بغيت الراي ديالكم

السلام عليكم كنت عند الطبيبة لبارح قالت لي لحمالة غندك خاسرة و عطاتني الدواء باش ايطيح اشنو لي حسن هاد الطريقة او الكورطاج اللهاجازيكم بالخير

---

fydj hgvhd ]dhg;l

اختي الله يعوضك شحال كان عندك
لا هادي حسن ان شاء الله الكورطاج من الاحسن بلاش حيت كاينا لي كتضرر من بعدو
الله يسر ليك الحبيبة

اختي الكورطاج اخر ما تفكري فيه
انا خسر لي من شهرين ونزل لي غي في الدار
ولكن انا كنقول شوفي دكتور اخر واش متاكدة الحمل خاسر ….

حتى انا اختي انعام خسرت لي الحمالة و طاج لي فالدار من 50 يوم تقريبا و فالحقيقة الدوا حسن من الكورطاج و الكوطاج على ما سمعت ما كيديروه حتى كيكون الجنين فايت 3 شهور

اختي الدواء احسن الى كان باقي صغير والله يعووضك فيما ضاع

الله اجازيكم بالخير الاخوات الكريمات على التفاعل ديالكم بارك الله فيكم الاخت لي سولتني على العمر ديال الجنين غيكون شهرين و نصف الحمد لله على كل حال

أختي سري شوفي طبيب آخر ، أنا بسبب كورطاج أنا كنعاني و مزال كنعاني لهدا خودي الدوا أحسن أو خليه يطيح وحدو غير صبري .. الله يعوضلك عما قريب

الحبيبة حتى انا من 8 سنين كان وقع لي اجهاض وقد عمر الجنين ديالك ولكن جاني نزيف حاد وكان صعيب يطيح بالدوا لانه مسكين كان لاصق وكنت شفت القلب ديالو قبل بيوم تينبض ويضرب عادي ولكن عين بنادم ..
ودرت اختي الكورطاج بعد الكشف عند اكثر من دكتورتين والكل ينصح بالكورطاج وربي مايوريك كورطاج بلا بنج كيداير غير خليها على الله ..
المهم منين عطاتك الدوا نصيحتي لك خودي الدوا هو الاول واخر حاجة تفكري فيها هو كورؤطاج وربي معك
واش اول حمل لك ؟

أنا أختي ما كنصحك لا بدوا لا بالكرطاج خليه ره غينزل بوحدو من هنا ل15أو 20يوم غينز ل أوأقل،حيث الجسم كيعمل على التخلص من أي شي غريب أنا هكك درت وصفت لي الطبيبة دوا ما خديتوش وف 10 أيام نزل بوحدو

انا فنظري تبعي كلام طبيبتك هي غتعرف احسن
انا كان خسر لي جنين ف 8 اسابيع كان اول حمل لي
و حيدوه لي كورطاج بلحق بنجوني كولي محسيت بوالو
فنهاري خرجت الحمد لله كولشي داز مزيان
شوفي اتبعي قرار الطبيب
و الله يعوضك بادن الله