بنتي وصاحبتها و الزنقة

السلام غليكم ورحمة الله و بركاته

باختصار شديد اخواتي ط¨ظ†طھظٹ 16 سنة عندها صاحبتها الروح بالروح وفي هذه الفترة ديال الصيف يبغيو يقصرو برا في ط§ظ„ط²ظ†ظ‚ط© قدام المنزل و انا هذا الشيء انا رافضاه على كلام الناس والغادي و الجاي ولكن ط¨ظ†طھظٹ ما باغياش تفهم و حزينة بزاف وبقات كتبكي كتقول لي هذه العطلة والصيف للعلم فقط ط¨ظ†طھظٹ ما كتخرج بوحديتها و مانعاها من الخروج لبعيد مع صديقاتها شنو ندير اخواتي واش نخليها في رائيكم تخرج ولا ولا غير امام البيت كما قلت ليكم

---

fkjd ,whpfjih , hg.krm

الله يهدي لك العزبة
اختي انا حسة بالخوف ديالك فانا عندي بنت 17 عام في الاول كنت نمنعها من الخروج ما شي حدا الباب هههه تخرج مع صحاباتها بنات كنعرفهم وتوصلها حتى البلاصة فين مواعدين وغالبا كتكون وسط المدينة

قلت كنت تنمعها لكن لما فكرت في نفسي في نفس السن ديالها والدي كانو عاطينا الحرية نخرج مع صحاباتي بشرط اراقب الله في تصرفاتي والحمد لله كنت عند حسن ظن امي بي وكانت عاملة في الثقة وانا حريصة على هذا الثقة منضيعهاش

فجلست انا وبنتي وكلمتها وفهمتها اشنو انا بغ منها

وطبيعي يجي ش ولد يزوق لها الهدرة ولف راسها بالكلام الزوين لكن خصها تعرف تصد وتحط وراء الخط الاحمر

الحمد لله الان متفاهمين وخ تتوقع بعض النقاشات بينا واختلاف الاراء لكن تتقول لي كل شي توقع في المدرسة بين الاواد والبنات

رايي متخنقيش بنتك رها في سن الانطلاق والحرية والاحساس بالذات اعطيها فرصة تيق في نفسها وفيك ولكن عينك عليها وبلا متعرف

سمحي لي طولت عليك

أختي من الأحسن بغات تجلس مع صاحبتها يجلس ف دار لداخل لانه ماشاء لله كبيرة و زنقة راه فيها lghadi ولجاي
لكلام لي غد يقولوه برا راه يقوله نيت ف دار لداخل و هانييين ماشاف فيهم حد ماتباسال عليهم حد
صراحة أنا ضد لجلاس ديال قدام لباب لا لبنات قد بنتك لا لعييالات لكبار

Ana m3a had ray hit zanka w khassatan ila kan hay chaabi katkhasser som3a dyal lbent w khassatan hya daba 3ala bab Zwaj Baki liha walo men daba khassha t3alem 3la dar w chi chwia d lmasolia w ila Mara Mara Brat tkharej machi mochil wakin machi hada lbab Dar wbsa3at

السلام انا كنفهمك مزيان أناعندي بنية عندها 11سنين وعزيز عليها الزنقة كنخليه غير شوية باش متولفهاش لأنه بنتك كتفكرني في صغري إلى زنقتكم بنادم فيها كتير دوي معهابلخاطر هي وصحبتها وتبقاي تخليها شوية تبرد وليني مرمرة نكري عليها باش تدخل وخاصك تدوي مع أم الصديقة باش حتى هي تدوي معا بنتها

الوقت تغيرات اخواتي … حنا كنا نجلسو في باب الدار ونهضرو وناكلو الزريعة ماداها فينا حد

دابا ولاد الدرب ولاو باسلين وفيهم اللي كايكون مبلي بالحشيش ياربي السلامة ضروري غادي يرمي كلمة ولا جوج عليهم

وانتي ماغاديش ترضاي اللهم يدخلو للدار او يطلعو للسطح الا باغيين يتبردو

والله يحفظها ليك ويحفظ وليدات المسلمين اجمعين

اختي كيفما قالت لك ام ايوب
زمان كان الى وقفت حدا الباب تاتوقفي ونتي ما خايفة من حد
بغيت نقولك هدا صديقتها تاتعرفيها وتاتعرفي عائلتها واش ناس محافظين واش تاتصلي واش هدا الصحبة اللي بيناتهم ديال الضحك وتمضية الوقت
واش عائلة هدا البنت حتى هي مابغاتش بنتها توقف حدا باب الدار
او لا ما عندها سوق
اختي باش تملئي فراغ بنتك بداو تخرجوها مرة مرة وقولي لللاب ديالها اعود اخرج معاها وتحاورو بيناتكم
تلاهى في قرائة القصص ومصاحبة البنات اللي في سنها الى كانو ملتزمات راه تبارك الله الى قلبتي تلقاي بنات الناس ربما من عائلتك
ودابا راه رمضان الحمد لله تعودو تخرجو مجموعين الى المسجد لاداء صلاة التراويح
انصحك ماطلقيش القنبة بزاف وفي نفس الوقت ماتزيريهاش باش مايتقطعش حبل العلاقة بين الام وبنتها
اياك تم ايا ك ان تكون ابنتك من اللواتي يرتدين السروال الاصق والفولار الشبه عاري
على الاقل مافيها باس تلبس عبايتها او ادا رفظت بشدة الصاية وتريكو او قميجة تستر جسدها دو ان تصفه انت مسؤولة امام الله على لباسها لانك انت من ينفق عليها
وهدا البنت واش حتى هي تتلبس السروال الضيق راه واخا تكون القلوب نقية راه تايديرو الاتم بداك اللباس اللي تايلبسو بنات اليوم يجلبن عليهم بلاوي كتيرة ومضايقات من الشباب الفاقد التركيز
الله اهدي بناتنا يارب

