بنتي خسرات تربيتها وتنعتدب انا وباباها وهي ارجو منكم عدم التجاهل

اخواتي رمضان مبروك تنتمنى منكن اخواتي متجاهلوش موضوعي لان الامر اصبح صعب جدا علي وعلى زةوجي وحتى ط¨ظ†طھظٹ مبقاتش براحتها تخربقات ليها طھط±ط¨ظٹطھظ‡ط§
من بعد ما سخن الجو داري سخونة اضطريت نتحول من بيت النعاس ولينا تنعسو فالصالون وحيدت ط¨ظ†طھظٹ من نموسيتها ولات تتنعس حدايا ايوا دبا ولفااااااااااااااااااااااااات تنعس على البزولة وليت تناخد معاها ساعة على الاقل باش تنعس في اي وقت والى فاقت فالليل تتبقا تدور فوجههاتقلب عليها والى معطيتهالهاش تبدا تبكي وتفيق واش جا منعسها تاني حتى الفجر جربت اني ندوش ليها الدوش عاوتاني مبقاش تيرخيها ولا تينشطها وتوكظ ومتنعس على شحاااال معرفتش واش طريقتي فالدوش الي ماشي هي هاديك لانني دغيا تنزرب عليها متتعياش والله تعذبت وراجلي تكرفس وهي مبقات فراحتها مسكينة اضصافة الى ان جيراني مصدعينا بزاف وكانهم ساكنين معانا قلت ربما حتى هما سبب لعدم توفر الهدوء ارجوكم البنات فيدوني

---

fkjd osvhj jvfdjih ,jkuj]f hkh ,fhfhih ,id hv[, lk;l u]l hgj[hig u[g

وقيلا هدي لولده لولا حتي انا بنت البكر دوزتها عليها بسهير
ولكن منبعد فاش ولدت المرة الثانية عاد عقت هههه
الحل هو تعشيها مزيان الى كانت كتاكل والى مزال كترضع رضعيها مزيااااان
والى الستمر الوضع شوفي pédiatre ممكن كضرها شي حاجا والله يوفقك
ورمضان كريم

اختي عندك الحق وبصح رانا تندوش ليها فالصباح وقبل متنعس والمشكل دبا بنتي عندها تمانية اشهر تبارك الله وعندنا الحرارة بزاااف لدرجة اني تنلقا فراشها بحال الى مرقد فالما فازك مزيان ومشيت البارح ناخد كليما لانه ملي مشيت عند ناسي عندهم دار باردة وحطيتها فواحد البيت فيه الهدوء ورضعتها ونعست من 3 ونص حتى 7 العشية ايوا قررت ناخد كليما مي كلشي تيخوفني قالولي راه يمرضها .ولكن غاد ناخدو ونعملو على درجة ماشي باردة بزاف ياك اختي ربما يعاونها .خت راه الدار الي انا ساكنة فيها الناس الي تحتي تيتسمعو بحال الى معانا فالبيت والصداع بالليل والنهار ربما هما سبب كبير فالسيستيم ديالها الي خسر وبالنسبة للدوش انا راه تنحس براسي متنعرفش ندوش ليها مزيان متتخليناش نقيسو ليها شعرها وبالتالي تنغسل ليها بالزربة ختي اش نقولك راني خايفاها مترجعش تولف ليا الناموسية ديالها وباباها راه غير صابر راكم تفهموني البنات …. وحتى هو تيفيق يبقا هازها معايا حتى الفجر والعجيب هو انها حتى تقاد ليها النعاس مني كانت صغر من هكا ودبا لا خاصها تبقى ترضع عاد تنعس والى جاها النعاس وعينيها نعسو تبقا تقلب على البزولة براسها وتبدا تبكي سمحوليا البنات

اختي بصح منين تتعشا تتنعس مزيان ولكن دبا مع الصهد الشهية ناقصة عندها بزاف انا راه قريت بزاف ديال التجارب تيقولو انك تخلي الولد يبكي حتى يولف نموسيتو اريح ليك وليه ولكن معرفت اش تيجيب لي راسي راني تعديت عليها وظلمتها الى خليتها تبكي بزاف و معرفت اش ندير

