السلام عليكم اخواتي ط¨ظ†طھظٹ ط¹ظ†ط¯ظ‡ط§ 9 ط§ظٹط§ظ… ط¶ط±ط¨ظ‡ط§ ليا ط§ظ„ط¨ط±ط¯ مسكينة الرواح والكحة مكتقدرش تنفس او ترضع منعرف اش ندير ليها وعندها غدا الجلبة
fkjd qvfih hgfv] uk]ih 9 hdhl
الله يشافيها
ديري ليها القويلبة قبل التلقيخ باش مطلعلاش السخانة تزيدها والله يشافيها حاولي ترضعيها طبيعي وما تغسيلاش وما تبدليااش الحوايج بدليلا غير الفوقانين والله يشافيها مسكينوعن طريق : samsung – GT-S7580
مبروك الزيادة و تكبر في طاعة الله الله اشافيها امسكينة كيتكرفو الوليدات مع هاد البرد ابقاي اختي ادهني ليها اصدير اديالها في الليل بزيت العود دفيه في حمام مريم و ابقاي ادفيها و اعطيها ابزيزلتها راه حليب الام في حد داتو ادوا و غدا ان شاء الله الا شافو الفرمليات ان الجلبة غادي ضرها ميدروهاش ليها كتخافي والو و ان شاء الله اتولي لاباس مرة اخرى على اسلامتك و مبروك الزيادة
رديلها البال فوووق القياس و سمطيها بالزيت بلدية و لبسيها مزياااان و شوفي الصيدلية واش يقدرو يعطيوك سيروم فيزيولوجيك هو الما ديال البحر باش تقطريلها ف نيفها و شريلها موش بيبي باش تجبديلها من نيفها و يترحلها باش تقدر تتنفس و ترضع الله يحفظها و تهلاي فيها يا أختي هاديك الكبدة ما نحتاجشي نوصيك مع هاد السم دالبرد الله يشافيها
اللهم ءامين الله اجازيكم خير الجزاء بالدعاء ديالكم
شريلها sterimar ما البحر و جبديلها بالموش بيبي و من الليل قبل ما تقمطيها دهنيها كلها بزيت العود مسخنة شوية و قطريلها حتى فنويفها شي قطيرات و اكييييد الرقية الشرعية
الله اشافيها ليك شوفي اختي راه مخصهمش اديرها التلقيح الى كان ضاربها البرد قوليهالهم باش مليزيدش عليها الحال
اختي لازم تديها للطبيب يدير كشف vrs حيت فهاد الوقت كاينتشرهاد الفيروس وكايقدر يتسبب فمضاعفات خطيرة للمواليد قبل عمر الشهرين وهو يشبه اعراض الزكام الى حد كبير ( bronchite و قد تتطور الى bronchiolite)و لابد من تطبيب الرضع حتي يتجاوزو مرحلة الخطر و على فكرة ولدي فعمرو 15 يوما و تم تطبيبو اسبوع حتى بدا كايتشافا الحمد لله و العلاج عادة الى مكانش المرض مصحوب بالتهاب في الادن او الحلق كايكون عبارة عن تنظيف الانف بالمحلول الفيزيولوجي و احيانا الاوكسجين لمساعدة الرضيع على التنفس
ان شاء الله غدا غي نديها الجلبة ونقولها لهم ويلي مجلبوهاش نديها عند طبيب انا لي خالعني هوا واش فهاد العمر كيتصابو بالزكام وكيف التعامل معا الرضع