ختي للاسف زمان ديالنا ماشي هو زمان ديال دابا انا عندي 30 سنة وعندي ختي الصغيرة عندها 11 سنة وكتبغي تخرج وتلعب بحال لبنات وتمشي مع صحباتها لدارهم ولكن انا رافضة هادشي حيت شفت وعرفت بلي الصحابات مامنهم فايدة وكيجروك غير للمشاكل والمصايب والزعامة الخاوية ، انا كنت كنبقى نبكي ملي ماما كتمنعني نخرج قدام الباب ونلعب حيت مكانش عندي خواتاتي وكنت كنقوليها لا كبرت وتعقدت نتي سبابي هههه الله يسمح لي منها ولكن اختي العكس هو الصحيح انا دابا كبرت ودرت صحابات في الثانوية وفي الجامعة وفي الخدمه تيقي بي اختي والله ماكين بحال الام تكون صديقة واخت وكلشي ، ماكين تيقة ماكين حرية في هاد الوقت

زيريها ومتخافيش واحد النهار غاده تقول الله يرحم لي الواليده لي اكنت مزيراني وعرفت تربيني

انا هاكا كنقول على ماما وكنقول الحمد لله لي سمعت لكلامها و كنت كنقول ملي تزادت ختي منخليهومش يعقدوها بحالي ولكن العكس لقيت راسي بلا منحس كنزيرها ونجري على صحاباتها من الباب ولي جات بغات كتاب ولا شي حاجة كنقوليها حتى للقسم وتعطيك لي بغيتي وحاجة اخرى اختي متعلميهاش تحفظ مع شي بنت هذا خطاء كبييييييييييييير إلا كانت بنتك كتفهم لي معاها غادة تلفها ولاكانت شوية في المستوى لي معاها غاده تعقدها لاكانت حسن منها وتولي الاخرى لي كاتجوب وبنتك غير تنقل ومتعتامدش على راسها

ختي حيدي منك كلمة تعقد ولا تبكي هادشي غير في الافلام زيري بنتك وحافضي عليها راه الوقت صعيبه عامره بالذياب

نزيدك حاجة اختي ضحكي علي انا كيف قلت ليك 30 سنة مكنطلش من الشرجم ولا نوقف قدام الباب ولا نتسخر للحانوت ولا للفران بابا صعيب بزاف كيقول لماما منبغي حتا مول حانوت يتملس فيها وهي ماعارفه والو هههههه

اعتذر على المصطلح

وتصوريا ختي جيرانا مكعرفونيش فين ساكنه وفاش خدمة في ويسترن ينيون حدانا لي جا عندنا من الحي كنقولو نتا في البلاصه الفلان فلانية كيقولو لي باش عرفتي كنقولوهم انا ساكنه حداكم في الزنقة كذا وكذا كيبقاو يقولولي ميمكنش ههه معمرنا شفناك

والنكتة هي نهار بغيت ناخد شهادة السكنى بنفسي من المقاطعة المقدم كيقولي بنت هادوك الناس راها في ايطاليا هادي 4 سنوات هههههه كنقولو الله يهديك انا را مامشيت فين هههههه ومبغاش يتيق حتى مشا ليه الواليد

اختي زيري زيري فهميها مزيااااااان قولي ليها ممستافدة والووووو من هاديك الوقفة راه بنادم ولا خايب ولات سرقت البنات غير خوفيها باش تشد رض فدارهم وانتي متبقايش ملهية فالشقة حاولي ترافقي بنتك وخرجي انتي وياها واهم حاجة متشريش ليها لحوايج ديال هاد لاموض عوضيها على الحشمة وخلي حتى باباها يخرج عينيه شوية وفنفس الوقت متحرمش من حتى حاجة الله يخليها لك

انا مكنتش تنخرج امي واعرة وفيها الغوت ولاكين متضربش وشوية تتولي مجمعة معاية انا نهار عرسي تيحساب ليهم دايرة العرس لختها وانا بنتها متيعرفونيش
ودبة عندي ختي اخرى عمرها 19 تبارك الله متتخرجش هاكاك من عند الله ماما تتقوليها شي بنت تتسول عليك تتخبى تتقوليها قولي ليها مكيناش المدرسة خرجت منها ودبة دخلناها لخدمة بزز

واحد فليفلة عاد طالعة تطيييير ولاكين تتخاف مني انا وتتحتارمني ومتتسوقش لماما شكات عليا امي قالت ليا راها بغات تسافر فالعطلة وانا نهدر معاها قالت ليا واخة مع بعيدة عليهم تنكسيها وتنصبطها ولبغاتها تنعطيها ليها قالت ليا راني تنخرج نجيب غير الخبز من الفران وديمة تدخل للامسن تنهدر معاها وبارك فيها غير الخوف عمرها 12 سنة
والله يهدي بناتنا وبنات المسلمين

اختي الوقت خيابت راه البرامج لتنشوفها في ميدي اه تنزيد نتعقد من الفضايح بحال هداك البرنامج البنت لغتاصبها ولد خالتها على 10 دراهم وقتلها داك نهار تاصلت على ماما وسولتها قالت ليا راها بين عينيا وخا هاكاك اختي قلبي مقبوط عليا الله يستر وصافي