بنتي والسخانة

السلام عليكم ورحمة الله وبركاته
سمحولي خوتي فيما جيت نشارك دائما لطلب المساعدة ولكن حرت بابنتي فعمرها 6اشهر من السبت فالليل وهي شادها السخانة كتكوي مسكينة .خديتلها كوكليصدال الاحد تنزل ليها السخانة حتى نديها لطبيب نهار الاتنين ولكن غير كيدوز المفعول ديالو كتبدا كتحرق بالسخانة المهم ديتها عند الطبيبة سولاتي واش فيها الاسهال واش كتحك ودنها قولتلها لا قلباتها مزياااان مالقات عندها والو حتى حاجة اوا خرجالتها مضاد حيوي عام وقلتلي عندها شي حاجة عاد فالبداية ديلها ومازال ما بانت مزيان .
مانكدبش عليكم انا كنكره المضادات الحيوية ولكن الغالب الله الله يسهل عليكم الى ما فسرولي شنو هاد التخربيق ودعيو معاها بالشفاء العاجل الله يسهل عليكم
وللعلم راه عندي بنيتة كبيرة في عمرها7سنوات عمرها ما وقعليها هاد الشي وسمحولي

---

fkjd ,hgsohkm

اختي بلا متخلعي على بنتك حتى ولدي كانت فيها سخانة وعييت مندير ليه في doliprane خديتو عند الطبيبة قالت لي كملي ليه على doliprane وزيديه هاد سيرو brufen والحمد لله مكملش يومين حتى هبطت وحتى الطبيبة في الاول قالت لي راه عندو التهاب ما التهاب

شكرا ختي الله يحفظلك ولدك

الله يشفيها لك اختي ولكن قيسي بمقياس الحرارة ديال الاطفال راه مرات ولو تيكون راسها سخون لكن مانقدروش نقولو بانها فيهم الحرارة غير المهم ماتفوتش الحرارة ديالها 37 درجة الى كانت هكدا فهي عادية …حاولي تشريه وحطيه لها اللور وخليه حتى يوقف وشوفي شحال ودايما يكون عندك احسن باش تبقاي متبعة مع حرارتها ..وشربيه دوا الحرارة سيروا او قويلبة …ربي يشفيها لك ويشفي ولدي …موفقة اختي

اختي السخانه هي عرض وماشي مرض وهي انذار مخاصكيش تفرطي فيها ودي بنيتك للطبيب وعمليلها الفحوصات اللازمه الله يشافيها يشافيها ويعافيها وانشاء الله يكون خير

ممكن اسنان ابني حصل معاه فسابع هكذا بعد شهر طلعت سنتة ووسخانه بقات ثلات ايام هي تطلع انا نهبط اختى المهم ماتخليهاش توصل اربعين لا وصلت روحي مشفي عادي حرارة لولاد كامل يعانيو منها فهذه لفترة

جزاكن الله خيرا نعاود نوضح بلي ديتها لطبيبة الاطفال وقالتلي بلي ما عندها والو ويمكن هادا مرض عاد في البداية ديالو