بسم الله الرحمن الرحيم
يثبت الموضوع
أم أســــــــــامة
11 أبريل 2024
اللهم صل على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد
هاد البيتزا كنت شفتها ف google مدة هادي وعجباتني ودرتها وعاد كتاب نزلها.كنت نزلت صورة وحدة فقط فقسم"نجوم تتلالا "النجمة اموريا"
نتمنى تعجبكم
على بركة الله كنحتاجو ل
العجينة لي حبيتو(انا كانت شايطة عندي فالفريكو عجينة 10د)
الزيتون خضر و كحل
الفرماج حمر محكوك
الطون
مطيشة الحك (اختياري)
وعندنا لاصوص طوماط (انا درت السحرية د 8 الدقائق)
شوي الفلفلة حلوة والبصلة مشحرين فالزيت والملح والبزار
كنقسمو العجينة على 2 جزء اكبر من الاخر.الكبير كنسرحوه بالمدلك ونتقبوه
نعملوها فاللاطة وكندهنوها بمطيشة الحك تم الصلصة السحرية ونزوقو الجناب بالزيتون
نديرو البصلة والفلفلة
تم الحوت
تم الزيتون خضر
ديك العجينة لي حتافضنا بيها فالاول كنقطعوها اشرطة طويلة
نعمروهم بالفرماج
نسدوهم ونلويوهم
نحاولو نحربلوهم باش يجيو قياس واحد فالطول
نقطعوهم قطع متساوية
نلصقوهم فجناب البيتزا (هنا وقع ليا مشكل حتال الاخير ونقولو ليكم)
ندهنوهم بالمح الصفر
ونطيبوها ( attention!را دغيا كطيب هاد العجينة)
نديرو الفرماج محكوك
انا كنحاول نزوق بيه فقط باش يبقاو الالوان باينين اما يلا رشيناه عليها كاملة كيولي يبان غير الفرماج وكتولي بحالي فوقها لبيض (وكل واحد يدير لي يعجبو)
وهاهي واجدة بالصحة والراحة
نتمنى تعجبكم
المشكل لي وقع ليا هو ان العجينة ماقداتنيش حنت خاص الجزء 2 لي كنديرو فالجناب يكون بالزايد باش يجيو العريشات ملاصقين ماشي مفرقين.يعني لي بغات تجربها تعجن على قبلها.انا غير عديت بالعجينة لي كانت شايطة عندي و حاولت نعطيها الشكل ديال ظ†ظˆط§ط± الشمس.المرة الماجية ان شاء الله نصاوبها ونوريكم كيف كتجي غزالة
في امان الله
https://www.youtube.com/watch?v=7KYDLwx6_dQ
fdj.h k,hv hgals lkdqv []d]
ما شاء الله عليك
تبارك الله عليك اختي
عجباتني الطريقة بزززاف
شكرا ليك على الصور والوصفة وماكرهتش داك الطريف يوصلني دغية راني تشهيتوووووووووو هههههههه
شكرا ليك
تحياتي ليك
المشاركة الأصلية كتبت بواسطة تلميدة أناقة 
الله يبارك فيك ا حبيبة وشكرا
المشاركة الأصلية كتبت بواسطة إيمي ما شاء الله عليك
تبارك الله عليك اختي
عجباتني الطريقة بزززاف
شكرا ليك على الصور والوصفة وماكرهتش داك الطريف يوصلني دغية راني تشهيتوووووووووو هههههههه
شكرا ليك
تحياتي ليك
الله يبارك فيك ا حبيبة.واش غادي نقول ليك.بقيتي فيا.كن كنتي حدايا كنصاوبت ليك حسن منها
Read more: https://www.anaqamaghribia.com/vb/sho…#ixzz1rYS8GdDm
الله يحفظك ويخلي ليك صحيحتك
يجب أن تضع للبعض سمعات قبل إعطائها إلى khodandaj مرة أخرى.
Read more: https://www.anaqamaghribia.com/vb/sho…#ixzz1rYTuDF94