عيد مبارك سعيد لكل الأنيقات هدا بيت ط§ظ„ظƒظ„ط§ط³ ط¯ظٹط§ظ„ظٹ راني مزال مصلحت خاصني نكبس ونصبغ ونعاود نحطو ليكم إن شاء الله
وهدي الزربية عن قرب وراني بغيت نصبنها وبغيت عفاكم إدا كانت شي وحدة كتعرف طريقة تصبين هد نوع دزرابي ونوع دشيتة 
وهدا كلوار دبيتي عملة فيه بلاكار دصبابط 
fdj hg;ghs ]dhgd hg;ghw fpj
ما شاء الله أكتر من رائع الله يجعله بيت الهناء والسعد والرزق وراحة البال
تبارك الله دويرتك فنة حتى الطلامط لي دايرة روميين بالصحة و الراحة حبيبة
المشاركة الأصلية كتبت بواسطة علياء. 
ما شاء الله أكتر من رائع الله يجعله بيت الهناء والسعد والرزق وراحة البال شكرا لك حبيبتي ويسعد أيامك
المشاركة الأصلية كتبت بواسطة الهام ام يحيى تبارك الله دويرتك فنة حتى الطلامط لي دايرة روميين بالصحة و الراحة حبيبة شكرا لك حبيبتي
ماشاءالله زوينة وبلاكار الصبابط عجبني بزااف كل شي مرتب ويشعل الله يعطيك الصحة ويجعلك تتهناي فيها
المشاركة الأصلية كتبت بواسطة ilham34 ماشاءالله زوينة وبلاكار الصبابط عجبني بزااف كل شي مرتب ويشعل الله يعطيك الصحة ويجعلك تتهناي فيها بارك الله فيك أختي إنتي اللي تبارك الله عليك
اتبارك الله عليك بيت امتول ، البلاكار حتى هو زوين افي بلاصتو تيهني من الصبابط
تبارك الله كلشي متول ومقاد اختي ممكن تمن تاع البلكار
حبيبتي بخصوص صابون هذ النوع من الزرابي راه سااهل خاصك غير تعرفي الطريقة انا غادي نكتبها لك كاتحتاجي صابونة حجرة نثف ليتر خل ابيض و2 كيلو تيد او امو كاتشدي الصابون بالزايد الى فيها 3 مترو على 2 واكثر غادي تحتاجي شي 2 كيلو صابون تيد اومو المهم يكون يرغوي وتديريه فشي سطل وتخوي عليه الماء السخون وتخلطيه وتخليه يبات وشدي صابونة ديال الحجرة حكيها وديري معها نصف ليتر الخل لبيض وماء سخون وخليها حتى هيا تبات مع الصباح تسبيري زربيتك مزيان من الغبرة تطلعيها لسطاح تسيقيه مزيان وتنشريها وتشدي بانيو وتديري فيه هذاك صابون الحجرة لمذوب مع الخل وتضيفي عليه سطل ماء وتخلطيه مزياان وتشدي واحد ماس صغير ديال جافيل وتخلطيه معه وتشدي ليقات ديال لبلاستيك تديريهم وتلبسي شورت وتبركي على ركابيك وتبقاي تخوي هذ الخليط بشوية وتديري حركات دايرية بحال الى تغسلي شعر البيبي حتى تطيها كاملة بهد الخليط وانتي تدوري غير بيدك فاش تكمليه رجعي من ابداية ومعك سطل ماء عادي وغراف وبقاي ديري الماء بشوية وفركي بيدك ماشي بشيته ولا اي الة غير ايدك وفركيهم فركيهم حتى تكمليها قلبيها على وجهها ومشي عليها مزياان ودوزي الماء بالتيو وانتي كاتكرطي بالكراطة من الجهة التحتانية ومشي فوق منها وشبعيها ماء برميها وغسلي لبلاصة راه كل الغبرة والاوساخ غادي تلقايها طاحتت منها وسرحيها فاش تسرحيها شبعيها ماء بالتيو من الجهة افوقانية وكرطي بالكراط كتى يبقى يخرج غير الماء وتتحيد صابون الحجرة كاملة عاد ترجعي لعملية التيد اللي رجع بحال الجل طلي وفركي فركي بيديك وانتي كاتزحفي على ركابيك حتى تطليها كاملة شدي الكراطة جري بحال الى تمشطي الشعر على جهة حتى تكمليها كاملة ورجعي مشطي على الجهة الثانية بالكراطة باش التيد يتغلغل داخل لي فيبر ديالها ويقتل les acariens وبداي خوي الماء وكرطي والماء يكون مجهد وقلبي وكرطي وعاود حتى تولي تشعل بدون شيتة وسرحيها على لكراسا حتى تستقطر وخليها تشبع شمس فاش تنشف خلاص بثاي دي وجيبي les poils longs ديالها حتى يتقادو وهانتي صبنتيها