بنتي حيرتني

سلام عليكم،

بنتي الله احفادها ليا قربت تسالي 3 أشهر، كانت كنعطيها لبزولا أ كانعاون شوية بي الرضاعة ، من بعد قطعت رضاعة ، خليت هاي لبزولا، إلى كانت شبعنا أ مافيها نعاس كانديرها في relax ، أ كاتبقا ساكتة حتى اجي جوع ، منين نهازها ، نعطيها لبزولا ، إوا أ نبقى نراري بها أ ندور حتى تانعس ، هاي نحطها تنوود، وإلا بقت ، تانعس شويي أ تنوود، مابقيتش نقدر ندير شي حاجة في الدار ، مقابلها هي هيا، هههههههههه ، هادشي في النهار

أما في ليل ، كانبقا ساعات وأنا هزها أ كانراري حتى اشد فيها نعاس ، حيت هي مولف لبزولا بزاااف، هي باش كاتنعاس ،
عافاكم، بغيتكم تنصحوني، كي ندير معاها، باش تبدا تنعس ليا دغيا أ مزيان،
أ بالنسبة لي كايرضعه طبيعي واش دايرين توقيت ديال رضاعة أ نعاس ، ولا وقتما بغاو يرضع وليداتكم كاتعتيوهوم، ،
الله يجازيكم كل خير ويحفظ ليكم وليداتكم

---

fkjd pdvjkd

لا تملكين العربية وتريدين التخلص من اللوحة؟ تفضلي من هنا..

أختي الطفل ضروري كتضربو الفيقة، وإلى كان مولف ينعس بوحدو كيرجع ينعس بلا صداع، ولكن بنتك ولفات تنعس فاليد أو relax. نصيحتي منين تشبع حطيها تنعس ففراشها بلا ما تراري بها وخى تبكي، كل 5 دقايق طلي عليها بلام تهزيها غي هدري معاها وطمأنيها وخرجي، ما غديش تفوتي أسبوع حتى تكوني تهنيتي وريحتيها. هادي تجربتي وأنا ف يومين جاب ربي التيسير

هههههههههههه كلنا في لهوى سوا، راه داكشي لي قلتي لي هو لي كندر، كنعطيها لبزولا إلى كانت جعانة، إلى شبعت كنحيادها ، حيت كاتبقا هاي كاتلعب بها ولا دايراها، secours هههههههه

صراحة عندك لحق ، ولفت نبقى هزها حتى تانعس، لمشكل مقدرتش نخليها تاتبكي، أ هذا هو لحل لوحيد باش نرتاح ، الله يعينا على تربية أولادنا ويحفظهم

الله يحفظ ليك بنتك اختي
انا عندي بنتي ليوم كملات شهرين تبارك الله
وهي اول فرحة ليا و مكنعرف والو في تربية الاطفال بالحق نقدرنفيدك هاد المرة
حتى انا كان عندي نفس المشكل مع بنتي بحكم انها اول فرحة ليا ولفات لي الهزان بزاف لي درجة انها كتنعس في ايد باباها ساعتين و هو هازها مسكين حتى تفيق على خاطرها و غير يحطها تفيق ديك اللحظة و الى حطيناها في بلاصتها تبقى تبكي و تترطى ولقينا ان هاد الطريقة ديال النعاس ديالها ممسلكاناش حيت خص كل واحد فينا يبقا يراري بيها و هيا حالة نصف عينيها غير تحطيها تفيق ببكاء
ايوا و حنا نقررو نحيدو ليها هاد العادة السيئة ا
اولا حيت ماشي في مصلاحتها حيت لاحظنا انها ملي كتبكي كتزراق و تحمار و تتعصب
تانيا حنا خدامين بزوج و لازم حتا حنا نرتاحو شوية مع تعب الخدمة و انا مبقا لي والو وندخل للخدمتي
تالتا الى خليناها مع ماما ان شاء الله متمحنهاش و لما نرجع نديها تقولي ماما بنتك قبيحة او صعيبة او خصرتي تربيتها

اول حاجة سولت عليها الناس هي هههههههههههههههه واش البكاء كيقتل لاني خفت على بنتي لتموت من البكاء ههههههه وكلشي قال لي لااااااااااااااااا عمر البكاء مكيقتل غير خاصك تراقبيها

