السلام عليكم و رحمة الله تعالى و بركاته،
المقادير
الكبدة
كبدة مقطعة مكعبات + بصل محكوك + قسبور + معدنوس +شووووية الثوم محكوك +ملح +إبزار +كمون +فلفل أحمر حلو /تحميرة +خرقوم+شوية معجون طماطم +زيت.
الرزالأبيض
بسمتي+ ماء +ملح+عود قرفة +زبدة +
الرز الأخضر
بسمتي + ماء +سبانخ مقطع رقيق و مبخر+قسبور مقطع رقيق+معدنوس مقطع رقيق+ ثوم محكوك+كنور سمك+إبزار+ كمون+زبدة+ زيت زيتون
الرز الأحمر
بسمتي +ماء +كنور بقر+ إبزار +سكين جبير+ قعقلا+ قرنفل+ قرفة+ معجون طماطم+ فلفل أحمرحلو /تحميرة +زيت+ بصل محكوك+ ثوم محكوك
متعودة تنزيد حتى رز أصفر واخا مادرتوش هاد المرة حيت ماكانش عندي زرعفران الحر هاهم المقادير ديالو لي بغات تزيدو راه تيجي شهوة منو:
الرز الأصفر
بسمتي+ ماء +كنور دجاج +زعفران حر +ملون غذائي +تصفيرة +سمن +بصل محكوك +عود قرفة+ زيت
الخضر
كرعة خضراء+ خيزو +بطاطس +سكين جبير طري محكوك +ملح+ زبدة
الطريقة
الكبدة
خلطت العناصر كلها مع بعض إلا الزيت و خليتها فالثلاجة حتى حضرت الروز و زدت عليها الزيت و شويتها فوق الفحم
الرزالأبيض
غسلت الروز و نشفتو و زدت عليه الماء بمقدار كاس روز كاأس و نصف ماء باقي العناصر حطيتو فوق النارحتى غلى و نقصت النار لآخر درجة حتى طاب و برد شوية و زدت عليه معلقة صغيرة سكر كلاصي و شوية الزبدة و حركتو بشويييييية حتى انسجم معاهم
الرز الأخضر
حطيت السبانخ فطنجرة ماتتلصقش مع القسبور و المعدنوس و الثوم و الزبدة و زيت الزيتون وشحرتهم مع كنور السمك و ليبزار حتى نشفو من الماء و زدت الروز مغسول و ناشف حركت شوية و زدت الماء، مني غلى زدت الكامون و نقصت النار لآخر درجة حتى طاب
الرز الأحمر
فطنجرة ماتتلصقش حطيت البصل و الزيت حتى نشف من الماء و زدت الروز و باقي العناصر، و طيبتو بنفس الطريقة السابقة
الرز الأصفر
عادة تنقلي البصل مع الزيت و السمن حتى تينشف من الماء و تنضيف الروز و باقي العناصر، و تنطيبو فحال الرز الأخضر و الأحمر.
الخضر
قطعتهم و صلقتهم فماء و ملح ماشي حتى طابو بزاف لا غيرشوية باش يبقاو باينين و مايتفرتتوش
فمقلاة حطيت الزبدة مع سكين جبير محكوك و قليتهم شوية وزدت عليهم ط§ظ„ط®ط¶ط± و صوطيتهم شوية
طريقة التقديم
فمول كيك مثقوب من الوسط مدهون بزيت الزيتون ميلتو /مائل زعما شوية عندي باش نتحكم فالروز و بديت تنحط الروز على شكل لون بجانب لون فحال اللي فالصورة مع الضغط عليه فالأخير جيدا،
و دخلت المول للفرن 180 درجة مدة ربع ساعة تقريبا يعني غير حتى سخن فقط، و فهاد الأثناء خرجت الكبدة من الثلاجة و شويتها فوق الفحم، قلبت الروز فطبق التقديم
ووضعت فوسطو الكبدة و حطيت ط§ظ„ط®ط¶ط± فالجناب و زينت بالمعدنوس و قدمتو بالصحة و الراحة .
انتظروني في وصفات جديدة بإذن الله
مع دعواتكم لي و لأهل بيتي بصلاح الدين و الدنيا و الآخرة
jh[ hgfsljd hglg,k fhg;f]m , hgoqv lk l’fod fhgw,v hggg,k fhd
عزتي ام مهدي طيف مميز
كامل مكمول …متقن و مميز
تبارك الله عليك و اسهل عليك الامور
تم التثبيت في تاريخه
الله يخلي لك وليداتك
الله يجزيك الجنة لك ولاهل بيتك ويوفقكم في الدنيا والاخرة ولجميع المسلمين
إبداع + تميز = تألق
واصلي نحن في انتظارالجديد
الله يصلح لك و لأهل بيتك دينكم و دنياكم و آخرتكم آاآمييين