تجربتي الناجحة جداً لربيع وقزبر مجمدين وكيبقاو خضرين غزاااااااااااااااالين

وممكن كذلك يتعمل في ورق السولفرزي على شكل مربعات مثلاً القدر الكافي للحريرى هكدا غي جبدي وحدة ورتاحي .

شوفو هنا غي جبدتو كيفاش كيبقا خضر وغزال وزدتو على السلطات بديك الطريقة ديال تجمدوا في المولات الصغار ، كنجبد غي وحدة ونزيدها بلا مانحتاج نبقى معدبة راسي وراه كيتفرتت بمساعدة الزيت لي فيه مكخليهش يتحجر

والطريقة الثانية ديال الأخت أم المعتز الله يجازيك بخير أختي وهي أنك تنشفي الربيع أو القزبر مزيان مزيان وتقطعيه كبير وهكدا كيبقى غزال وخضر وحنا في الدار كنا كالقاو مشكل خصوصاً مع القزبر داغي كيفقد النكهة ديلو ، أما بهاد الطريقة كيبقى غزال ، هو مكسلاحش ليه يتقطع صغير ، جزاك الله عنا كل خير أختي

هنا من بعد التجميد باقي هو هو غي نصيحة غي خدو القدر ليكفيكم رجعوه في الحين الفريغو

وهذا المحبق فين كان ، ممكن أي وحدة دير القزبر في الدار ، سهل ماهل ، غي التراب ولوحوا الزريعة وغطوها بشوية التراب صافي بقو تسقيو يا من ورى المغرب أو صباح بكري وراه داغي كيخرج ، 20 يوم وههوا عندك قزبر غزال وطبيعي

بالنسبة مغتربات إيطاليا ، إسم الحبوب ديال قزبر ، coriandolo وتلقاوه في المتاجر الكبار بحل iper la grande أو iper coop ، مكان دوك الأعمدة لي تيكون فيهم الزريعة ديال بزاف الأعشاب والخضر كيعمل شي اورو و شي حاجة . أو إلا عندكم من مغرب مهم يكونو مقدامش .