه مآآادة الفورمآآآالين صعيبه بزآآآآف على الجسم فما ادرآآآكي بللي حامله ……. حتا انا كنت بغيا نديرو و حرمو عليا الراجل من نهآآار دارو عليه حلقة في برنامج 45 دقيقة هو و دردك و ديكادرون و شيرلي ……….. جآا كيتحلف عليا باش منديروووش ، اش نديرو تجري الريآآآح بما لا تشتهي السفن

و على سلامة ولدك لي معندو والو

الحمد لله علىلطف الله
اشدااااااااااااااك اختي

انا منين كنت حاملة سولت عليه الطبيبة ديالي قالت لي لالالالالالالالا مزال ماعرفينش شنوا لمضاعافت ديالو

وقلت لها الصباغة

قالت لي مشي مشكل ولكن من بعد ماتكملي 6 شهور وانا مادرتهاش حتى دخلت فيلا الاسوع الثاني من شهري يعني التاسع

والحمد لله ماعندها حتىشي اضرار

الله يسلمك أختي خير النساء ، هاد الساعة ما كاينين كيماويات كاين غير الطبيعي إنشاء الله.