بنتي والاكل المرجو التفاعل

السلام عليكم اخواتي كيف حالكن مهم عندي مشكلتي مع ط¨ظ†طھظٹ نقص الاكل ديالها الي عندها شي فائدة تنصحني بيها وجزاكن الله خيرا

---

fkjd ,hgh;g hglv[, hgjthug

أخواتي بغيت شي طرق تحبب ليها الاكل لاني لي كنعطيها مكتبغيش حرت معاها المرجو الافادة

أختي حتى أنا بحالك يلاه لقيتيني بغيت نطرح موضوع علا ولدي ما كيبغيش ياكل لي بنتك شحال عندها أنا ولدي عندو عام وشهرين عييييييت هاد المشكل ديال الماكلة عصصصصبني بزاف واش هاد الدري ما كايجيهش الجوع اعباد الله. هو أصلا من نهار بديت ليه الماكلة ما كاياكلش مزيان والو ولكن هادي شي شهر ما بقاش بغا ياكل نهاءيا لا حليب لا ماكلت ماكلت لي عطيتو ما كيبغيهاش عيت ما نوع ليه الماكلة والو شفت حتى عيت وليت كنبزز عليه حتي كيبدا يبكي ويغوت ويتعصب صافي مني كنشوفو كيغوت كنحبس ونبدا نبكي إيه كنبكي يمكن ضحكو علي ولكن را هادشي لي كاين والله العضيم إلا فينما نبغي نعطيه ياكل كنبدا نترعد بالعصاب ما خليت ما درت كنحزو كنلعب معاه كندير ليه الرسوم كنعطيه اللعب ديالو جميع الطرق درتهوم معاه والو يحلف هو ما ياكل .مني كنعيط لطبيب ديالو كنعاود ليه المشكل كيقول لي خليه حتى يبغي علا خاطرو ولكن را ما يمكنش نخلي الدري نهار كامل بالجوع كايبقا في الحال خصوصا مني كيجيه النعاس في أليل بلا ماياكل عرفتو والله العضيم إلى كنعسو والدموع في عني كيبقا في كينعس بلا ماكلة بحالا ما كيناش النعمة في الدار لاشارة ولدي راه ألوزن ديالو ناااقص ضعييييف بزاااف .الحاصول الهدرة طويلة وأنا مفقوسة وكنشكرك أختي لي طرحتي هاد الموضوع ويا ريييييييييت الأمهات لي عندها شي حل تعتقنا بيه أنا راني وصل السيل الزبى كنتمنى الامهات يتفاعلو معانا راه خاصنا شي حل لوليداتنا إلا ما كاياكلوش أكيد غادي يكون عنهم شي نقص في شي فيتامين أولى يقدرو يتصابو حتى بفقر الدم الله يحفضهوم ويحفض وليدات المسلمين عاونونا عتقونا فهمونا وريونا هاااااالعار لما وقفو معانا ما تخلاوش علينا راحنا كنعانيو من هاد المشكل والله يرحم ليكم الوالدين

مشكورة اختي على تدخل ديالك انا عند بنتي 3سنين و8شهور ومكلتها قليلة وبزاف بغيت شي طريقة تحبب ليها الماكلة

لا اجد تفاعل منكن اخواتي

حتى أنا عندي مشكل ديال الماكلة مع ولدي*، ولكن أنا كيعول على الببرون قبل مينعس*، ضروري نعطيه لحليب*، يعني نعيا *نحاول معه هو عارف بلي كين الببرون قبل مينعس*ولكن الاخت لي قلت ولدها مايكل والو شوفي *واش معندوش فطريات في الفم ديالو*، حيت راهم كينتشرو وميخلوهمش ياكلوا مساكين*ولي بغات ولدها ياكل خاص الصرامة*، وتدس كلشي عليه بش ميلقاش البديل*

سبحان الله نفس الشيء حتى انا بنتي عندها عام و3 اشهر ومكتبغيش تاكل وكتعصب ليا بزاااف خدينها انا وبابها لطبيبة ودوزات ليها قلت ليها وزنها ماشي طبيعي عندها عام و3 اشهر خصها يكون عندها اكثر قالت ليا اه عندك الصح قالت ليا جوعها متبقايش تعطيها غير الحليب بوحدو قالت ليا خليها حتى تجوه وفعلا داكشي لدرت و الحمد الله دابا راه ولات كتاكل مزيان ماشي بحال الاوال كنجوعها و الحليب وليت كنعطيه ليها غير الصباح و فالليل صافي و فالغداء كندير ليها الصوبا او مرات كتاكل معانا لطيبنا

من الافضل يا اختي ان تري الطبيب المتخصص في التغدية الصحية
فهو اولا سيرى عمر طفلك وهل صحته جيدة يعني ليس عنده سوء تغدية وهل ليس لديه مشكل في الامعاء المهم هو سيفصح وسيعطيك النصيحة الصحيحة
واشير الى نقطة مهمة يا اختي اريد ان تعلمي ان ولدك تكفيه فقط لقيمات قليلات لان جسمه صغير لا يحتاج الى الاكل مثل اجسامنا,لان الكثير من النساء تريد اولادها ان يكونو سمينين وياكلون كثيرا وهذا خطير يا اختي .فطالما ولدك ورنه مناسب ولونه ليس فيه اصفرار فهذا جيد.
نصيحة اخرى اختي حاولي ان تخرجي ولدك الى فضاءات طبيعية ولاعبيه واتركيه يجري ويعلب والعبي معه حتى يخرج كل طاقته

في اللعب ويتعب فهذا سيساعده على رفع الشهية في الاكل.
لان ترك الولد الصغير بدون اخراج طاقته في اللعب سيولد له نفور من الاكل ولن يشعر بالجوع.فحاولي اختي كل يوم خصصي 3 ساعات من اللعب خارج المنرل مع ولدك وممكن تحملين مع اكل في نرهة في الهواء الطلق فهو سيشعر بالمتعة اكثر ,وابتعدي عن اكل الشوكلاطة والبسكويات وكل الحلويات لانها تسد شهية الاطفال. اما التمر والشريحة الربيب والمكسرات فهي جد جد مهمة لهم فحاولي اذا هو في سن سنة ونصف اعطيه مرة تمر مر شريحة مرة ربيب فهذا يفتح شهيتهم ايضا لانها سكريات سريعة الهظم عكس السكريات المصنوعة تسبب سوء الهطم ولاتعطي شهية.
المهم اختي لا تنسي ان تري الطبيب حتى يرى ابنك اذا كل الامور عنده جيدة.الله يوفق اختي.

أختي مزيان بعدا غير مني كيشرب ليك الحليب قبل ما ينعس اللهم الحليب ولا والو غير نتي بداي تخلطي ليه شي حاجة معاه أي حاجة تنفعو بحال بطيطة مصلوقة مع فرماجة ولا شي فاكهة ولا شويت الروز المهم أي حاجة بش يتنفع أكتر واله يخليه ليك .أما بالنسبة لولدي أختي راني ماشي غير الصرامة راني قلت ليك جمييييع الطرق درتهم معاه أختي ما فيه لا فطريات لا والو هو هكاك الشهية ما عندوش سبحان الله ولكن أنا غنبقا نحاول معاه وصافي ما عندي ما ندير تقهرت والله

أختي الله يخليليك البنيته قولي لي أختي شحال كتوزن حينت الطبيب راه كيفقصني كنقوليه الدري ناقص كيقولي لا راه عادي وانا كيبان لي في هاد السن ماشي عادي الوليد يوزن 9 كيلو