بنتي و الردان

السلام وعليكم
الله يخليكم الانيقات عندي مشكل معا ط¨ظ†طھظٹ يلاه تزادت هادي سيمانة و جوج مرات تترد داكشي اللي رضعات مع العلم اني تنرضعها طبيعي الصراحة خايفة لايتعود نفس السيناريو اللي طرالي مع ط¨ظ†طھظٹ الكبيرة كانت تترد حتى هي يوميا حتى كملت 3 شهور و هاد ط¨ظ†طھظٹ الصغيرة تزادت ضعيفة يلاه فيها 2 و 700 بغيت نرضعها مزيان و لكن خفت من ط§ظ„ط±ط¯ط§ظ† و الا نقصت لها عدد الرضعات تنبقى نكول عنداك نضيعها الله يخليكم اللي عندها شي حل تنفعني بيه

---

fkjd , hgv]hk hgvdhk

وعليكم السلام ورحمة الله
واش كاتجرعيها ملي ترضعيها ؟يعني توقفيها حتى تجرع

أختي القضية عادية بزآاف بنت خويا بقات كاترد حتى دارت 6 أشهر وهي تحبس في الأول ماخلاو مادارو معاها ولكن بلا فائدة نهار لي قفلات 6 شهور صافي مابقاتش ترد نهائيا تبقايي تكرقيها أختي باش ينقص شوية

اختي ضروري ماتكرعيها بعد كل رضعة باش يخرج كل الهواء لي دخليها للمعده وهي كترضع
وادا كان كترضع بجوج بزولات فكل رضعه فخصك تكرعيها ملي تسالي من البزوله الاولى عاد اعطيها تكمل الشوط التاني ههه وبعدها عاودي كرعيها
تبقاي طلعيها عند كتفك وضبي وربات خفاف على ضهرها وغتكرع

انا ولدي من نهار تزاد و هو اللي شربها كيردها، و كل 15 يوم كنديه للطبيب ،حتى من الايكوغرافي للمعدة درتها ليه، كولشي عندو نورمال ، و الردان ما بغاش يحبس، و لكن الحمد الله كان كيتزاد في الوزن ، واخا ناقص على les bébés اللي قدو، ملي وصل 6 شهور مبقاش كيرد نقص بزاف على الاول. ما تخافيش بزاف عليها و لكن كنترولي ليها صحتها و الوزن دييييييما.

تنوقفها اختي باش تكرعو لكن بعض الخطرات متتكرعش

نفس المشكل كان مع بنتي كانت غي ترضع ترد قبل مانكرعها و مرات تكرع و ترد و ديتها للطبيب قالي عادي مادام كتزاد فالوزن راقبي وزنها و ماتخافيش ماوقفش الردان حتى قفلات 5اشهر

حتى انا اختي طرات ليا مع بنتي الكبيرة و ديتها شحال مرة عند الطبيب تيكول ليا راه امر عادي و لكن بغيت حل حيت تكرسفت و حتى هي تكرفسات و ما بغيتش داكشي يتعاود

شكرا اختي على الرد ديالك وغادي نحاول نكرعها قبل ما تبدى الشوط الثاني وخا بعد الخطرات تتنعس في الشوط الاول هههه الصراحة انا خفت لنكون تنرضعها بزاف حيث فين ما تبكي تنرضعها وخى نكون يلاه مرضعاها

شكرا اختي على الرد ديالك انا غير بغيت نتفادى هاد القضية و مابغيتهاش تكرفس و لكن الى كتبها الله ماعندي ماندير