شوفي اختي انا بناتي بجوج ولاو ينعسو بوحدهم من 3 شهور ولاكين بنتي الاولى كانت تتبكي بزاف كنت رضعها مزيآآآآن و ندوش ليها و نقيها و نحطها فبيتها ولله يلا تبقى تبكي بالسوايع باها بارك مسكين فالارض قدام لباب باش متشوفوش حنين فيها بزاف وانا تنمشي نعس بقات 3 يام ا عاد شدات ريتم تا عدبات باها وجيران ههههههه اوا اجي توفيها دابا عندها هام و نص تهز رضاعة و تمشي تجري لبلاصتها مني نقول ليها دودو

السلام عليكم ورحمة الله

قلتي عمرها 8 شهور.. اختي بنتك مقلقينها اولا السنان راه كاين الاطفال اللي كيعذبوهم بزاااف

ثانيا كان عليك مللي تحولتي لبيت آخر حولي بنتك في ناموسيتها علاش حيديتها منها

جربي اختي السكاتة لان بنتك باغية باش تعمر فمها وخا شبعانة والسكاتة هي الحل.

بالنسبة للدش اختي خودي سطل ديال الحمام وعمريه حتى للنص بالما دافي وخشيها فيه وعطيها لعب بلاستيك وخليها تلعب

ماتخافي والو لانها باقي ماكتوقف والسطل ماعامرش وهي مخشية فيه كاملة… حتى تشوفيها عيات عاد غسلي ليها وخرجيها

وهادشي ديريه بالصباح والليل باش تبقى مرتاحة

وماتنسايش خودي ليها بومادا اللي كاتكالمي حر السنان والله يشافي

خت راني حاولت نجرب هاد الطريقة ولكن مقديتش وباباها تيمشي يهزها ديك الساع تيقولي حرام عليك هي تتحس بالحرمان دبا هههه ولكن غاد نحاول نجربها قولي لي احبيبةة واش تتحطيها وتخليها تبكي وتتبكي بزاف كفاش تتحسي نت ودبا واش ولفات بيتها من تلات ايام ديال البكا صاف عفاك شرحيليل الطريقة الي عملتي مزيان راني خايفة تبقى مولفاني وراكم عارفين صعيب الحال وراجلي راه تكرفس متنعسش بخاطرو اضافة الى حقوق الزوجية ولات شبه منعدمة

ختي السكاتة كنت تنعملها ليها وارتاحيييييييييييييت ولكن دبا تتلوحها مبغاتهاش وبالنسبة للدوش راه مني تندوش ليها تنبقى مقابلاها وشادينها انا وباباها وبزز مني نبغي نغسل ليها شعرها تتنوض وتوقف وتشد فالبانيو تيبغي يتقلب الى ما شديناها ههههههههه ولكن من بعد الدوش تتوكظ مع انها من قبل كنت تنلبسها حوايجها ناعسة انا وليت تنشك فان حليبي غير كاف ومتيشبعهاش ولكن تترفض ليا جميع انواع الحليب الاخر

[QUOTE=Rajaa09;5496938]Choufi khti hta weldi lihad el an tay3rak welwsada dyalou tatweli fazga, hta la garedie galouha liya ani khasni labsou khfif ana ngol lik a khti daba lewlada lelwa tand3adbou bezzaf wtanbriw ndirou kter men jahdna enti ma3lik walou rada tdawchi l bentek fi lil bach tan3as mezyan machi sbah
charbiha lehlib mezyan
choufi pediatre robama snan wella l’otite
la clim wiyak tdiriha fi bit n3as, hna mdyarinha fi salle a manger w tankhaliw biban les chambres mahloulin wesrajem madoudin bach el brouda tabka, matkhalich la clim kidam bentek rah tmaredha, labsiha khfif m3a chi retaa khfif laychiha el berd m3a jaw la clim
diri bentek fi bitha webday bechiwya diri chi canape wella lit m3aha bach twalef bitha men be3d raj3i lbitek diri moniteur bach tsam3iha fi lil matdirich bhali wetnadmi, pediatre radi y3awnek,w la clim khoudi rir wahda siria rah hna wkharna sahd 3ad drari srar allah ysahel alik[/
امين اختي ديتها عند البيدياتر قالي فعلا هي جايبة الشسنان وراه باقة منوضاتهم ولكن هي ولفت تنعس على البزولة ماشي حر السنان لانها متتبقاش تبكي غير وقت الي يجيها النعاس خاصها تبقى شاداني بالساعات

اختي بالنسبة للحرارة انا قررت ندير كليما لان الحرارة عندنا بزااااااااااااااااااااااااااااااااف 45 او 47 وتنعسها غير فليكوش وتندوش ليها فالصباح والعشية ولكن تتقطر بالعروقات