بنااء على طلبكم -ورشة عمل البونشو والطاقية

اخواتى نبدأ بعمل عدد من غرزة السلسله على حسب مرور الراس ويجب ان تكون اوسع من حجم الراس قليلا حتى لايتضايق الطفل اثناء مرور راسه ولكى يستفيد به لعدة سنوات وبعد زلك نغلق اخر سلسله مع اول سلسله (حتى يصبح لدينا دائرة -ده اول سطر ثانى سطر تتبعو معى هذه الصور الماخوذه من الاخت ام عزيزان بارك الله فيها (للامانة)
نطلع ثلاثة سلسلة وده يشكل اول عمود فى السطر الثانى

ثم نشتغل فى نفس السلسلة عمودين اخرين يصبح عندنا ثلاث اعمده فى سلسلة ثم بعد ذلك نشتغل ثلاثة غرز سلسلة ونشتغل ثلاثة اعمده فى ثانى غرزة سلسله مثل الصوره

ثم نشتغلغرزة سلسله ونفوت فى السطر اللى تحت غرزة سلسلة ثم نشتغل ثلاث عواميد( فى كل غرزة سلسلة من السطر اللى تحت عمود )واحد ارجعى القى نظرة على الباترون وهكذا

وهكذا حتى تصلى الى الطرف المقابل للثلاث اعمده اللى عملناهم فى البدايه نشتغل ثلاث غرزعواميد فى سلسلة واحدة ثم نشتغل ثلاثة سلسلة وثلاث عواميدفى السلسة الثانية وهكذا نكمل باقى الشغل حتى نصل للبدايه ونغلق السطر بسلسلة

بعد الغلق نشتغل فوق العواميد الثلاثة سلسلة نائمة غرزة غلق لحد مانوصل لاول فراغ(الثلاثة سلاسل)ونشتغل فى الفرا غ ثلاثة سلسلة ده اول عمود ثم نعمل عمودين اصبح عندنا ثلاثة عواميد ثم نعمل ثلاثة سلسلة ونشتغل ثلاثة عواميد اخرين فى نفس الفراغ ثم نشتغل غرزة سلسلةواحدة ثم ثلاثة عواميد فى الفراغ اللى تحت وغرزة سلسلة وهكذاعلى طول حنلا حظ ان كل سطر ماينتهى يكبر معاكى وانا عيزاكم تراعو سمك الخيط وحجم الابرة

وهكذا حتى تصلوا للطول المناسب وممكن ينفذ للكبار ونلا حظ هنا اننا كونا اثنين كورنر ممكن تفننى وتعملى اربع كورنارات يعنى حتقسمى عدد سلاسل البدايه الى اربع اجزاء بدل اثنين حيطلع شكل تانى ظريف وفى الاخر اعملى بلبلتين ووصليهم بحبل طوله مناسب عبارة عن غرزة سلسله ووصليه فى الفتحات علشان تصغرى فتحة الرقبة على قد المقاس

وفى الاخير انا قصصت مجموعة خيوط قد بعضها وعقدتهم فى الاسفل لتكون الشراشيب

وممكن تشتغلى اى حافة انتى عايزاها حتدى شكل تانى خالص مثل هذا البونشو

وممكن تسيبيه من غير شراشيب مثل هذا البونشو

وممكن تعملى كل سطر لون حيبقى خطير من بواقى الخيوط اللى عندك

اما الطاقيه انا الفتها من راسى وطلعت معايا كده بالبركة وحقول لكم الطريقه هر نفس فكرة طاقية البحارة اخذت وحدة مربعه وهى دى لانى لاقيتها نفس غرزة البونشو

ونفزتها مع ذيادة عدد الاسطر لحد ما وصلت للحجم المناسب ثم عملت صفين عواميد مع مراعاة الزيادة عند الاربع اركان نعمل عمودين واثنين سلسله ونعمل عمودين اخرين وبعد مانعمل الطول المناسب نبدا بالتنقيص فى كل ضلع من المربع غرزة او اثنين على حسب ما انتى عايزة تصغرى وهكذا لحد ماتوصلى للمقاس المناسب لحجم الراس وتعملى كود مكون من عمود امامى وعمود خلفى وهكذا تعملى طول الكود اللى انتى عوزاه انا عملت ثلاث اسطر تقريباا او اربع فطلع عندى بهذا الشكل

ومن اعلى وضعت لها بلبلةواصبحت بهذا الشكل

اخواتى الاحباء سعدت جداا بكم متمنيه تنفيذه علشان تفرحونى فماتستخسروش فيا الفرحة وبارك الله لكم ودمتم لى واتمنى اكون قد وصلتلكم الشرح بوضوح