عانيت بزاف من تساقط الشعر، وخفاف ليا من القدام مشيت عند طبيبة مختصة وتبعت معاها، نقص المشكل شوية، ومني كملت العلاج ، رجع المشكل، وبديت كنستعمل الوصفات الطبيعية، والحمد لله، شعري بدا كيزيان بعد ماكان متقصف وجاف ولونه باهت،وخفيـــــــف، المشكل الثاني لعنيت منو إلى جانب التقصف هو الشيب، ودابا بلا منطول عليكم، ندخلو في المهم ونحكي ليكم عن وصفاتي الطبيعية لهناتني من مشكل ط§ظ„طھط³ط§ظ‚ط· وفي نفس الوقت غطات لي الشيب وعطاتني لون غـــــزال:
كنوجدفي الأول مغلي الأعشاب وكيكون ديمة موجود عندي في الثلاجة :كندير في كسرونة شوية السالمية + الزعتر+ الآزير + قشور الرمان +السواك + 1م ص خرقوم بلدي +بصلة حمرة مغسولة ومقطعة بقشورها على 4 + 4 ضروس ثوم بقشورهم + الماء مغلي، نخليو الكل فوق النار لمدة 15 دقيقة، ومني يبرد نصفيوه ونديروه في قرعة، ريحة البصل والثوم مع الطهي مكتبقاش مجهدة، مرة في الأسبوع، قبل الحمام كندفي لقياس من هاد المغلي وكنضيف عليه1معلقة صغيرة من كل من: الريحان+ الورد+الخزامى+ 2م ك كاكاو أسود ديال لعبار+ 2م ك لزاز +2م ك حنة + أصفر بيضة + دانون مسوس، خلي الخليط يخمر مدة ساعة وديريه لشعرك لمدة 3 أو 4 ساعات وغسليه عادي، ونصيحتي هي ان أي شمبوان كترتاحي ليه زيدي ليه نفس كميته مغلي الآزير والزعتر واستعمليه انت وكل أفراد العائلة، فهو فعال يقوي الشعر ويوقف ط§ظ„طھط³ط§ظ‚ط· ويعطي اللمعان.
هاد الوصفات عن جد وافقوني وخلصوني من كل مشاكلي مع شعري وللأمانة تجاوزت المشكل نهائيا ملي زدت وصفة جنين القمح لجمال الصقلي، وهي وصفة ساهلة ولذيذة وفعالة بامتياز، كتقوي الشعر وكطولو وكتعالج الشعرة من الجدوركما أن رشيم القمح يحمي من التجاعيد ويقضي على التصبغات الجلدية:
رشيم القمح : خدي كيلو قمح غسليه وغطيه بالماء مدة 3ساعات، ثم صفيه، وفرشي ليه منديل مبلل ومعصور وسرحيه فوقه وغطيه بمنديل آخر مبلل ومعصور وكل مره بللي المنديل للحفاظ على الرطوبة مدة 3 أيام، في الأول غينبت نبتة لونها ابيض من بعد غيتحول لون النبتة للأخضر فاتح وهذا هو رشيم القمح دخليه مرة مرة لفرن سخون ومطفي حتى ييبس وطحنيه وديريه في قرعة : خدي 1م ص يوميا قبل لفطور، قبل الغداء، قبل العشاء، قبل النوم: جربو وحكمو بنفوسكم وللإفادة دخلو لموقع جمال الصقلي وتعرفو على منافع رشيم القمح.
j[vfjd td luhg[m hgjshr’ hgl.lk hglslk
المشاركة الأصلية كتبت بواسطة salwa30 
ابتداء من الأسبوع الثاني بدا كينقص التساقط ولكن النتيجة بدات كتبان في خلال شهر حيت بدا كيطلع شعر رقيق وصغير في الاماكن لكانت خفيفة( في المقدمة وفي الجناب)، أو وليت كنقدر نمشط شعري كل يوم بدون تخوف.
الله يجيب شفاء البنتك ويحفظها ليك يارب
الله يجازيك بخير على الافادة
هههههههه
المشاركة الأصلية كتبت بواسطة أم جيهان2 الله يجازيك بخير على الافادة
حتى أنا كان عندي الشعر جاف ومتقصف وسبحان الله هاد الوصفة حيث من الأعشاب زيناتو ليا وقواتو أو ولا فيه اللمعان حيث لونو قبل كان حالتو والفضل كذلك لرشيم القمح، هاد الوصفة مكتنشفش الشعرحيت فيها دانون والبيض ولاكان شعرك جاف بزاف، دهنيه من بعد لغسيل بزيت الكوكو، أنا كندهنو بزيت اللوز وأحيانا بزيت أركان الخاص بالتجميل، ومن بعد رشيم القمح مابقيتش كندهنودائما حيث كيرجع التوازن للشعر كيف قال الدكتورالصقلي
المشاركة الأصلية كتبت بواسطة أم البلورة الله يجيب شفاء البنتك ويحفظها ليك يارب
شكرا ألحبيبة بزاف على دعاءك مع بنتي، هي محتاجة ليه بزاف، لهلا يخطيك، والله يشافي جميع مرضى المسلمين، ويجعل عملنا هذا خالصا لوجه الله آمين.