الغني عايش فيها مرتاح البال والفقير بالنار كواتو
هذا ساخط وزعفان حتى حاجة ماعجباتو
والآخر مسرور وحتى فرحة ماقدّاتو
هذا عايش وسط اهلو وحبابو وهداك فبلاد الغربة رماتو
راه ناس بزاف قبلنا فاتو
عاشو حياتهم بالأفراح والأحزان ودابا راهم ماتو فرق كبير مابين لي يبكي من يقرا القرآن ولي يبكي على حبيبتو حيت مشات وخلاَّتو
تصاحبت مع دري آخر ونساتو
شحال ديال البنات يخافو من سراق الزيت والفيران ومايخافوش من الدراري لي يمشيو عندهم يباتو
دارت الماكياج ونتفت الحجبان وحتى لحمها عرَّاتو
ولات تخرج مع فلان وفلان والشرف ديالها بثمن رخيص باعتُو
وهداك لي كايضحك على بنات الناس ماعرفش ان واحد آخر يكون يضحك ليه على خواتاتو
راه كما تدين تدان غادي يتزوج ويكونو عندو بناتو
. هادي هي الدنيا فيها بزاف ديال الطرقان هذا من الجنة قرباتو
وهداك ديما مكيف وسكران وعلى الطريق الصحيحة بعداتو
غدا غادي يفيق ويصدق ندمان ولكن الندامة گآآع مانفعاتو
شحال من واحد الواليدة ديالو تعدبات وفكرشها حملاتو .
خرج للدنيا من حليبها رضع سهرات الليل وكبراتو … ڭلعت من لحمها وقرّاتو … جات بنت فساعة تلفاتو … قالت ليه جوج كلمات وعنقاتو … طاحت فغرامو بغاها وبغاتو … وفالواليدة ديالو نسَّاتو … كيفاش بغيتيه ماينساكش نتي وهو نسى مو لي ولداتو … بنادم تبع التخربيق ونسى دينو وصَلاَتو … تهضر معاه يقوليك ماشي سوقك كل واحد يعيش حياتو … هذا ماشي كلام عبد الرحمن المجدوب ولا حديدان هذا راه ط¨ظˆظ„طظٹط© مول ط§ظ„ظ‚ط§ظپظٹط© وهادي كلماتو !
f,gpdm l,g hgrhtdm H,g
و بنات ليوم جاحو*
والشباب وعارو وقباحو*
وسراولهم طاحووو*
وقلوب الناس قساحو*
ولا بنادم يتفكرك غي من يبغي صلاحو*
الناس بأسرار بعضهم البعض باحو*
وكحل الراس ولا المعيور والسبان هو سلاحو
بغاو العرى والفساد وباسم الحرية صاحو*
سعدات لي ماتو فزمان الحشمة والوقار ورتاحو*
الديك صاح وكلشي سمع صياحو*
القافلة تسير والكلب مابغا يوقف من نباحو*
الصبر ثم الصبر راه كل باب عندو مفتاحو*
ولي مبلي بهاد الفيسبوك الله يفك سراحو !!
شكرا على طرحك
وإلا زنيتي مع شي درية يقولو ليك مبروك !!
واخا شافوك غادي للهاوية والله مايحذروك !!
نتا غادي الطريق الخطأ ولكن ماغاديش ينبهوك !!
بقا ناعس نتا وكون هاني راه ماغاديش يفيقوك !!
علاش ؟ حيت باغينك طيح فالأرض ويشوهوك !!
حتال الأوقات الكحلة عاد يديرو الصواب ويتذكروك !!
حيت باغينك تكثر المعاصي وعلى الله يبعدوك !!
هادو باغين لجهنم يسيفطوك !!
سكايري وكفايفي باغين يشوفوك !!
ونتا تبقا تابعهم حتى تولي عيان ومهلوك !!
الا كنتي خارج الطريق يفرحو ليك ويستقبلوك !!
والا كنتي ملتازم متشدد وارهاابي يرجعوك !!
يقولو عليك معقد ويحتاقروك !!
الا مافهمتش كلامي سول الناس لي سبقوك !!
راه هاد الناس والله ماغادي ينفعوك !!
والا بغيتيها بلغة الفيسبوك !!
حيدهم من حياتك ودير لاصدقاء السوء بلوووك !!
فبلادي الا حدرتي ليهم الراس راه ماغاديش يقيلوك !!
واخا شديتي التيقار غادي يجبدوك !!
الا شافوك درويش غادي يحگروك !!
اللهم خرج فيهم عينيك وخليهم يخافوك !!
وكولهم نتا قبل ماياكلوك !!
حيت حاكا غادي يديروك فوق راسهم ويحتارموك !!
فبلادي الناس حتى يبغيو مصلاحتهم عاد يتفكروك !!
يبداو يتبحلسو وبجميع انواع الصباغة يصبغوك !!
عنداك تيق فيهم راهم غير ينافقوك !!
راه كايهضرو فيك فالغيب ومن تكون حاضر يشكروك !!
والا عطيتي ليهم راس الخيط غادي يغدروك !!
ومن غادي ياخدو داك شي لي بغاو غادي يركلوك !!
وكون على يقين انه مايبغي ليك الخير غير مك وبوك !!
ماكنهضرش على كلشي ماتمشيش غالط ارجوك ؛) !!
راه كاين ولد الناس وكاين الصعلوك !!
كاين لي كبير فعقلو وكاين لي بعلوك !!
لي لي نيتو صافية وكاين لي ناوي الغدر ويقولك انا خوك !!
فبلادي كل نهار كسيدة كل نهار كار تساطح مع رموك !!
فبلادي كايستغلو الانتخابات باش يشفروك !!
بالشفوي والكلام الخاوي يشبعوك !!
بالاصلاحات والخدمات فالتلفازة يوهْموك !!
والا كنتي فقير ومشيتي للسبيطار غادي يهمشوك !!
والا كنتي غني فوق راسهم. يديروك !!
فبلادي من طيح الشتا الطريق تولي زعلوك !!
فبلادي بالمسلسلات التركية والمصرية يكلخوك !!
المهم هذا هو ونتمنى ان هاد الكلمات يعجبوك !!
"بولحية مول القافية"
