بنتي فيها القبض و ماعرفت ماندير

السلام أنيقاتي
أنا عندي بنت عندها 39 يوم و هذا يوماين مبقاتش كدير الخروج ديالها النهار الأول درت ليها القويلبة ديال لdoliprane والحمد لله خرجات و البارح مدارش والو و درت ليها غير نصف قويلبة لحد الأن مكاين والو عتقوني عفاكوم
مع العلم أنا كنرضع طبيعي و كدلك الحليب ديال الفرماسي مرة مرة

---

fkjd tdih hgrfq , lhuvtj lhk]dv

اختي دوليبران راه ديال السخانة ماشي ديال القبط

إدا كنتي ترضعيها طبيعي وخا تتعطل ماديرش كاكا بنتي كانت تعملا مرة فسيمانة و مشيت عند بيدياتر قالي عادي راه كايعني كاتستافد من الحليب بزاف مدام كاتعمل بي بي ما عندك مناش تخافي

اما ادا كنتي تعطيها حليب صناعي فضروري تعمل كاكا كل نهار و إدا شفتي عندها القبط ديها للطبيب أحسن بنتك صغيرة بلا ما تبقى تجربي فيها لي كان

انا مع الاخت sanmed راه ماشي ضروري دير كاكا كل نهار غير هو الى كان فيك القبط نتي راه امكن اكون عندها حتى هي هادشي قريتو فواحد الكتاب حيت حتى انا بنتي كان فيها القبط مسكينة كتزير و تزنك و في الاخر مكدير والو صافي و هزيت هاد الكتاب تنقلب فيه و طحت فهاد المعلومة لي قلت ليك و فعلا كان عندي القبط و بديت كنشرب كاس كبير ماء دافئ مع ملعقة عسل و الحمد لله تقادات لينا الكرش بجوج بينا و حاجة اخرى الى كان عندك الحليب كافي مكاين لاش تعطيها ديال لفرماسيان راه مكاين ماحسن من حليب الام و سمحي لي طولت عليك

شكرا أخواتي على اﻷجوبة طمنتوني شوية
بالنسبة ل doliprane راه غير ماعرفت ماندير ليها ف هذاك الليل و قلت نجربها
إوا بالنسبة للقبض راه أنا ديما فيا من صغري داير معيا أبونمو ههههه الله إعفو علينا
إوا و الحليب ديال الفارماسي كنعطيه ليها غير إلى كنت خرجت و ملاقش ليا نعطيها لبزولة

الصراحة احبيبة لوليدات قبل 6 اشهر تايديرو كاكا بزاف دلمرات فنهار وبالاخص إلى تيرضعو طبيعي حيث حليب الام سريع الهضم. وفي غالب الاحيان بنتك راه جاها امساك بسبب الحليب الاصطناعي وخا كتعطيهليها غير مرا مرا يعني ماوالمهاش حبسيه ليه أو غيري النوعية. وبالنسبة الاسعافات الاولية اللي تايديرولك وخا تاخديها لطبيب تدهني الرأس ديال ميزان الحرارة بفازلين مزيان وتحركيه شوية في المخرج راه غدير كاكا او العود دلوذنين غمرية بزيت الزيتون وعملي نفس الطريقة حسن ملقويلبات حيت راك ضري بنتك بسبب الباراسيتامول اللي عطيتيها من دون سبب. ويلا مادارتش كاكا النصحك تاخديه لطبيب حيث أنا عانيت معا ولدي وهاذ الشي اللي قتلك عن تجربة وسمحيلي طولت عليك الله يجيب الشفا

انا ولدي كير ضع اصطناعي ، و ما كيديرش كاكا كل نهار، و الطبيبة قالت عادي ، ماشي كولشي les bébés بحال بحال، شي مرات ملي كيجيه الإمساك ، كنعطيه رضاعة الماء فيها شوييييييية العسل الحر ، و صافي كيتطلق . و كاينين قويلبات الجليسيرين تقدري تعطيهم ليها كيساعدو بزاف.

بنتك فيها القبط راه من الحليب ديالك مادام نتي فيك القبط ف حتا هيا لان القبط كيجيك من الأكل لي كتاكلي نتي كتاكلي غير الحاجات لي كيقصحو الكرش وهادشي كينعاكس حتى على الحليب ديالك كيولي كيقصح ليها كرشها دابا نتي محدك كترضعي خاصك تبقاي تاكلي الخضر بزاف يعني إلى مكانتش الخضرة فالطاجين حاولي ديري شلاضة لي تنوعي فيها الخضر وديري صوبة دالخضرة واخة تشربي غير زلافة و تاكلي الفواكه وحتى البقولة والسبانخ راهم مكيخليوش القبط و مطيشة سواء صوص أو شلاضة المهم نتي ضروري فنهار تاكلي شي حاجة من هادشي وهاكا غاديا تستافدي حتا نتي مغايبقاش فيك القبط و البنية حتى هيا ولكن إلى محاولتيش باش مايبقاش فيك القبط فرا غاديا تبقاي كتعاني معا بنتك طول فترة الرضاعة

شكرا بزاف أحبيبتي على النصائح صراحة كنتلف مع بنتي ههه
الله إعاونا و خلاص ويخلي لينا وليداتنا