صافي و حنا نتحزمو ليها واحد النهار هههههههههههههههههههههه عمرني ممنسى اش طرا ليها مسكينة و هي عندها شي 40 يوم
رضعتها و انا كنعطيها فقط البزولة و بدلت ليها الكوش و غسلت ليها و لبستها ايوا عنقناها و بسناها و حنا نحطوها في بلاصتها و هيا تطلقها بغوتة وحدة بقات تبكي تبكي و حنا ميكنا عليها و هي زادت في البكاء و حتى واحد ومجا عندها لدرجة انها سخفات بلبكاء وفي الخير و هي تنعس ولكن حنا مراقبينها لتعود توحل ليها او تخنق الله يستر عمرك تغفلي على الاطفال و من بعد نصف ساعة فاقت و هي كتبكي جيت عندها و لمستها و هضرت معاها و هيا كتبكي حكيت ليها شوية حيت بنتي عزيز عليها الحكان صافي وبقات تبكي حتى نعست تاني فاقت رضعتها و هضرت معاها شوية و بدلت ليها الكوشة و رجعتها لبلاصتها بكات حتى بردات و شوية و هي تقطع الحس جينا طلينا عليها لقيناها كتلعب بايديها و رجيلها خليناها شوية طلينا عليها لقيناها نعسات وهاد المرة نعسات 2 سوايع متابعا فاقت نفس الشي تاني رضعتها و بدلت ليها و خليتها بكات شوية و في الليل نعسات لي مزيان حيت عيات بالبكاء
الغد ليه ناضت وحدة اخرى بقات في بلاصتها كتلعب و شوية تفكرات عادتها القديمة و بدات تبكي خليناها حتى سكتات على خاطرها نعسات 2سوايع تالني عمرها منعسات هاد المدة متابعة في بلاصتها
صافي الحمد لله حتى في الليل دابا ملي تفيق غير نرضعها منهضرش معاها في الليل نحطها في بلاصتها تبقا تلعب بايديها حتى تنعس تبارك الله عليها راسها وكنكون انا في بلاصتي ناعسة بالحق فايقة منقدرش نخليها فايقة وانا ناعسة غير نسمعها قطعات الحس كنطل عليها حيت ناموسيتها حدايا و نعاود نغطيها و نبوسها و نطفي عليها واحد النور خافت بزاف بحال الشمعة كنشعلو ليها في الليل الى كانت فايقة
الحمد لله بنتي دابا ولات مولفة بلاصتها و كتنعس بوحدها بلا منبقا نراري بيها و حتى في صحتها الحمد لله بان عليها الراحة تبارك الله و حنيكاتها ماشاء الله تنفخو ليها و كتبان هادئة الله يحفظها

هاد شي كلو كيبغي تقصحي قلبك نتي و باباها و تبعو الخطة ديالكم و لكن متغفلوش عليها ابدا خليكم مراقبينها بلا متحس بوجودكم
راها غادي تكسر الدنيا بالبكاء و غادي تشوفي بكاء هيستيري عمرك شفتيه و لكن الصبر
وهاد الشي كلو لازم تحني فيها و تعطيهاالحنان ديالك و العطف و تبقاي تهضري معاها وتحزريها بالحق كلشي بوقتو باش تولف ليك
راه باقا صفحة بيضاء نتي قادرة تعلميها عادات حسنة و سيئة من صغرها

الله يحفظ وليداتنا كاملين و الله يرزق المحرومات

فعلاً أختي ام لجين 1 حتى أنا دكشي اللي درت والنتيجة كانت مرضية جداً ما شاء الله

الله يجزيك كل خير ، عجبني هادشي لي درتي مع بنتك، الله اخليها ليك، معليا هاي نصبر أ نوالفها تانعس بحدها، راه بديت ليوم في النهار ، ولكن، فالآخر هزتها أ عطيتها ترضع حتى نعست، ولكن كايقولو بلي لغوات كايخرج ليهم لبوة ديالهم، داكشي علاش خايفة أنا، إوا اكون خير

إيوا أ حبيبة شي ما درتيه! راه زدتي صعبتي على راسك المهمة، حينت بنتك غادي تعرف أنها إلى بكات غادي تهزيها وغادي تبقى تبكي أكتر كل نهار! خصك تصبري وتعرفي أنك كتديري هادشي لمصلحتها باش ترتاح وتشد صحيحتها. ولهدرة ديال تخرج لها السرة غي تخربيق، السرة ماعندها حتى علاقة بالبكا كتقدر تخرج به ولا بلا بيه. وما تخافيش ما عندو ما يوقع لها طالما نت حاضياها من بعيد. الله يعاونك وقسحي قلبك راه كلمة ماما مساهلاش

ربي يخليك أختي،
لبارح خليتها تاغاتحماق بالبكا ، تا بكيت أنا ههههههههههههههه ، ياختي أ نعست، عودة فاقت، أ بقات تبكي شحال ، وأنا نراداعها ناعسة ، تا ده نعاس ، إوا ليوم، هاهي هداها سيدي ربي شوية، أ ناعسة،
الله اكون معانا