بنتي عمرها 3 سنوات و8 اشهر وباقي مكتنطقش بالكلمة مزيان انا شفت وليدات صغر منها وتبارك الله كيهدرو مزيان الله يجازيكم بالخير لقاو ليا شي حل راني مرضت فصحتي وتعقدت :8:
fkjd uk]ih la;g thgk’r
السلام عليكم ورحمة الله تعالى وبركاتهأختي كنصحك تشوفي الطبيب حيت كان عندنا واحد الولد في العائلة عندو المشكل فحال بنتك مللي ديناه نطبيب لقا بللي عندو واد الجليدة صغيرة تحت اللسان ديالو غير حيدها الطبيب ولا الولد كيتكلم مزيان والحمد لله. ان شاء الله كيف ما تكون بنيتك الله يخاليها ليك ويشافيها
متنساشي تردي عليا الخبار
شكرا اختي على مرورك ولكن بغيت نسولك كيفاش حيد ليه هاديك الجلدة واش فتحو ليه وشحال كان فعمرو جاوبني اختي الله يجازيك
سمحلي لأختي على التأخير في الرد أختي الولد مللي حيد ديك الجلدة كان تقريبا في العمر ديال بنتك هي ساهلة في التحياد خصوصا الى كانو الدراري باقين صغار ومكتحتاج لاعملية لا والو الطبيب كيضغط عليها و كتحيد أختي أنا كنصحك بللي ضروري تدي بنتك عند الطبيب ومايكون غير الخير
عنداك تنسا ومجاويشي عليا باش نعرف الجديد والله يسر ليك ولبنيتك والله يشافيها
عنداك تنسا ومجاويشي عليا باش نعرف الجديد والله يسر ليك ولبنيتك والله يشافيها
شكرا لك اختي والله يشافيلك بنتك حتى نتي
او تقدر يكون عندها مشكل في السمع حيت الى ماكتسمعش مزيان ماغاديش تهدر اولا ماكتهدروش معاها بزاف باش تكتشف الغة ديها للطبيب او ردي علينا الله يشافيها
شكرا لك اختي على مرورك انا راه بنتي كتسمع مزيان وشي كلمات كتنطق بيهم مزيان ولكن شفتها هاد الايام ولات مكتقدرش تخرج الكلمة مزيان من فمها وانا راه باقي مديتهاش لطبيب حيت استاشرت مع المديرة ديال الروض فين كتقرا وقالت لي متديهاش لطبيب راه الروض هو الطبيب ديال الاطفال اللي مكيهدروش مزيان وقالت ليا راه بقا صغيرة وغير دمها اللي تقيل وماتقولي غتديها لطبيب حتة تكمل 4 سنوات وبقات فحال هكا عاد ديك ساعة ديها لاختصاصي